อรรถกถาเล่มที่ ๒๓ หน้าที่ ๔๓.

วเทสีติ. "มม มรณภาวเมว ชานามิ ภนฺเต, `รตฺตินฺทิวปุพฺพณฺหาทีสุ ปน อสุกกาเล นาม มริสฺสามีติ น ชานามิ; ตสฺมา เอวํ วเทมีติ. อถสฺสา สตฺถา "มยา ปุจฺฉิตปญฺโหเยว ตยา วิสฺสชฺชิโตติ จตุตฺถํ สาธุการํ ทตฺวา ปริสํ อามนฺเตตฺวา "เอตฺตกํ นาม ตุมฺเห อิมาย กถิตํ น ชานาถ, เกวลํ อุชฺฌายเถว; เยสญฺหิ ปญฺญาจกฺขุ นตฺถิ, เต อนฺธาเยว; เยสํ ปญฺญาจกฺขุ อตฺถิ; เตเอว จกฺขุมนฺโตติ วตฺวา อิมํ คาถมาห "อนฺธภูโต อยํ โลโก, ตนุเกตฺถ วิปสฺสติ, สกุโณ ชาลมุตฺโตว อปฺโป สคฺคาย คจฺฉตีติ. ตตฺถ "อยํ โลโกติ: อยํ โลกิยมหาชโน ปญฺญาจกฺขุโน อภาเวน อนฺธภูโต. ตนุเกตฺถาติ: ตนุโก เอตฺถ น พหุ ชโน อนิจฺจาทิวเสน วิปสฺสติ. ชาลมุตฺโตวาติ; ยถา เฉเกน สากุณิเกน ชาเลน โอตฺถริตฺวา คยฺหมาเนสุ วฏฺฏเกสุ โกจิเทว ชาลโต มุจฺจติ, เสสา อนฺโตชาลเมว ปวิสนฺติ; ตถา มารชาเลน โอตฺถเตสุ สตฺเตสุ พหู อปายคามิโน โหนฺติ, อปฺโป โกจิเทว [สตฺโต] สคฺคาย คจฺฉติ สุคตึ วา นิพฺพานํ วา ปาปุณาตีติ อตฺโถ. เทสนาวสาเน สา กุมาริกา โสตาปตฺติผเล ปติฏฺฐหิ. มหาชนสฺสาปิ สาตฺถิกา เทสนา อโหสิ. สาปิ ตสรปจฺฉึ คเหตฺวา ปิตุ สนฺติกํ อคมาสิ. โสปิ นิสินฺนโกว นิทฺทายิ. ตสฺสา อสลฺลกฺเขตฺวา ตสรปจฺฉึ อุปนาเมนฺติยา ตสรปจฺฉิ เวมโกฏิยํ ปฏิหญฺญิตฺวา สทฺทํ กุรุมานา ปติ. โส

เนื้อความอรรถกถาฉบับภาษาบาลี อักษรไทย เล่มที่ ๒๓ หน้าที่ ๔๓. http://84000.org/tipitaka/read/attha_page.php?book=23&page=43&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=23&A=843&modeTY=2&pagebreak=1 http://84000.org/tipitaka/atthapali/th_line.php?B=23&A=843&modeTY=2&pagebreak=1#p43