บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๒๔ ภาษาบาลี อักษรไทย ธ.อ.๗ มล-นาควคฺค หน้าที่ ๖๑.
๒. อปรํ ปญฺจสตภิกฺขุวตฺถุ. (๒๐๔) "สพฺเพ สงฺขาราติ อิมํ ธมฺมเทสนํ สตฺถา เชตวเน วิหรนฺโต ปญฺจสเต ภิกฺขู อารพฺภ กเถสิ. เต กิร สตฺถุ สนฺติเก กมฺมฏฺานํ คเหตฺวา อรญฺเ ฆเฏนฺตาปิ วายมนฺตาปิ อรหตฺตํ อปฺปตฺวา "วิเสเสตฺวา กมฺมฏฺานํ อุคฺคณฺหิสฺสามาติ สตฺถุ สนฺติกํ อคมํสุ. สตฺถา "กินฺนุ โข อิเมสํ สปฺปายนฺติ วีมํสนฺโต "อิเม กสฺสปพุทฺธกาเล วีสติวสฺสหสฺสานิ อนิจฺจลกฺขเณ อนุยุญฺชึสุ: ตสฺมา อนิจฺจลกฺขเณเนว เตสํ เอกํ คาถํ เทเสตุํ วฏฺฏตีติ จินฺเตตฺวา "ภิกฺขเว กามภวาทีสุ สพฺเพปิ สงฺขารา หุตฺวา อภาวตฺเถน อนิจฺจา เอวาติ อิมํ คาถมาห "สพฺเพ สงฺขารา อนิจฺจาติ ยทา ปญฺาย ปสฺสติ, อถ นิพฺพินฺทติ ทุกฺเข, เอส มคฺโค วิสุทฺธิยาติ. ตตฺถ สพฺเพ สงฺขาราติ: "กามภวาทีสุ อุปฺปนฺนา ขนฺธา ตตฺถ ตตฺเถว นิรุชฺฌนโต อนิจฺจาติ ยทา วิปสฺสนาปญฺาย ปสฺสติ, อถ อิมสฺมึ ขนฺธปริหรณทุกฺเข นิพฺพินฺทติ, นิพฺพินฺทนฺโต ทุกฺขปริชานนาทิวเสน สจฺจานิ ปฏิวิชฺฌติ. เอส มคฺโค วิสุทฺธิยาติ: วิสุทฺธตฺถาย โวทานตฺถาย เอส มคฺโคติ อตฺโถ. เทสนาวสาเน เต ภิกฺขู อรหตฺเต ปติฏฺหึสุ. สมฺปตฺตปริสายปิ สาตฺถิกา เทสนา อโหสีติ. อปรํ ปญฺจสตภิกฺขุวตฺถุ.เนื้อความอรรถกถาฉบับภาษาบาลี อักษรไทย เล่มที่ ๒๔ หน้าที่ ๖๑. http://84000.org/tipitaka/read/attha_page.php?book=24&page=61&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=24&A=1212&pagebreak=1 http://84000.org/tipitaka/atthapali/th_line.php?B=24&A=1212&pagebreak=1#p61
จบการแสดงผล หน้าที่ ๖๑.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]