อรรถกถาเล่มที่ ๓ ภาษาบาลี อักษรไทย
วินย.อ. (สมนฺต.๓)
หน้าที่ ๒๓๖-๒๓๗.

หน้าที่ ๒๓๖.
ปน น กิญฺจิ น วฏฺฏติ ฯ สีตุทกาติ อปกฺกรชํ วุจฺจติ ฯ
อุตฺตราฬุวนฺติ วฏฺฏาธารกํ ฯ รชนกุมฺภิยา มชฺเฌ เปตฺวา ตํ
อาธารกํ ปริกฺขิปิตฺวา รชนํ ปกฺขิปิตุํ อนุชานามีติ อตฺโถ ฯ เอวํ
หิ กเต รชนํ น อุตฺตรติ ฯ อุทเก วา นขปิฏฺิกาย วาติ สเจ
หิ ปกฺกํ โหติ อุทกปาฏิยา ทินฺโน เถโว สหสา น วิสรติ
นขปิฏฺิยํปิ อวิสรนฺโต ติฏฺติ ฯ รชนุลุงฺกนฺติ รชนอุลุงฺกํ ฯ
ทณฺฑกถาลิกนฺติ ตเมว สทณฺฑกํ ฯ รชนโกลมฺพนฺติ รชนกุณฺฑํ ฯ
มทฺทนฺตีติ โอมทฺทนฺติ ฯ น จ อจฺฉินฺเน เถเว ปกฺกมิตุนฺติ ยาว
รชนพินฺทุ คลิตํ น ฉิชฺชติ ตาว อญฺตฺร น คนฺตพฺพํ ฯ
ปตฺถินฺนนฺติ อติรชิตตฺตา ถทฺธํ อติภริตนฺติ อตฺโถ ฯ อุทเก
โอสาเทตุนฺติ อุทเก ปกฺขิปิตฺวา เปตุํ ฯ รชเน ปน นิกฺขนฺเต
ตํ อุทกํ ฉฑฺเฑตฺวา จีวรํ มทฺทิตพฺพํ ฯ ทนฺตกสาวานีติ เอกํ วา
เทฺว วา วาเร รชิตฺวา ทนฺตวณฺณานิ ธาเรนฺติ ฯ
     {๓๔๕} อจฺจิพทฺธนฺติ จตุรสฺสเกทารกพทฺธํ ฯ ปาลิพทฺธนฺติ อายามโต จ
วิตฺถารโต จ ทีฆมริยาทพทฺธํ ฯ มริยาทพทฺธนฺติ อนฺตรนฺตรา
รสฺสมริยาทาย มริยาทพทฺธํ ฯ สิงฺฆาฏกพทฺธนฺติ มริยาทาย มริยาทํ
วินิวิชฺฌิตฺวา คตฏฺาเนน สิงฺฆาฏกพทฺธํ จตุกฺกสณฺานนฺติ อตฺโถ ฯ
อุสฺสหสิ ตฺวํ อานนฺทาติ สกฺโกสิ ตฺวํ อานนฺท ฯ สํวิทหิตุนฺติ
กาตุํ ฯ อุสฺสหามิ ภควาติ ตุมฺเหหิ ทินฺนนเยน สกฺโกมีติ ทสฺเสติ ฯ
ยตฺร หิ นามาติ โย นาม ฯ กุสิมฺปิ นามาติอาทีสุ กุสีติ
อายามโต จ วิตฺถารโต จ อนุวาตาทีนํ ทีฆปฏานเมตํ อธิวจนํ ฯ
---------------------------------------------------------------------------------------------
หน้าที่ ๒๓๗.
อฑฺฒกุสีติ อนฺตรนฺตรา รสฺสปฏานํ นามํ ฯ มณฺฑลนฺติ
ปญฺจขณฺฑิกจีวรสฺส เอเกกสฺมึ ขณฺเฑ มหามณฺฑลํ ฯ อฑฺฒมณฺฑลนฺติ
ขุทฺทกมณฺฑลํ ฯ วิวฏฺฏนฺติ มณฺฑลญฺจ อฑฺฒมณฺฑลญฺจ เอกโต
กตฺวา สิพฺพิตํ มชฺฌิมขณฺฑํ ฯ อนุวิวฏฺฏนฺติ ตสฺส อุโภสุ ปสฺเสสุ
เทฺว ขณฺฑานิ ฯ คีเวยฺยกนฺติ คีวเวฏฺนฏฺาเน ทฬฺหีกรณตฺถํ
อญฺ สุตฺตสํสิพฺพิตํ อาคนฺตุกปฏํ ฯ ชงฺเฆยฺยกนฺติ ชงฺฆปาปุณฏฺาเน
ตเถว สํสิพฺพิตํ ปฏํ ฯ คีวฏฺาเน จ ชงฺฆฏฺาเน จ ปิตปฏานเมตํ
นามนฺติปิ วทนฺติ ฯ พาหนฺตนฺติ อนุวิวฏฺฏานํ พหิ เอเกกํ ขณฺฑํ ฯ
อิติ ปญฺจขณฺฑิกจีวเรเนตํ วิจาริตนฺติ ฯ อถวา อนุวิวฏฺฏนฺติ
วิวฏฺฏสฺส เอกปสฺสโต ทฺวินฺนํ เอกปสฺสโต ติณฺณํปิ จตุนฺนํปิ
ขณฺฑานเมตํ นามํ ฯ พาหนฺตนฺติ สุปฺปมาณจีวรํ ปารุปนฺเตน
สํหริตฺวา พาหาย อุปริ ปิตา อุโภ อนฺตา พหิมุขา ติฏฺนฺติ
เตสํ เอตํ นามํ ฯ อยเมว หิ นโย มหาอฏฺกถายํ วุตฺโตติ ฯ
     {๓๔๖} จีวเรหิ อุพฺภณฺฑิกเตติ จีวเรหิ อุพฺภณฺฑิกเต ยถา อุกฺขิตฺตภณฺฑา
โหนฺติ เอวํ กเต อุกฺขิตฺตภณฺฑิกภาวํ อาปาทิเตติ อตฺโถ ฯ
จีวรภิสินฺติ เอตฺถ ภิสีติ เทฺว ตีณิ เอกโต กตฺวา ภิสิสงฺเขเปน
สํหริตจีวรานิ วุตฺตานิ ฯ เต กิร ภิกฺขู ทกฺขิณาคิริโต ภควา
ลหุํ ปฏินิวตฺติสฺสตีติ ตตฺถ คจฺฉนฺตา ชีวกวตฺถุสฺมึ ลทฺธจีวรานิ
เปตฺวา อคมํสุ ฯ อิทานิ ปน จีวเรน อาคมิสฺสตีติ มญฺมานา
อาทาย ปกฺกมึสุ ฯ อนฺตรฏฺกาสูติ มาฆสฺส จ ผคฺคุณสฺส จ
อนฺตรา อฏฺสุ ฯ น ภควนฺตํ สีตํ อโหสีติ ภควโต สีตํ


เนื้อความอรรถกถาฉบับภาษาบาลี อักษรไทย เล่มที่ ๓ หน้าที่ ๒๓๖-๒๓๗.
http://84000.org/tipitaka/read/attha_page.php?book=3&page=236&pages=2&pagebreak=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=3&A=4854&pagebreak=1
http://84000.org/tipitaka/atthapali/th_line.php?B=3&A=4854&pagebreak=1#p236