อรรถกถาเล่มที่ ๔ หน้าที่ ๑๔๕.

กิลเมนฺตสฺสาปิ ^๑- ปเรหิ กิลมาเปนฺตสฺสาปิ. ผนฺทโต ผนฺทาปยโตติ ปรํ ผนฺทนฺตํ พนฺธนกาเล ^๒- สยํปิ ผนฺทโต ปรํปิ ผนฺทาปยโต. ปาณมติปาตาปยโตติ ปาณํ หนนฺตสฺสาปิ หนาเปนฺตสฺสาปิ. เอวํ สพฺพตฺถ กรณการาปนวเสเนว ^๓- อตฺโถ เวทิตพฺโพ. สนฺธินฺติ ฆรสนฺธึ. นิลฺโลปนฺติ มหาวิโลปํ. เอกาคาริกนฺติ เอกเมว ฆรํ ปริวาเรตฺวา วิลุมฺปนํ. ปริปนฺเถติ อาคตาคตานํ อจฺฉินฺทนตฺถํ มคฺเค ติฏฺโต. กโรโต น กริยติ ปาปนฺติ "ยํ กิญฺจิ ปาปํ กโรมี"ติ สญฺาย กโรโตปิ ปาปํ น กริยติ, นตฺถิ ปาปํ. สตฺตา ปน "ปาปํ กโรมา"ติ เอวํ สญฺิโน โหนฺตีติ ทีเปติ. ขุรปริยนฺเตนาติ ขุรเนมินา, ขุรธารสทิสปริยนฺเตน วา. เอกํ มํสขลนฺติ เอกํ มํสราสึ. ปุญฺชนฺติ ตสฺเสว เววจนํ. ตโตนิทานนฺติ เอกมํสขลกรณนิทานํ. ทกฺขิณนฺติ ทกฺขิณตีเร มนุสฺสา กกฺขฬา ทารุณา, เต สนฺธาย "หนนฺโต"ติอาทิมาห. อุตฺตรตีเร สตฺตา สทฺธา โหนฺติ ปสนฺนา พุทฺธมามกา ธมฺมมามกา สํฆมามกา, เต สนฺธาย "ททนฺโต"ติอาทิมาห. ตตฺถ ยชนฺโตติ มหายาคํ กโรนฺโต. ทเมนาติ อินฺทฺริยทเมน, อุโปสถกมฺเมน วา. สํยเมนาติ ^๔- สีลสญฺเมน. สจฺจวชฺเชนาติ สจฺจวจเนน. อาคโมติ อาคมนํ, ปวตฺตีติ อตฺโถ. สพฺพถาปิ ปาปปุญฺานํ กิริยเมว ปฏิกฺขิปติ. อมฺพํ ปุฏฺโ ลพุชํ พฺยากโรติ นาม, โย "กีทิโส อมฺโพ, กีทิสานิ วา อมฺพสฺส ขนฺธปณฺณปุปฺผผลานี"ติ วุตฺเต "เอทิโส ลพุโช, เอทิสานิ วา ลพุชสฺส ขนฺธปณฺณปุปฺผผลานี"ติ พฺยากโรติ. วิชิเตติ อาณาปวตฺติเทเส. อปสาเทตพฺพนฺติ วิเหเตพฺพํ. อนภินนฺทิตฺวาติ "สาธุ สาธู"ติ เอวํ ปสํสํ อกตฺวา. อปฺปฏิกฺโกสิตฺวาติ พาล ทุพฺภาสิตํ ตยา ภาสิตนฺติ เอวํ อปฺปฏิพาหิตฺวา. อนุคฺคณฺหนฺโตติ สารโต ^๕- อคฺคณฺหนฺโต. อนิกฺกุชฺเชนฺโตติ สารวเสเนว อิทํ นิสฺสรณํ, อยํ ปรมตฺโถติ หทเย อฏฺเปนฺโต. พยญฺชนํ ปน เตน อุคฺคหิตญฺเจว นิกฺกุชฺชิตญฺจ. @เชิงอรรถ: ^๑ ฉ.ม. กิลมนฺตสฺสปิ ^๒ ฉ.ม. ผนฺทนกาเล @^๓ ฉ.ม. กรณการณวเสเนว ^๔ ก. สญฺเมนาติ ^๕ ฉ.ม. สารวเสเนว

เนื้อความอรรถกถาฉบับภาษาบาลี อักษรไทย เล่มที่ ๔ หน้าที่ ๑๔๕. http://84000.org/tipitaka/read/attha_page.php?book=4&page=145&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=4&A=3805&pagebreak=1 http://84000.org/tipitaka/atthapali/th_line.php?B=4&A=3805&pagebreak=1#p145