อรรถกถาเล่มที่ ๔ หน้าที่ ๑๔๘.

ขิฑฺฑาภูมิ นาม. มาตาปิตูนํ หตฺถํ วา ปาทํ วา มญฺจํ วา ปี วา คเหตฺวา ภูมิยํ ปทนิกฺขิปนํ ^๑- ปทวีมํสภูมิ นาม. ปทสา คนฺตุํ สมตฺถกาเล อุชุคตภูมิ นาม. สิปฺปานิ สิกฺขิตกาเล เสขภูมิ นาม. ฆรา นิกฺขมฺม ปพฺพชิตกาเล สมณภูมิ นาม. อาจริยํ เสวิตฺวา ชานนกาเล ชินภูมิ นาม. "ภิกฺขุ จ ปนฺนโก ^๒- ชิโน น กิญฺจิ อาหา"ติ เอวํ อลาภึ สมณํ ปนฺนภูมีติ วทติ. เอกูนปญฺาส อาชีวกสเตติ เอกูนปญฺาส อาชีวกวุตฺติสตานิ. ปริพฺพาชกสเตติ ปริพฺพาชกปพฺพชฺชาสตานิ. นาคาวาสสเตติ นาคมณฺฑลสตานิ. วีเส อินฺทฺริยสเตติ วีสตินฺทฺริยสตานิ. ตึเส นิรยสเตติ ตึส นิรยสตานิ. รโชธาตุโยติ รชโอกิรณฏฺานานิ, หตฺถปิฏฺิปาทปิฏฺาทีนิ สนฺธาย วทติ. สตฺตสญฺีคพฺภาติ โอฏฺโคณคทฺรภอชปสุมิคมหิเส สนฺธาย วทติ. สตฺตอสญฺีคพฺภาติ สาลิวีหิยวโคธูมกงฺคุวรกกุทฺรูสเก สนฺธาย วทติ. นิคณฺิคพฺภาติ คณฺิมฺหิ ชาตคพฺภา อุจฺฉุเวฬุนฬาทโย สนฺธาย วทติ. สตฺตเทวาติ พหู เทวา. โส ปน "สตฺตา"ติ วทติ. มนุสฺสาปิ อนนฺตา, โส "สตฺตา"ติ วทติ. สตฺตปิสาจาติ ปิสาจา มหนฺตมหนฺตา "สตฺตา"ติ วทติ. สราติ มหาสรา, กณฺณมุณฺฑกรถการอโนตตฺต- สีหปฺปปาตฉทฺทนฺตมนฺทากินิกุณาลทเห คเหตฺวา วทติ. ปวุฏาติ ^๓- คณฺิกา. ปปาตาติ มหาปปาตา. ปปาตสตานีติ ขุทฺทกปปาตสตานิ. สุปินาติ มหาสุปินา. สุปินสตานีติ ขุทฺทกสุปินสตานิ. มหากปฺปิโนติ มหากปฺปานํ. ^๔- ตตฺถ เอตฺตกา ^๕- มหาสรา วสฺสสเต วสฺสสเต กุสคฺเคน เอกํ อุทกพินฺทุํ นีหริตฺวา สตฺตกฺขตฺตุํ ตสฺมึ สเร นิรุทเก กเต เอโก มหากปฺโปติ วทติ. เอวรูปานํ มหากปฺปานํ จตุราสีติสตสหสฺสานิ เขเปตฺวา พาโล จ ปณฺฑิโต จ ^๖- ทุกฺขสฺสนฺตํ กโรนฺตีติ อยมสฺส ลทฺธิ. ปณฺฑิโตปิ กิร อนฺตรา วิสุชฺฌิตุํ น สกฺโกติ, พาโลปิ ตโต อุทฺธํ น คจฺฉติ. สีเลนาติ อเจลกสีเลน วา อญฺเน วา เยน เกนจิ. วเตนาติ ตาทิเสเนว วเตน. ตเปนาติ ตโปกมฺเมน. อปริกฺปกํ ปริปาเจติ นาม โย "อหํ @เชิงอรรถ: ^๑ ก. ปทวิกฺเขปนํ ^๒ สี. ปณฺณโก ^๓ ม. สปุฏาติ, อิ. ปจุฏา ^๔ ม. มหากปฺปานํ @จุลฺลาสีติ สตสหสฺสานิ. ^๕ อิ. เอกมฺหา. ^๖ ฉ.ม.,อิ. พาเล จ ปณฺฑิเต จ.

เนื้อความอรรถกถาฉบับภาษาบาลี อักษรไทย เล่มที่ ๔ หน้าที่ ๑๔๘. http://84000.org/tipitaka/read/attha_page.php?book=4&page=148&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=4&A=3885&pagebreak=1 http://84000.org/tipitaka/atthapali/th_line.php?B=4&A=3885&pagebreak=1#p148