ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๒๗ ภาษาบาลี อักษรไทย อิติ.อ. (ปรมตฺถที.)

หน้าที่ ๒๒๐.

"อนิจฺจา ทุกฺขา วิปริณามธมฺมา"ติ อนิจฺจาทิลกฺขณโต จ ปุพฺพภาเค ตีหิ
ปริญฺาหิ ปริชานนฺโต วิปสฺสนํ วฑฺเฒตฺวา อริยมคฺเคน ปริญฺาปฏิเวเธน
ปชานาติ. เวทนานญฺจ สมฺภวนฺติ สมุทยสจฺจํ. ยตฺถ เจตา นิรุชฺฌนฺตีติ เอตฺตาวตา
เวทนา ยตฺถ นิรุชฺฌนฺติ, ตํ นิโรธสจฺจํ. ขยคามินนฺติ เวทนานํ ขยคามินํ
อริยมคฺคญฺจ ปชานาตีติ สมฺพนฺโธ. เวทนานํ ขยาติ เอวํ จตฺตาริ สจฺจานิ
ปฏิวิชฺฌนฺเตน อริยมคฺเคน เวทนานํ อนุปฺปาทนิโรธา. นิจฺฉาโต ปรินิพฺพุโตติ
นิตฺตโณฺห ปหีนตโณฺห กิเลสปรินิพฺพาเนน จ ขนฺธปรินิพฺพาเนน จ ปรินิพฺพุโต
โหติ.
                        ตติยสุตฺตวณฺณนา นิฏฺิตา.
                          -------------
                       ๔. ทุติยเวทนาสุตฺตวณฺณนา
      [๕๓] จตุตฺเถ ทุกฺขโต ทฏฺพฺพาติ สุขเวทนา วิปริณามทุกฺขวเสน
ทุกฺขาติ าณจกฺขุนา ปสฺสิตพฺพา. สลฺลโต ทฏฺพฺพาติ ทุนฺนีหรณฏฺเน
อนฺโต ตุทนฏฺเน ปีฬนฏฺเน ทุกฺขทุกฺขภาเวน ทุกฺขเวทนา สลฺลนฺติ
ปสฺสิตพฺพา. อนิจฺจโตติ หุตฺวา อภาวโต อุทยพฺพยวนฺตโต ตาวกาลิกโต
นิจฺจปฏิปกฺขโต จ อทุกฺขมสุขา เวทนา อนิจฺจาติ ปสฺสิตพฺพา. กามญฺเจตฺถ
สพฺพาปิ เวทนา อนิจฺจโต ปสฺสิตพฺพา, อนิจฺจทสฺสนโต ปน สาติสยํ
วิราคนิมิตฺตํ ทุกฺขทสฺสนนฺติ อิมมตฺถํ ทสฺเสนฺโต สตฺถา "สุขา ภิกฺขเว เวทนา
ทุกฺขโต ทฏฺพฺพา, ทุกฺขา เวทนา สลฺลโต ทฏฺพฺพา"ติ อาห. อถ วา ยตฺถ
ปุถุชฺชนา สุขาภินิเวสิโน, ตตฺถ นิพฺเพทชนนตฺถํ ตถา วุตฺตํ. เตนสฺสา
สงฺขารทุกฺขตาย ทุกฺขภาโว ทสฺสิโต. ยทนิจฺจํ, ตํ ทุกฺขนฺติ วิปริณามทุกฺขตาย



เนื้อความอรรถกถาฉบับภาษาบาลี อักษรไทย เล่มที่ ๒๗ หน้าที่ ๒๒๐. http://84000.org/tipitaka/read/attha_page.php?book=27&page=220&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=27&A=4851&pagebreak=1 http://84000.org/tipitaka/atthapali/th_line.php?B=27&A=4851&pagebreak=1#p220


จบการแสดงผล หน้าที่ ๒๒๐.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]