อรรถกถาเล่มที่ ๒๓ ภาษาบาลี อักษรไทย
ธ.อ.๖ อตฺต-โกธวคฺค
หน้าที่ ๓๔.

เคหสณฺานาทิวเสน อุปฏฺิตาปิ อุปคจฺฉนฺตานํ อคยฺหุปคา ริตฺตกตุจฺฉกาว,
ตสฺมา "ยถา อุปฺปชฺชิตฺวา ภิชฺชนตฺเถน พุพฺพุฬกํ, ริตฺตตุจฺฉาทิภาเวน
มายํ ปสฺเสยฺย, เอวํ ขนฺธาทิโลกํ อเวกฺขนฺตํ มจฺจุราชา น ปสฺสตีติ
อตฺโถ.
      เทสนาวสาเน เต ภิกฺขู ิตฏฺาเนเยว อรหตฺตํ ปาปุณึสูติ.
                     วิปสฺสกภิกฺขุวตฺถุ.
                     -------------
                ๔. อภยราชกุมารวตฺถุ. (๑๔๐)
      "เอถ ปสฺสถิมํ โลกนฺติ อิมํ ธมฺมเทสนํ สตฺถา เวฬุวเน
วิหรนฺโต อภยราชกุมารํ อารพฺภ กเถสิ.
      ตสฺส กิร ปจฺจนฺตํ วูปสเมตฺวา อาคตสฺส ปิตา พิมฺพิสาโร
ตุสิตฺวา เอกํ นจฺจคีตกุสลํ นาฏกิตฺถึ ทตฺวา สตฺตาหํ รชฺชมทาสิ.
โส สตฺตาหํ เคหา พหิ อนิกฺขนฺโตว รชฺชสิรึ อนุภวิตฺวา
อฏฺเม ทิวเส นทีติตฺถํ คนฺตฺวา นหาตฺวา อุยฺยานํ ปวิสิตฺวา
สนฺตติมหามตฺโต วิย ตสฺสา อิตฺถิยา นจฺจคีตํ ปสฺสนฺโต นิสีทิ.
สาปิ ตํขณํเยว สนฺตติมหามตฺตสฺส นาฏกิตฺถี วิย สตฺถกวาตานํ
วเสน กาลมกาสิ. กุมาโร ตสฺสา กาลกิริยาย อุปฺปนฺนโสโก
"น เม อิมํ โสกํ เปตฺวา สตฺถารํ อญฺโ นิพฺพาเปตุํ
สกฺขิสฺสตีติ สตฺถารํ อุปสงฺกมิตฺวา "ภนฺเต โสกํ เม นิพฺพาเปถาติ


เนื้อความอรรถกถาฉบับภาษาบาลี อักษรไทย เล่มที่ ๒๓ หน้าที่ ๓๔.
http://84000.org/tipitaka/read/attha_page.php?book=23&page=34&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=23&A=662&pagebreak=1
http://84000.org/tipitaka/atthapali/th_line.php?B=23&A=662&pagebreak=1#p34