อรรถกถาเล่มที่ ๓ ภาษาบาลี อักษรไทย
วินย.อ. (สมนฺต.๓)
หน้าที่ ๔๓๕-๔๓๖.

หน้าที่ ๔๓๕.
                     วตฺตกฺขนฺธกวณฺณนา
                       ---------
     {๓๕๗} วตฺตกฺขนฺธเก ฯ อิทานิ อารามํ ปวิสิสฺสามีติ อิมินา
อุปจารสีมสมีปํ ทสฺเสติ ตสฺมา อุปจารสีมํ ปตฺวา อุปาหนโอมุญฺจนาทิ
สพฺพํ กาตพฺพํ ฯ คเหตฺวาติ อุปาหนา กตฺตรทณฺเฑน คเหตฺวา ฯ
ปฏิกฺกมนฺตีติ สนฺนิปตนฺติ ฯ อุปาหนปุญฺฉนโจฬกํ ปุจฺฉิตฺวา
อุปาหนา ปุญฺฉิตพฺพาติ กตรสฺมึ าเน อุปาหนา ปุญฺฉนโจฬกนฺติ
อาวาสิเก ภิกฺขู ปุจฺฉิตฺวา ฯ วิสฺสชฺเชตพฺพนฺติ อตฺถริตพฺพํ ฯ
โคจโร ปุจฺฉิตพฺโพติ โคจรคาโม อาสนฺเน อุทาหุ ทูเร กาลสฺเสว
ปิณฺฑาย จริตพฺพํ อุทาหุ ทิวาติ เอวํ ภิกฺขาจาโร ปุจฺฉิตพฺโพ ฯ
อโคจโร นาม มิจฺฉาทิฏฺิกานํ วา คาโม ปริจฺฉินฺนภิกฺโข วา
คาโม ฯ ยตฺถ เอกสฺส วา ทฺวินฺนํ วา ภิกฺขา ทิยฺยติ โสปิ
ปุจฺฉิตพฺโพ ฯ ปานียํ ปุจฺฉิตพฺพํ ปริโภชนียํ ปุจฺฉิตพฺพนฺติ กึ
อิมิสฺสา โปกฺขรณิยา ปานียํเยว ปิวนฺติ นหานาทิปริโภคํปิ กโรนฺตีติ
เอวํ ปานียญฺเจว ปริโภชนียญฺจ ปุจฺฉิตพฺพํ ฯ เกสุจิ าเนสุ
วาฬมิคา วา อมนุสสา วา โหนฺติ ตสฺมา กํ กาลํ ปวิสิตพฺพํ
กํ กาลํ นิกฺขมิตพฺพนฺติ ปุจฺฉิตพฺพํ ฯ พหิ ิเตนาติ นิกฺขมนฺตสฺส
อหิโน วา อมนุสฺสสฺส วา มคฺคํ ทิสฺวา ิเตน โอโลเกตพฺโพ ฯ
สเจ อุสฺสหติ โสเธตพฺโพติ ยทิ สกฺโกติ สพฺโพ วิหาโร
---------------------------------------------------------------------------------------------
หน้าที่ ๔๓๖.
โสเธตพฺโพ อสกฺโกนฺเตน อตฺตโน วสโนกาโส ชคฺคิตพฺโพ ฯ
สพฺพํ โสเธตุํ สกฺโกนฺตสฺส ปน ทสฺสิเต วิหารโสธนวตฺเต วินิจฺฉโย
มหาขนฺธเก วุตฺตนเยเนว เวทิตพฺโพ ฯ
     {๓๕๙} อาวาสิกวตฺเต ฯ อาสนํ ปญฺาเปตพฺพนฺติ เอวมาทิ สพฺพํ
วุฑฺฒตเร อาคเต จีวรกมฺมํ วา นวกมฺมํ วา เปตฺวาปิ กาตพฺพํ ฯ
เจติยงฺคณํ สมฺมชฺชนฺเตน สมฺมุชฺชนึ นิกฺขิปิตฺวา ตสฺส วตฺตํ กาตุํ
อารภิตพฺพํ ฯ ปณฺฑิโต เจ โหติ อาคนฺตุโก สมฺมชฺชาหิ ตาว
อาวุโส เจติยงฺคณนฺติ วกฺขติ ฯ คิลานเภสชฺชํ กโรนฺเตน ปน
สเจ นาติอาตุโร คิลาโน โหติ เภสชฺชํ อกตฺวา วตฺตเมว
กาตพฺพํ มหาคิลานสฺส ปน เภสชฺชเมว กาตพฺพํ ฯ ปณฺฑิโต
เจ โหติ อาคนฺตุโก กโรหิ ตาว เภสชฺชนฺติ วกฺขติ ฯ ปานีเยน
ปุจฺฉนฺเตน สเจ สกึ อานีตํ ปานียํ สพฺพํ ปิวติ ปุน อาเนสฺสามีติ
ปุจฺฉิตพฺโพเยว ฯ อปิจ วีชเนน วีชิตพฺโพ ฯ วีชนฺเตน สกึ
ปาทปิฏฺิยํ วีชิตฺวา สกึ มชฺเฌ สกึ สีเส วีชิตพฺพํ ฯ อลํ
โหตูติ วุตฺเตน มนฺทตรํ วีชิตพฺพํ ฯ ปุน อลนฺติ วุตฺเตน ตโต
มนฺทตรํ วีชิตพฺพํ ฯ ตติยวารํ วุตฺเตน วีชนี เปตพฺพา ฯ
ปาทาปิสฺส โธวิตพฺพา ฯ โธวิตฺวา สเจ อตฺตโน เตลํ อตฺถิ เตน
มกฺเขตพฺพา ฯ โน เจ อตฺถิ ตสฺส สนฺตเกน มกฺเขตพฺพา ฯ
อุปาหนปุญฺฉนํ ปน อตฺตโน รุจิวเสน กาตพฺพํ ฯ เตเนว สเจ
อุสฺสหตีติ วุตฺตํ ฯ ตสฺมา อุปาหนา อปุญฺฉนฺตสฺสาปิ อนาปตฺติ ฯ
กตฺถ มยฺหํ เสนาสนํ ปาปุณาตีติ ปุจฺฉิเตน เสนาสนํ ปญฺาเปตพฺพํ ฯ


เนื้อความอรรถกถาฉบับภาษาบาลี อักษรไทย เล่มที่ ๓ หน้าที่ ๔๓๕-๔๓๖.
http://84000.org/tipitaka/read/attha_page.php?book=3&page=435&pages=2&pagebreak=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=3&A=8927&pagebreak=1
http://84000.org/tipitaka/atthapali/th_line.php?B=3&A=8927&pagebreak=1#p435