ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๔ ภาษาบาลี อักษรไทย ที.อ. (สุมงฺคล.๑)

หน้าที่ ๑๔๖.

                        มกฺขลิโคสาลวาทวณฺณนา
      [๑๖๘] มกฺขลิวาเท ปจฺจโยติ เหตุเววจนเมว ๑- อุภเยนาปิ วิชฺชมานเมว
กายทุจริตาทีนํ สงฺกิเลเสปจฺจยํ กายสุจริตาทีนญฺจ วิสุทฺธิปจฺจยํ ปฏิกฺขิปติ.
อตฺตกาเรติ อตฺตกาโร. เยน อตฺตนา กตกมฺเมน อิเม สตฺตา เทวตฺตํปิ
มารตฺตํปิ พฺรหฺมตฺตํปิ สาวกโพธึปิ ปจฺเจกโพธึปิ สพฺพญฺุตํปิ ปาปุณนฺติ, ตํปิ
ปฏิกฺขิปติ. ทุติยปเทน ๒-  ยํ ปรการํ ปรสฺส โอวาทานุสาสนึ นิสฺสาย เปตฺวา
มหาสตฺตํ อวเสโส  ชโน มนุสฺสโสภคฺยตํ อาทึ กตฺวา ยาว อรหตฺตํ ปาปุณาติ,
ตํ ปรการํ ปฏิกฺขิปติ. เอวมยํ  พาโล ชินจกฺเก ปหารํ เทติ  นาม. นตฺถิ
ปุริสกาเรติ เยน ปุริสกาเรน สตฺตา วุตฺตปฺปการา สมฺปตฺติโย ปาปุณนฺติ, ตํปิ
ปฏิกฺขิปติ. นตฺถิ พลนฺติ ยมฺหิ อตฺตโน พเล ปติฏฺิตา สตฺตา วีริยํ กตฺวา ตา
สมฺปตฺติโย ปาปุณนฺติ, ตํ พลํ ปฏิกฺขิปติ. นตฺถิ วีริยนฺติอาทีนิ สพฺพานิ
ปุริสการเววจนาเนว. "อิทํ โน วีริเยน, อิทํ ปุริสตฺถาเมน, อิทํ ปุริสปรกฺกเมน
ปวตฺตนฺ"ติ เอวํ ปวตฺตวจนํ ปฏิกฺเขปกรณวเสน ปเนตานิ วิสุํ อาทิยนฺติ.
      สพฺเพ สตฺตาติ โอฏฺโคณคทฺรภาทโย อนวเสเส ปริคฺคณฺหาติ.
สพฺเพ ปาณาติ เอกินฺทฺริโย ปาโณ, ทฺวินฺทฺริโย ปาโณติ อาทิวเสน วทติ. สพฺเพ
ภูตาติ อณฺฑโกสวตฺถิโกเสสุ ภูเต สนฺธาย วทติ. สพฺเพ ชีวาติ สาลิยวโคธูมาทโย
สนฺธาย วทติ. เตสุ หิ โส วิรูหนภาเวน ชีวสญฺี. อวสา อพลา อวีริยาติ
เตสํ อตฺตโน วโส วา พลํ วา วีริยํ วา นตฺถิ. นิยติ สงฺคติภาวปริณตาติ
เอตฺถ นิยตีติ นิยตา. ๓- สงฺคตีติ ฉนฺนํ อภิชาตีนํ ตตฺถ ตตฺถ คมนํ. ภาโวติ
สภาโวเยว. เอวํ นิยติยา จ สงฺคติยา จ สภาเวน จ ปริณตา นานปฺปการตํ
ปตฺตา. เยน หิ ยถา ภวิตพฺพํ, โส ตเถว ภวติ. เยน น ภวิตพฺพํ, โส น
ภวตีติ ทสฺเสติ. ฉเสฺววาภิชาตีสูติ ฉสุเอว อภิชาตีสุ ตฺวา สุขญฺจ ทุกฺขญฺจ
ปฏิสํเวเทนฺติ, อญฺา สุขทุกฺขภูมิ นตฺถีติ ทสฺเสติ.
      โยนิปฺปมุขสตสหสฺสานีติ ปมุขโยนีนํ อุตฺตมโยนีนํ จุทฺทสสตสหสฺสานิ,
อญฺานิ จ สฏฺิสตานิ, อญฺานิ จ ฉสตานิ. ปญฺจ จ กมฺมุโน สตานีติ
@เชิงอรรถ:  ก. ปจฺจโย เหตุเววจนเมว, ม. ปจฺจโย เหตูติ เววจนเมว
@ สี.,อิ. ทุติยวาเทน         สี.,อิ. นิยตฺตา



เนื้อความอรรถกถาฉบับภาษาบาลี อักษรไทย เล่มที่ ๔ หน้าที่ ๑๔๖. http://84000.org/tipitaka/read/attha_page.php?book=4&page=146&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=4&A=3831&pagebreak=1 http://84000.org/tipitaka/atthapali/th_line.php?B=4&A=3831&pagebreak=1#p146


จบการแสดงผล หน้าที่ ๑๔๖.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]