อรรถกถาเล่มที่ ๒๒ ภาษาบาลี อักษรไทย
ธ.อ.๕ ปาป-ชราวคฺค
หน้าที่ ๖๓.

เอตฺตกํ กมฺมํ กตฺวา อเนกานิ วสฺสสตสหสฺสานิ นิรเย ปจิตฺวา
วิปากาวเสเสน อตฺตภาวสเต เอวเมว โกฏฺเฏตฺวา สญฺจุณฺณิโต
มรณํ ปตฺโต, เอวํ โมคฺคลฺลาเนน อตฺตโน กมฺมานุรูปเมว มรณํ
ลทฺธํ, ปญฺจหิ โจรสเตหิ สทฺธึ ปญฺจ ติตฺถิยสตานิ มม ปุตฺตสฺส
อปฺปทุฏฺสฺส ปทุสฺสิตฺวา อนุรูปเมว มรณํ ลภึสุ; อปฺปทุฏฺสฺส
หิ ปทุสฺสนฺโต ทสหิ การเณหิ อนยพฺยสนํ ปาปุณาติเยวาติ วตฺวา
อนุสนฺธึ ฆเฏตฺวา ธมฺมํ เทเสนฺโต อิมา คาถา อภาสิ
        "โย ทณฺเฑน อทณฺเฑสุ     อปฺปทุฏฺเสุ ทุสฺสติ,
         ทสนฺนมญฺตรํ านํ       ขิปฺปเมว นิคจฺฉติ:
         เวทนํ ผรุสํ ชานึ        สรีรสฺส ว เภทนํ
         ครุกํ วาปิ อาพาธํ       จิตฺตกฺเขปํ ว ปาปุเณ,
         ราชโต วา อุปสคฺคํ      อพฺภกฺขานํ ว ทารุณํ
         ปริกฺขยํ ว าตีนํ        โภคานํ ว ปภงฺคุณํ,
         อถวาสฺส อคารานิ       อคฺคิ ฑหติ ปาวโก
         กายสฺส เภทา ทุปฺปญฺโ   นิรยํ โส อุปปชฺชตีติ:
     ตตฺถ อทณฺเฑสูติ: กายทณฺฑาทิวิรหิเตสุ ขีณาสเวสุ. อปฺปทุฏฺเสูติ:
ปเรสุ วา อตฺตนิ วา นิรปราเธสุ. ทสนฺนมญฺตรํ านนฺติ: ทสสุ
ทุกฺขการเณสุ อญฺตรํ การณํ. เวทนนฺติ: สีสโรคาทิเภทํ
ผรุสํ เวทนํ. ชานินติ: กิจฺฉาธิคตสฺส ธนสฺส ชานึ.
เภทนนฺติ: หตฺถจฺเฉทาทิกํ สรรเภทนํ. ครุกนฺติ:
ปกฺขหตเอกจกฺขุปีสปฺปิกุณิภาวกุฏฺโรคาทิเภทํ ครุกาพาธํ วา.


เนื้อความอรรถกถาฉบับภาษาบาลี อักษรไทย เล่มที่ ๒๒ หน้าที่ ๖๓.
http://84000.org/tipitaka/read/attha_page.php?book=22&page=63&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=22&A=1273&pagebreak=1
http://84000.org/tipitaka/atthapali/th_line.php?B=22&A=1273&pagebreak=1#p63