อรรถกถาเล่มที่ ๔ หน้าที่ ๑๓๒.

[๑๕๔] ปกุโธติ ตสฺส นามํ. กจฺจายโนติ โคตฺตํ. อิติ นาม โคตฺตํ สํสนฺทิตฺวา "ปกุโธ กจฺจายโน"ติ วุจฺจติ. สีโตทกปฏิกฺขิตฺตโก ^๑- เอส, วจฺจํ กตฺวาปิ อุทกกิจฺจํ น กโรติ, อุโณฺหทกํ วา กญฺชิกํ วา ลภิตฺวา กโรติ, นทึ วา มคฺโคทกํ วา อติกฺกมฺม "สีลํ เม ภินฺนนฺ"ติ วาลิกาถูปํ กตฺวา สีลํ อธิฏฺาย คจฺฉติ. เอวรูโป นิสฺสิริกลทฺธิโก เอส. [๑๕๕] สญฺชโยติ ตสฺส นามํ. เวลฏฺสฺส ปุตฺโตติ เวลฏฺปุตฺโต. [๑๕๖] อมฺหากํ คณฺนกิเลโส ปลิพุนฺธนกิเลโส ^๒- นตฺถิ, กิเลส- คณฺรหิตา ^๓- มยนฺติ เอวํวาทิตาย ลทฺธนามวเสน นิคณฺโ. นาฏสฺส ปุตฺโตติ นาฏปุตฺโต. โกมารภจฺจชีวกกถาวณฺณนา [๑๕๗] อถโข ราชาติ ราชา กิร เตสํ วจนํ สุตฺวา จินฺเตสิ "อหํ ยสฺส ยสฺส วจนํ น โสตุกาโม, โส โส เอวํ ^๔- กเถสิ. ยสฺส ปนมฺหิ วจนํ โสตุกาโม, เอส ^๕- นาควสํ ปิวิตฺวา ิโต สุปณฺโณ วิย ตุณฺหีภูโต, อนตฺโถ วต เม"ติ. อถสฺเสตทโหสิ "ชีวโก อุปสนฺตสฺส พุทฺธสฺส ภควโต อุปฏฺาโก, สยํปิ อุปสนฺโต, ตสฺมา วตฺตสมฺปนฺโน ภิกฺขุ วิย ตุณฺหีภูโต นิสินฺโน, น เอส มยิ อกเถนฺเต กเถสฺสติ, หตฺถิมฺหิ โข ปน มทฺทนฺเต หตฺถิสฺเสว ปาโท คเหตพฺโพ"ติ เตน สทฺธึ สยํ มนฺเตตุมารทฺโธ. เตน วุตฺตํ "อถโข ราชา"ติ. ตตฺถ กึ ตุณฺหีติ เกน การเณน ตุณฺหี. อิเมสํ อมจฺจานํ อตฺตโน กุลุปกสมณสฺส วณฺณํ กเถนฺตานํ มุขํ นปฺปโหติ. กึ ยถา เอเตสํ, เอวํ ตว กุลุปกสมโณ นตฺถิ, กึ ตฺวํ ทลิทฺโท, น เต มม ปิตรา อิสฺสริยํ ทินฺนํ, อุทาหุ อสฺสทฺโธติ ปุจฺฉติ. ตโต ชีวกสฺส เอตทโหสิ "อยํ ราชา มํ กุลุปกสมณสฺส คุณํ กถาเปติ, นทานิ เม ตุณฺหีภาวสฺส กาโล, ยถา โข ปนิเม ราชานํ วนฺทิตฺวา นิสินาว อตฺตโน กุลุปกสมณานํ คุเณ กถยึสุ, น มยฺหํ เอวํ สตฺถุ คุเณ กเถตุํ ยุตฺตนฺ"ติ อุฏฺายาสนา ภควโต วิหาราภิมุโข ปญฺจปติฏฺิเตน วนฺทิตฺวา ทสนข- สโมธานสมุชฺชลํ อญฺชลึ สิรสิ ปคฺคเหตฺวา "มหาราช มา มํ เอวํ จินฺตยิตฺถ `อยํ @เชิงอรรถ: ^๑ ก....ปฏิกฺขิตฺโต ^๒ ก. ปลิพุทฺธนกิเลโส ^๓ สี., ม. กิเลสคณฺิรหิตา @^๔ ฉ.ม. เอว ^๕ ก. โส เอส

เนื้อความอรรถกถาฉบับภาษาบาลี อักษรไทย เล่มที่ ๔ หน้าที่ ๑๓๒. http://84000.org/tipitaka/read/attha_page.php?book=4&page=132&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=4&A=3458&pagebreak=1 http://84000.org/tipitaka/atthapali/th_line.php?B=4&A=3458&pagebreak=1#p132