อรรถกถาเล่มที่ ๒๔ ภาษาบาลี อักษรไทย
ธ.อ.๗ มล-นาควคฺค
หน้าที่ ๑๔.

         "อสชฺฌายมลา มนฺตา,       อนุฏฺฐานมลา ฆรา,
          มลํ วณฺณสฺส โกสชฺชํ,       ปมาโท รกฺขโต มลนฺติ.
     ตตฺถ "อสชฺฌายมลาติ: ๑- ยา กาจิ ปริยตฺติ วา สิปฺปํ วา
ยสฺมา อสชฺฌายนฺตสฺส อนนุยุญฺชนฺตสฺส วินสฺสติ วา นิรนฺตรํ วา
น อุปฏฺฐาติ; ตสฺมา "อสชฺฌายมลา มนฺตาติ วุตฺตํ. ยสฺมา ปน
ฆราวาสํ วสนฺตสฺส อุฏฺฐายุฏฺฐาย ชิณฺณปฺปฏิสงฺขรณาทีนิ
อกโรนฺตสฺส ฆรํ นาม วินสฺสติ; ตสฺมา "อนุฏฺฐานมลา ฆราติ วุตฺตํ.
ยสฺมา คิหิสฺส วา ปพฺพชิตสฺส วา โกสชฺชวเสน สรีรปฏิชคฺคนํ วา
ปริกฺขารปฏิชคฺคนํ วา อกโรนฺตสฺส กาโย ทุพฺพณฺโณติ; ๒- ตสฺมา
"มลํ วณฺณสฺส โกสชฺชนฺติ วุตฺตํ. ยสฺมา ปน คาโว รกฺขนฺตสฺส
ปมาทวเสน นิทฺทายนฺตสฺส วา กีฬนฺตสฺส วา ตา คาโว อติตฺถ-
ปกฺขนฺทนาทินา วา พาลมิคโจราทิอุปทฺทเวน วา ปเรสํ สาลิกฺ-
เขตฺตาทีนิ โอตริตฺวา ขาทนวเสน วา วินาสํ อาปชฺชนฺติ, สยํปิ
ทณฺฑํ วา ปริภาสํ วา ปาปุณาติ. ปพฺพชิตํ วา ปน ๓- ฉ ทฺวารานิ
อรกฺขนฺตํ ปมาทวเสน กิเลสา โอตริตฺวา สาสนา จาเวนฺติ; ตสฺมา
"ปมาโท รกฺขโต มลนฺติ วุตฺตํ. โส หิสฺส วินาสาหรเณน
มลฏฺฐานิยตฺตา มลนฺติ อตฺโถ.
      เทสนาวสาเน พหู  โสตาปตฺติผลาทีนิ ปาปุณึสูติ.
                    โลฬุทายิตฺเถรวตฺถุ.
                    --------------
@เชิงอรรถ: ๑. สี. ยุ. อสชฺฌายมลาตีติ นตฺถิ.  ๒. สี. ยุ. ทุพฺพณฺโณ โหติ.
@๓. สี. ยุ. ปพฺพชิตฺวา จ ปน.


เนื้อความอรรถกถาฉบับภาษาบาลี อักษรไทย เล่มที่ ๒๔ หน้าที่ ๑๔.
http://84000.org/tipitaka/read/attha_page.php?book=24&page=14&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=24&A=270&modeTY=2&pagebreak=1
http://84000.org/tipitaka/atthapali/th_line.php?B=24&A=270&modeTY=2&pagebreak=1#p14