ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๒๘ ภาษาบาลี อักษรไทย สุตฺต.อ.๑ (ปรมตฺถ.๑)

หน้าที่ ๒๒.

โลภโทสโมหานํ อธิวจนํ. เต หิ "โลโภ ภิกฺขเว อกุสลญฺจ อกุสลมูลญฺจา"ติอาทินา
นเยน เอวํ นิทฺทิฏฺา. เอวเมเต อนุสยา เตน เตน มคฺเคน
ปหีนตฺตา ยสฺส เกจิ น สนฺติ, เอเต จ อกุสลมูลา ตเถว สมูหตาเส,
สมูหตา อิจฺเจว อตฺโถ. ปจฺจตฺตพหุวจนสฺส ๑- หิ เสการาคมํ อิจฺฉนฺติ
สทฺทลกฺขณโกวิทา. อฏฺกถาจริยา ปน "เสติ นิปาโต"ติ วณฺณยนฺติ. ยํ
รุจฺจติ, ตํ คเหตพฺพํ. เอตฺถ ปน กิญฺจาปิ โส เอวํวิโธ ภิกฺขุ ขีณาสโว
โหติ, ขีณาสโว จ เนว อาทิยติ, น ปชหติ, ปชหิตฺวา ิโตติ วุตฺโต,
ตถาปิ วตฺตมานสมีเป วตฺตมานวจนลกฺขเณน "ชหาติ โอรปารนฺ"ติ วุจฺจติ.
อถ วา อนุปาทิเสสาย จ นิพฺพานธาตุยา ปรินิพฺพายนฺโต อตฺตโน
อชฺฌตฺติกพาหิรายตนสงฺขาตํ ชหาติ โอรปารนฺติ เวทิตพฺโพ.
       ตตฺถ กิเลสปฏิปาฏิยา มคฺคปฏิปาฏิยา จาติ ทฺวิธา อนุสยานํ อภาโว
เวทิตพฺโพ. กิเลสปฏิปาฏิยา หิ กามราคานุสยปฏิฆานุสยานํ ตติยมคฺเคน
อภาโว โหติ, มานานุสยสฺส จตุตฺถมคฺเคน, ทิฏฺานุสยวิจิกิจฺฉานุสยานํ
ปมมคฺเคน, ภวราคานุสยาวิชฺชานุสยานํ จตุตฺถมคฺเคน. มคฺคปฏิปาฏิยา ปน
ปมมคฺเคน ทิฏฺานุสยวิจิกิจฺฉานุสยานํ อภาโว โหติ, ทุติยมคฺเคน
กามราคานุสยปฏิฆานุสยานํ ตนุภาโว, ตติยมคฺเคน สพฺพโส อภาโว, จตุตฺถมคฺเคน
มานานุสยภวราคานุสยอวิชฺชานุสยานํ อภาโว โหติ. ตตฺถ ยสฺมา น สพฺเพ
อนุสยา อกุสลมูลา. กามราคภวราคานุสยา เอว หิ โลภากุสลมูเลน สงฺคหํ
คจฺฉนฺติ, ปฏิฆานุสยาวิชฺชานุสยา จ "โทโส อกุสลมูลํ โมโห อกุสลมูล"มิจฺเจว
สงฺขฺยํ คจฺฉนฺติ, ทิฏฺิมานวิจิกิจฺฉานุสยา ปน น กิญฺจิ อกุสลมูลํ โหนฺติ.
ยสฺมา วา อนุสยาภาววเสน จ อกุสลมูลสมุคฺฆาตวเสน จ กิเลสปฺปหานํปตฺเถสิ, ๒-
ตสฺมา:-
               "ยสฺสานุสยา น สนฺติ เกจิ
                มูลา จ อกุสลา สมูหตาเส"
อิติ ภควา อาห.
@เชิงอรรถ:  ม. ปจฺจตฺตพหุวจนสฺสนฺเต          ม. ปตฺเถสิ ปฏฺเปสิ



เนื้อความอรรถกถาฉบับภาษาบาลี อักษรไทย เล่มที่ ๒๘ หน้าที่ ๒๒. http://84000.org/tipitaka/read/attha_page.php?book=28&page=22&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=28&A=539&pagebreak=1 http://84000.org/tipitaka/atthapali/th_line.php?B=28&A=539&pagebreak=1#p22


จบการแสดงผล หน้าที่ ๒๒.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]