บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓ ภาษาบาลี อักษรไทย วินย.อ. (สมนฺต.๓) หน้าที่ ๒๓๘.
นาโหสิ ฯ สีตาลุกาติ สีตปกติกา เย ปกติยาว สีเตน กิลมนฺติ ฯ เอตทโหสิ เยปิ โข เต กุลปุตฺตาติ น ภควา อชฺโฌกาเส อนิสีทิตฺวา เอมตฺถํ น ชานาติ มหาชนสฺส สญฺาปนตฺถํ ปน เอวมกาสิ ฯ ทฺวิคุณํ สงฺฆาฏินฺติ ทุปฏฺฏํ สงฺฆาฏึ ฯ เอกจฺจิยนฺติ เอกปฏฺฏํ ฯ อิติ ภควา อตฺตนา จตูหิ จีวเรหิ ยาเปติ อมฺหากมฺปน ติจีวรํ อนุชานาตีติ วจนสฺส โอกาสํ อุปจฺฉินฺทิตุํ ทฺวิคุณํ สงฺฆาฏึ อนุชานาติ เอกจฺจิเก อิตเร เอวญฺหิ เนสํ จตฺตาริ ภวิสฺสนฺตีติ ฯ {๓๔๘} อคฺคฬํ อจฺฉุเปยฺยนฺติ ฉินฺนฏฺาเน ปิโลติกขณฺฑํ เปยฺยํ ฯ อหตกปฺปานนฺติ เอกวารโธตานํ ฯ อุตุทฺธตานนฺติ อุตุโต ทีฆกาลโต อุทฺธตานํ คตวตฺถุกานํ ปิโลติกานนฺติ วุตฺตํ โหติ ฯ ปาปณิเกติ อนฺตราปณโต ปติตปิโลติกจีวเร ฯ อุสฺสาโห กรณีโยติ ปริเยสนา กาตพฺพา ฯ ปริจฺเฉโท ปน นตฺถิ ปฏฺฏสตํปิ วฏฺฏติ ฯ สพฺพมิทํ สาทิยนฺตสฺส ภิกฺขุโน วุตฺตํ ฯ อคฺคฬํ ตุนฺนนฺติ เอตฺถ อุทฺธริตฺวา อลฺลิยาปนขณฺฑํ อคฺคฬํ สุตฺตเกน สํสิพฺพนํ ตุนฺนํ วิชฺฌิตฺวา กรณํ โอวฏฺฏิกํ กณฺฑูสกํ วุจฺจติ มุทฺทิกา ฯ ทฬฺหีกมฺมนฺติ อนุทฺธริตฺวาว อุปสฺสยํ กตฺวา อลฺลิยาปนกํ วตฺถขณฺฑํ ฯ {๓๔๙-๓๕๑} วิสาขาวตฺถุํ อุตฺตานตฺถํ ฯ ตโต ปรํ ปุพฺเพ วินิจฺฉิตเมว ฯ โสวคฺคิกนฺติ สคฺคเหตุ กตํ ฯ เตเนวาห สคฺคสํวตฺตนิกนฺติ ฯ โสกํ อปเนตีติ โสกนุทํ ฯ อนามยาติ อโรคา ฯ สคฺคมฺหิ กายมฺหีติ สคฺโคปปนฺนา ฯ {๓๕๓} ปุถุชฺชนา กาเมสุ วีตราคาติ ฌานลาภิโน ฯ {๓๕๖} สนฺทิฏฺโติเนื้อความอรรถกถาฉบับภาษาบาลี อักษรไทย เล่มที่ ๓ หน้าที่ ๒๓๘. http://84000.org/tipitaka/read/attha_page.php?book=3&page=238&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=3&A=4896&pagebreak=1 http://84000.org/tipitaka/atthapali/th_line.php?B=3&A=4896&pagebreak=1#p238
จบการแสดงผล หน้าที่ ๒๓๘.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]