อรรถกถาเล่มที่ ๒๖ หน้าที่ ๑๒๖.

ตปฺปฏิพทฺธจฺฉนฺทราคชหเนน ชหนฺติ. เต เว ขณนฺติ อฆมูลํ, มจฺจุโน อามิสํ ทุรติวตฺตนฺติ เต อริยปุคฺคลา อฆสฺส วฏฺฏทุกฺขสฺส มูลภูตํ, มจฺจุนา มรเณน อามสิตพฺพโต อามิสํ, อิโต พหิทฺธา เกหิจิปิ สมณพฺราหฺมเณหิ นิวตฺติตุํ อสกฺกุเณยฺยตาย ทุรติวตฺตํ, สห อวิชฺชาย ตณฺหํ อริยมคฺคาณกุทาเลน ขณนฺติ, เลสมตฺตมฺปิ อนวเสสนฺตา อุมฺมูลยนฺตีติ. สฺวายมตฺโถ:- "อปฺปมาโท อมตํ ปทํ ^๑- ปมาโท มจฺจุโน ปทํ อปฺปมตฺตา น มียนฺติ เยปมตฺตา ยถา มตา"ติ- อาทีหิ ^๒- สุตฺตปเทหิ วิตฺถาเรตพฺโพติ. สตฺตมสุตฺตวณฺณนา นิฏฺิตา. -------------- ๘. สุปฺปวาสาสุตฺตวณฺณนา [๑๘] อฏฺเม กุณฺฑิยายนฺติ ^๓- เอวนฺนามเก โกลิยานํ นคเร. กุณฺฑธานวเนติ ตสฺส นครสฺส อวิทูเร กุณฺฑธานสงฺขาเต วเน. ปุพฺเพ กิร กุณฺโฑ นาม เอโก ยกฺโข ตสฺมึ วนสณฺเฑ วาสํ กผฺเปสิ, กุณฺฑธานมิสฺเสน จ พลิกมฺเมน ตุสตีติ ตสฺส ตถา ตตฺถ พลึ อุปหรนฺติ, เตเนตํ วนสณฺฑํ กุณฺฑธานวนนฺเตฺวว ปญฺายิตฺถ. ตสฺส อวิทูเร เอกา คามปติกา ^๔- อโหสิ, สาปิ ตสฺส ยกฺขสฺส อาณาปวตฺติฏฺาเน นิวิฏฺตฺตา เตเนว ปริปาลิตตฺตา กุณฺฑิยาติ ^๕- โวหริยิตฺถ. อปรภาเค ตตฺถ โกลิยราชาโน นครํ กาเรสุํ, ตมฺปิ ปุริมโวหาเรน กุณฺฑิยาเตฺวว วุจฺจติ. ตสฺมิญฺจ วนสณฺเฑ โกลิยราชาโน ภควโต ภิกฺขุสํฆสฺส จ วสนฺตถาย วิหารํ ปติฏฺาเปสุํ, ตมฺปิ กุณฺฑธานวนนฺเตฺวว @เชิงอรรถ: ^๑ ฉ.ม. อมตปทํ ^๒ ขุ.ธ. ๒๕/๒๑/๑๙,๒๗/๒๔๑๙/๕๒๔ (สฺยา) @^๓ ฉ.ม. กุณฺฑิกายนฺติ ^๔ สี. วามปถิกา ^๕ ฉ.ม. กุณฺฑิกาติ, เอวมุปริปิ

เนื้อความอรรถกถาฉบับภาษาบาลี อักษรไทย เล่มที่ ๒๖ หน้าที่ ๑๒๖. http://84000.org/tipitaka/read/attha_page.php?book=26&page=126&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=26&A=2816&pagebreak=1 http://84000.org/tipitaka/atthapali/th_line.php?B=26&A=2816&pagebreak=1#p126