บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 4 : PALI ROMAN Di.A. (sumangala.1) Page 12.
Natthi. Na hi tathagata ekabyanjanampi niratthakam vadanti, savakanam pana devatanam va bhasite apanetabbampi hoti, tam dhammasangahakatthera apanayimsu, pakkhipitabbam pana sabbatthapi atthi, tasma yam yattha pakkhipitum yuttam, tampi pakkhipimsuyeva. Kim pana tanti? tena samayenati va, tena kho pana samayenati va, atha khoti va, evam vutteti va, etadavocati va, evamadikam sambandhavacanamattam. Evam pakkhipitabbayuttam pakkhipitva pana "idam pathamaparajikan"ti thapesum. Pathamaparajike sangahamarulhe panca arahantasatani sangaham aropitanayeneva ganasajjhayamakamsu "tena samayena buddho bhagava veranjayam viharati"ti. Tesam sajjhayaraddhakaleyeva sadhukaram dadamana viya mahapathavi udakapariyantam katva akampittha. Eteneva nayena sesani tini parajikani sangaham aropetva "idam parajikakandan"ti thapesum. Terasa samghadisesani "terasakandan"ti 1- thapesum. Dve sikkhapadani "aniyatani"ti thapesum. Timsa sikkhapadani "nissaggiyani pacittiyani"ti thapesum. Dvenavuti sikkhapadani "pacittiyani"ti thapesum. Cattari sikkhapadani "patidesaniyani"ti thapesum. Pancasattati sikkhapadani "sekhiyani"ti thapesum. Satta dhamme "adhikaranasamatha"ti thapesum. Evam sattavisadhikani 2- dve sikkhapadasatani "mahavibhango"ti kittetva thapesum. Mahavibhangavasanepi purimanayeneva mahapathavi akampittha. Tato bhikkhunivibhange attha sikkhapadani "parajikakandam nama idan"ti thapesum. Sattarasa sikkhapadani "sattarasakandan"ti 3- thapesum. Timsa sikkhapadani "nissaggiyani pacittiyani"ti thapesum. Chasatthisatasikkhapadani "pacittiyani"ti thapesum. Attha sikkhapadani "patidesaniyani"ti thapesum. Pancasattati sikkhapadani "sekhiyani"ti thapesum. Satta dhamme "adhikaranasamatha"ti thapesum. Evam tini sikkhapadasatani cattari ca sikkhapadani "bhikkhunivibhango"ti kittetva "ayam ubhatovibhango nama catusatthibhanavaro"ti thapesum. Ubhatovibhangavasanepi vuttanayeneva mahapathavi akampittha. 4- @Footnote: 1 cha.Ma. terasakanti 2 Si.Ma. visadhikani @3 cha.Ma. sattarasakanti 4 cha.Ma.i. mahapathavikampo ahosiThe Pali Atthakatha in Roman Character Volume 4 Page 12. http://84000.org/tipitaka/read/attha_page.php?book=4&page=12&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=4&A=296&modeTY=2&pagebreak=1 http://84000.org/tipitaka/atthapali/rm_line.php?B=4&A=296&modeTY=2&pagebreak=1#p12
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]