อรรถกถาเล่มที่ ๒๗ ภาษาบาลี อักษรไทย
อิติ.อ. (ปรมตฺถที.)
หน้าที่ ๔๑๐.

สพฺพตฺถาติ อตฺโถ. เอตฺตาวตา อนวเสสโต สมฺมสนาณสฺส วิสยํ สงฺคเหตฺวา
ทสฺเสติ. สมเวกฺขิตาติ สมฺมา เหตุนา นเยน อเวกฺขิตา, อนิจฺจาทิวเสน
วิปสฺสโกติ วุตฺตํ โหติ. ธมฺมานนฺติ สตฺตสุญฺานํ. ขนฺธานนฺติ รูปาทีนํ
ปญฺจนฺนํ ขนฺธานํ. อุทยพฺพยนฺติ อุทยญฺจ วยญฺจ. อิทํ วุตฺตํ โหติ:- อุปริ
ติริยํ อโธติ ติสงฺคเห สพฺพสฺมึ โลเก อตีตาทิเภทภินฺนานํ ปญฺจุปาทานกฺขนฺธ-
สงฺขาตานํ สพฺเพสํ รูปารูปธมฺมานํ อนิจฺจตาทิสมฺมสนาธิคเตน อุทยพฺพยาเณน
ปญฺจวีสติยา อากาเรหิ อุทยํ, ปญฺจวีสติยา อากาเรหิ วยญฺจ สมเวกฺขิตา
สมนุปสฺสิตา ภเวยฺยาติ.
      เจโตสมถสามีจินฺติ จิตฺตสงฺกิเลสานํ อจฺจนฺตวูปสมนโต เจโตสมถสงฺขาตสฺส
อริยมคฺคสฺส อนุจฺฉวิกปฏิปทํ าณทสฺสนวิสุทฺธึ. สิกฺขมานนฺติ ปฏิปชฺชมานํ
ภาเวนฺตํ าณปรมฺปรํ นิพฺพตฺเตนฺตํ. สทาติ สพฺพกาลํ, รตฺติญฺเจว ทิวา จ.
สตนฺติ จตุสมฺปชญฺเน สมนฺนาคตาย สติยา สโตการึ. สตตํ ปหิตตฺโตติ
สพฺพกาลํ ปหิตตฺโต นิพฺพานํ ปฏิเปสิตตฺโตติ ตถาวิธํ ภิกฺขุํ พุทฺธาทโย อริยา
อาหุ อาจิกฺขนฺติ กเถนฺติ. เสสํ วุตฺตนยเมว.
                      ทฺวาทสมสุตฺตวณฺณนา นิฏฺิตา.
                        ----------------
                         ๑๓. โลกสุตฺตวณฺณนา
      [๑๑๒] เตรสเม โลโกติ ลุชฺชนปลุชฺชนฏฺเน โลโก, อตฺถโต ปุริมํ
อริยสจฺจทฺวยํ, อิธ ปน ทุกฺขํ อริยสจฺจํ เวทิตพฺพํ. สฺวายํ สตฺตโลโก
สงฺขารโลโก โอกาสโลโกติ วิภาคโต สรูปโต จ เหฏฺา วุตฺโตเยว. อปิจ
ขนฺธโลกาทิวเสน จ อเนกวิโธ โลโก. ยถาห:-


เนื้อความอรรถกถาฉบับภาษาบาลี อักษรไทย เล่มที่ ๒๗ หน้าที่ ๔๑๐.
http://84000.org/tipitaka/read/attha_page.php?book=27&page=410&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=27&A=9102&pagebreak=1
http://84000.org/tipitaka/atthapali/th_line.php?B=27&A=9102&pagebreak=1#p410