อรรถกถาเล่มที่ ๓ ภาษาบาลี อักษรไทย
วินย.อ. (สมนฺต.๓)
หน้าที่ ๑๖๔-๑๖๕.

หน้าที่ ๑๖๔.
อนฺโตเตมาสํ นาวา สมุทฺเทเยว โหติ ตตฺเถว ปวาเรตพฺพํ ฯ
อถ สเจ นาวา กูลํ ลภติ อยญฺจ ปรโต คนฺตุกาโม โหติ
คนฺตุํ น วฏฺฏติ นาวาย ลทฺธคาเมเยว วสิตฺวา ภิกฺขูหิ สทฺธึ
ปวาเรตพฺพํ ฯ สเจปิ นาวา อนุตีรเมว อญฺตฺถ คจฺฉติ ภิกฺขุ จ
ปมํ ลทฺธคาเมเยว วสิตุกาโม นาวา คจฺฉตุ ภิกฺขุนา ตตฺเถว
วสิตฺวา ภิกฺขูหิ สทฺธึ ปวาเรตพฺพํ ฯ อิติ วเช สตฺเถ นาวายนฺติ
ตีสุ าเนสุ นตฺถิ วสฺสจฺเฉเท อาปตฺติ ปวาเรตุญฺจ ลภตีติ ฯ
ปุริเมสุ ปน วาเฬหิ อุพฺพาฬฺหา โหนฺตีติอาทีสุ สงฺฆเภท-
ปริโยสาเนสุ วตฺถูสุ เกวลํ อนาปตฺติ โหติ ปวาเรตุํ ปน
น ลภติ ฯ
     ปิสาจิลฺลิกาติ ปิสาจาเยว ปิสาจิลฺลิกา ฯ {๒๐๔} น ภิกฺขเว
รุกฺขสุสิเรติ เอตฺถ สุทฺเธ รุกฺขสุสิเรเยว น วฏฺฏติ ฯ มหนฺตสฺส ปน
สุสิรสฺส อนฺโต ปทรจฺฉทนํ กุฏิกํ กตฺวา ปวิสนทฺวารํ โยเชตฺวา
อุปคนฺตุํ วฏฺฏติ ฯ รุกฺขํ ฉินฺทิตฺวา ขาณุกมตฺถเก ปทรจฺฉทนํ
กุฏิกํ กตฺวาปิ วฏฺฏติเยว ฯ รุกฺขวิฏภิยาติ เอตฺถาปิ สุทฺเธ
วิฏปมตฺเต น วฏฺฏติ ฯ มหาวิฏเป อฏฺฏกํ พนฺธิตฺวา ตตฺถ
ปทรจฺฉทนํ กุฏิกํ กตฺวา อุปคนฺตพฺพํ ฯ อเสนาสนิเกนาติ ยสฺส
ปญฺจนฺนํ ฉทนานํ อญฺตเรน ฉนฺนํ โยชิตทฺวารพนฺธํ เสนาสนํ
นตฺถิ เตน น อุปคนฺตพฺพํ ฯ น ภิกฺขเว ฉวกุฏิกายาติ เอตฺถ
ฉวกุฏิกา นาม ฏงฺกิตมญฺจาทิเภทา กุฏี ตตฺถ อุปคนฺตุํ น
วฏฺฏติ ฯ สุสาเน ปน อญฺ กุฏิกํ กตฺวา อุปคนฺตุํ วฏฺฏติ ฯ
---------------------------------------------------------------------------------------------
หน้าที่ ๑๖๕.
น ภิกฺขเว ฉตฺเตติ เอตฺถาปิ จตูสุ ถมฺเภสุ ฉตฺตํ เปตฺวา อาวรณํ
กตฺวา ทฺวารํ โยเชตฺวา อุปคนฺตุํ วฏฺฏติ ฯ ฉตฺตกุฏิกา นาเมสา
โหติ ฯ จาฏิยาติ เอตฺถาปิ มหนฺเตน กปลฺเลน ฉตฺเต วุตฺตนเยน
กุฏึ กตฺวา อุปคนฺตุํ วฏฺฏติ ฯ {๒๐๕} เอวรูปา กติกาติ เอตฺถาปิ อญฺาปิ
ยา อีทิสา อธมฺมิกา กติกา โหติ สา น กาตพฺพาติ อตฺโถ ฯ
ตสฺสา ลกฺขณํ มหาวิภงฺเค วุตฺตํ ฯ
     วสฺสาวาโส ปฏิสฺสุโต โหติ ปุริมิกายาติ ตุมฺหากํ อาวาเส
ปุริมิกาย วสฺสูปนายิกาย วสฺสํ วสิสฺสามีติ ปฏิญฺา กตา โหติ ฯ
ปุริมิกา จ น ปญฺายตีติ ยตฺถ ปฏิญฺาตํ ตตฺถ วสฺสุปคมนํ
น ทิสฺสตีติ ฯ {๒๐๗-๒๐๘} ปฏิสฺสเว จ อาปตฺติ ทุกฺกฏสฺสาติ เอตฺถ น เกวลํ
อิมํ เตมาสํ อิธ วสฺสํ วสถาติ เอตสฺเสว ปฏิสฺสเว อาปตฺติ
อิมํ เตมาสํ ภิกฺขํ คณฺหถ อุโภปิ มยํ อิธ วสิสฺสาม เอกโต
อุทฺทิสาเปสฺสามาติ เอวมาทินาปิ ตสฺส ตสฺส ปฏิสฺสเว ทุกฺกฏํ ฯ
ตญฺจ โข ปมํ สุทฺธจิตฺตสฺส ปจฺฉา วิสํวาทนปจฺจยา ฯ ปมมฺปิ
อสุทฺธจิตฺตสฺส ปน ปฏิสฺสเว ปาจิตฺติยํ วิสํวาทเน ทุกฺกฏนฺติ
ปาจิตฺติเยน สทฺธึ ทุกฺกฏํ ยุชฺชติ ฯ โส ตทเหว อกรณีโยติ-
อาทีสุ สเจ วสฺสํ อนุปคนฺตฺวา วา ปกฺกมติ อุปคนฺตฺวา วา
สตฺตาหํ พหิทฺธา วีตินาเมติ ปุริมิกา จ น ปญฺายติ ปฏิสฺสเว จ
อาปตฺติ ฯ วสฺสํ อุปคนฺตฺวา ปน อรุณํ อนุฏฺาเปตฺวา ตทเหว
สตฺตาหกรณีเยน ปกฺกมนฺตสฺสาปิ อนฺโตสตฺตาเห นิวตฺตนฺตสฺส
อนาปตฺติ โก ปน วาโท ทฺวีหตีหํ วสิตฺวา อนฺโตสตฺตาเห


เนื้อความอรรถกถาฉบับภาษาบาลี อักษรไทย เล่มที่ ๓ หน้าที่ ๑๖๔-๑๖๕.
http://84000.org/tipitaka/read/attha_page.php?book=3&page=164&pages=2&pagebreak=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=3&A=3392&pagebreak=1
http://84000.org/tipitaka/atthapali/th_line.php?B=3&A=3392&pagebreak=1#p164