อรรถกถาเล่มที่ ๒๕ หน้าที่ ๑๕๒.

เปเสตฺวา, เตน ตสฺสา วจเนน สตฺถุ วนฺทนาย อาโรจิตาย, "สุขินี โหตุ สุปฺปวาสา โกฬิยธีตา อโรคา, อโรคํ ปุตฺตํ วิชายตูติ สตฺถารา วุตฺตกฺขเณเยว สุขินี อโรคา อโรคํ ปุตฺตํ วิชายิตฺวา พุทฺธปฺปมุขํ ภิกฺขุสงฺฆํ นิมนฺเตตฺวา สตฺตาหํ มหาทานํ อทาสิ. ปุตฺโตปิสฺสา ชาตทิวสโต ปฏฺฐาย ธมกรกํ อาทาย สงฆสฺส อุทกํ ปริสฺสาเวสิ. โส อปรภาเค นิกฺขมิตฺวา ปพฺพชิโต อรหตฺตํ ปาปุณิ. อเถกทิวสํ ภิกฺขู ธมฺมสภายํ กถํ สมุฏฺฐาเปสุํ "ปสฺสถ อาวุโส: เอวรูโป นาม อรหตฺตสฺส อุปนิสฺสยสมฺปนฺโน ภิกฺขุ เอตฺตกํ กาลํ มาตุ กุจฺฉิสฺมึ ทุกฺขํ อนุโภสิ, กึมงฺคํ ปน อญฺเญ; พหุํ วต อิมินา ทุกฺขํ นิตฺถินฺนนฺติ. สตฺถา อาคนฺตฺวา "กาย นุตฺถ ภิกฺขเว เอตรหิ กถาย สนฺนิสินฺนาติ ปุจฺฉิตฺวา, "อิมาย นามาติ วุตฺเต, "อาม ภิกฺขเว มม ปุตฺโต เอตฺตกา ทุกฺขา มุจฺจิตฺวา อิทานิ นิพฺพานํ สจฺฉิกตฺวา วิหรตีติ วตฺวา อิมํ คาถมาห "โย อิมํ ปลิปถํ ทุคฺคํ สํสารํ โมหมจฺจคา ติณฺโณ ปารคโต ฌายี อเนโช อกถํกถี, อนุปาทาย นิพฺพุโต, ตมหํ พฺรูมิ พฺราหฺมณนฺติ. ตสฺสตฺโถ: โย ภิกฺขุ อิมํ ราคปถญฺเจว ^๑- กิเลสทุคฺคญฺจ สํสารวฏฺฏญฺจ จตุนฺนํ อริยสจฺจานํ อปฺปฏิวิชฺฌนกโมหญฺจ อตีโต, @เชิงอรรถ: ^๑. สี. ยุ. ราคาทิปลิปถํ เจว. ม. ราคปลิปถํ เจว.

เนื้อความอรรถกถาฉบับภาษาบาลี อักษรไทย เล่มที่ ๒๕ หน้าที่ ๑๕๒. http://84000.org/tipitaka/read/attha_page.php?book=25&page=152&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=25&A=3046&modeTY=2&pagebreak=1 http://84000.org/tipitaka/atthapali/th_line.php?B=25&A=3046&modeTY=2&pagebreak=1#p152