อรรถกถาเล่มที่ ๓ ภาษาบาลี อักษรไทย
วินย.อ. (สมนฺต.๓)
หน้าที่ ๒๑๖-๒๑๗.

หน้าที่ ๒๑๖.
     นิสฺสคฺคิเยนาติ รตฺตินิสฺสคฺคิเยน ฯ ปริวาเรปิ วุตฺตํ นิสฺสคฺคิยํ
นาม กยิรมาเน อรุโณ อุทฺริยตีติ ฯ อกปฺปกเตนาติ อนาทินฺน-
กปฺปพินฺทุนา ฯ อญฺตฺร สงฺฆาฏิยาติอาทีสุ เปตฺวา สงฺฆาฏิ-
อุตฺตราสงฺคอนฺตรวาสเก อญฺเน ปจฺจตฺถรณาทินา อตฺถตํ อนตฺถตํ
โหตีติ ฯ อญฺตฺร ปญฺจเกน วา อติเรกปญฺจเกน วาติ ปญฺจกานิ
วา อติเรกปญฺจกานิ วา ขณฺฑานิ กตฺวา มหามณฺฑลอฑฺฒ-
มณฺฑลานิ ทสฺเสตฺวา กเตเนว วฏฺฏติ ฯ เอวญฺหิ สมณฺฑลีกตํ
โหติ ตํ เปตฺวา อญฺเน อจฺฉินฺนเกน วา ทฺวิตฺติ
จตุกฺขณฺฑเกน วา น วฏฺฏติ ฯ อญฺตฺร ปุคฺคลสฺส อตฺถาราติ
ปุคฺคลสฺส อตฺถารํ เปตฺวา น อญฺเน สงฺฆสฺส วา คณสฺส วา
อตฺถาเรน อตฺถตํ โหติ ฯ นิสฺสีมฏฺโ อนุโมทตีติ พหิอุปจาร-
สีมาย ิโต อนุโมทติ ฯ {๓๐๙} อหเตนาติ อปริภุตฺเตน ฯ
อหตกปฺเปนาติ อหตสทิเสน เอกวารํ วา ทฺวิกฺขตฺตุํ วา โธเตน ฯ
ปิโลติกายาติ คตวตฺถุกสาฏเกน ฯ ปํสุกูเลนาติ เตวีสติยา เขตฺเตสุ
อุปฺปนฺนปํสุกูเลน ฯ ปํสุกูลิยภิกฺขุนา โจลกภิกฺขํ อาหิณฺฑิตฺวา
ลทฺธโจลเกหิ กตจีวเรนาติ กุรุนฺทีมหาปจฺจรีสุ วุตฺตํ ฯ อาปณิเกนาติ
อาปณทฺวาเร ปติตปิโลติกํ คเหตฺวา กินตฺถาย เทติ เตนาปิ
วฏฺฏตีติ อตฺโถ ฯ เสสํ วุตฺตวิปลฺลาเสน เวทิตพฺพํ ฯ อิมสฺมึ ปน
าเน สห กินสฺส อตฺถารา กตี ธมฺมา ชายนฺตีติอาทิ พหูสุ
อฏฺกถาสุ วุตฺตํ ตํ สพฺพํ ปริวาเร ปาลึ อารูฬฺหเมว ตสฺมา
ตตฺถ อาคตนเยเนว เวทิตพฺพํ ฯ น หิ เตน อิธ อวุจฺจมาเนน
---------------------------------------------------------------------------------------------
หน้าที่ ๒๑๗.
กินตฺถารสฺส กิญฺจิ ปริหายติ ฯ {๓๑๐} เอวํ กินตฺถารํ ทสฺเสตฺวา
อิทานิ อุพฺภารํ ทสฺเสตุํ กถญฺจ ภิกฺขเว อุพฺภตํ โหติ กินนฺติ-
อาทิมาห ฯ ตตฺถ มาติกาติ มาตโร ชเนตฺติโยติ อตฺโถ ฯ
กินุพฺภารํ หิ เอตา อฏฺ ชเนตฺติโย ฯ ตาสุ ปกฺกมนํ อนฺโต
อสฺสาติ ปกฺกมนนฺติกา ฯ เอวํ เสสาปิ เวทิตพฺพา ฯ {๓๑๑} น ปจฺเจสฺสนฺติ
น ปุน อาคมิสฺสํ ฯ เอตสฺมึ ปน ปกฺกมนนฺติเก กินุทฺธาเร
ปมํ จีวรปลิโพโธ ฉิชฺชติ ปจฺฉา อาวาสปลิโพโธ เอวํ
ปกฺกมโต หิ จีวรปลิโพโธ อนฺโตสีมายเมว ฉิชฺชติ อาวาสปลิโพโธ
สีมาติกฺกเม ฯ วุตฺตมฺปิ เจตํ ปริวาเร
          ปกฺกมนนฺติโก กินุทฺธาโร   วุตฺโต อาทิจฺจพนฺธุนา
          เอตญฺจาหํ วิสฺสชฺชิสฺสํ           จีวรปลิโพโธ ปมํ ฉิชฺชติ
          ปจฺฉา อาวาสปลิโพโธ ฉิชฺชตีติ ฯ
     จีวรํ อาทายาติ อกตจีวรํ อาทาย ฯ พหิสีมาคตสฺสาติ อญฺ
สามนฺตํ วิหารํ คตสฺส ฯ เอวํ โหตีติ ตสฺมึ วิหาเร เสนาสน-
ผาสุกํ วา สหายสมฺปตฺตึ วา ทิสฺวา เอวํ โหติ ฯ เอตสฺมึ ปน
นิฏฺานนฺติเก กินุทฺธาเร อาวาสปลิโพโธ ปมํ ฉิชฺชติ โส หิ
น ปจฺเจสฺสนฺติ จิตฺเต อุปฺปนฺนมตฺเตว ฉิชฺชติ ฯ วุตฺตมฺปิ เจตํ
          นิฏฺานนฺติโก กินุทฺธาโร   วุตฺโต อาทิจฺจพนฺธุนา
          เอตญฺจาหํ วิสฺสชฺชิสฺสํ          อาวาสปลิโพโธ ปมํ ฉิชฺชติ
          จีวเร นิฏฺิเต จีวรปลิโพโธ ฉิชฺชตีติ ฯ
     เอเตน นเยน เสสมาติกาวิภชฺชเนปิ อตฺโถ เวทิตพฺโพ ฯ


เนื้อความอรรถกถาฉบับภาษาบาลี อักษรไทย เล่มที่ ๓ หน้าที่ ๒๑๖-๒๑๗.
http://84000.org/tipitaka/read/attha_page.php?book=3&page=216&pages=2&pagebreak=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=3&A=4443&pagebreak=1
http://84000.org/tipitaka/atthapali/th_line.php?B=3&A=4443&pagebreak=1#p216