อรรถกถาเล่มที่ ๒๖ ภาษาบาลี อักษรไทย
อุ.อ. (ปรมตฺถที.)
หน้าที่ ๔๑๑.

สามาวตี ตาสํ โอวาทํ อทาสิ "อมฺมา อนมตคฺเค สํสาเร วิจรนฺตีนํ เอวเมว
อคฺคินา ฌามตฺตภาวานํ พุทฺธาเณนปิ ปริจฺเฉโท น สุกโร, อปฺปมตฺตา
โหถา"ติ. ตา สตฺถุ สนฺติเก ธมฺมํ สุตฺวา อธิคตผลาย ๑- วิญฺาตสตฺถุสาสนาย ๒-
ขุชฺชุตฺตราย อริยสาวิกาย เสกฺขปฏิสมฺภิทปฺปตฺตาย สตฺถารา เทสิตนิยาเมเนว
ธมฺมํ เทเสนฺติยา สนฺติเก โสตาปตฺติผลมธิคตา อนฺตรนฺตรา กมฺมฏฺานมนสิกาเรน
ยุตฺตปฺปยุตฺตา เคเห ฌายนฺเต เวทนาปริคฺคหกมฺมฏฺานํ มนสิกโรนฺติโย กาจิ
ทุติยผลํ, กาจิ ตติยผลํ ปาปุณิตฺวา กาลมกํสุ. อถ ภิกฺขู โกสมฺพิยํ ปิณฺฑาย
จรนฺตา ตํ ปวตฺตึ ตฺวา ปจฺฉาภตฺตํ ภควโต อาโรเจตฺวา ตาสํ อภิสมฺปรายํ
ปุจฺฉึสุ. ภควา จ ตาสํ อริยผลาธิคมํ ภิกฺขูนํ อภาสิ. เตน วุตฺตํ "เตน โข
ปน สมเยน รญฺโ อุเทนสฺส ฯเปฯ อนิปฺผลา กาลงฺกตา"ติ.
    ตตฺถ อนิปฺผลาติ น นิปฺผลา, สมฺปตฺตสามญฺผลา เอว กาลงฺกตา.
ตา ปน ผลานิ ปฏิลภนฺติโย สามาวติยา:-
               "อารมฺภถ นิกฺกมถ        ยุญฺชถ พุทฺธสาสเน
                ธุนาถ มจฺจุโน เสนํ      นฬาคารํว กุญฺชโร.
                โย อิมสฺมึ ธมฺมวินเย     อปฺปมตฺโต วิหสฺสติ
                ปหาย ชาติสํสารํ        ทุกฺขสฺสนฺตํ กริสฺสตี"ติ ๓-
คาถาหิ โอวทิยมานา เวทนาปริคฺคหกมฺมฏฺานํ มนสิกโรนฺติโย วิปสฺสิตฺวา
ทุติยตติยผลานิ ปฏิลภึสุ. ขุชฺชุตฺตรา ปน อายุเสสสฺส อตฺถิตาย, ปุพฺเพ
ตาทิสสฺส กมฺมสฺส อกตตฺตา จ ตโต ปาสาทโต พหิ อโหสิ. "ทสโยชนนฺตเร
ปกฺกามี"ติ จ ปนฺติ. ๔- อถ ภิกฺขู ธมฺมสภายํ กถํ สมุฏฺาเปสุํ "อาวุโส
อนนุจฺฉวิกํ ๕- วต อริยสาวิกานํ เอวรูปํ มรณนฺ"ติ. สตฺถา อาคนฺตฺวา
@เชิงอรรถ: ๑ ม. อาคตผลาย     ๒ ฉ.ม. วิญฺาตสาสนาย
@๓ สํ.ส. ๑๕/๑๘๕/๑๘๘, ขุ.เถร. ๒๖/๒๕๖/๓๑๑
@๔ ฉ.ม. วทนฺติ       ๕ สี. อจฺฉริยํ


เนื้อความอรรถกถาฉบับภาษาบาลี อักษรไทย เล่มที่ ๒๖ หน้าที่ ๔๑๑.
http://84000.org/tipitaka/read/attha_page.php?book=26&page=411&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=26&A=9191&pagebreak=1
http://84000.org/tipitaka/atthapali/th_line.php?B=26&A=9191&pagebreak=1#p411