อรรถกถาเล่มที่ ๒๑ หน้าที่ ๔๗.

ทฺวิปทจตุปฺปเทสุ นตฺถิ โกจิ อุปทฺทโวติอาทีนิ วทนฺติ, เต ลปยนฺติ นาม. ตถา ปน วตฺวา "อาม ภนฺเต สพฺเพสํ โน สุขํ, นตฺถิ โกจิ อุปทฺทโว, อิทานิ โน เคหํ ปหูตนฺนปานํ, อิเธว วสถาติ อตฺตานํ นิมนฺตาเปตฺวา ^๑- ลปาเปนฺติ นาม. สนฺโต ปน อิทํ อุภยํปิ น กโรนฺติ. สุเขน ผุฏฺฐา อถวา ทุกฺเขนาติ เทสนามตฺตเมตํ. อฏฺฐหิ ปน โลกธมฺเมหิ ผุฏฺฐา ตุฏฺฐิภาวมงฺกุภาววเสน วา วณฺณภณนอวณฺณภณนวเสน วา อุจฺจาวจํ อาการํ ปณฺฑิตา น ทสฺสยนฺตีติ. เทสนาวสาเน พหู โสตาปตฺติผลาทีนิ ปาปุณึสูติ. ปญฺจสตภิกฺขุวตฺถุ. ---------- ๙. ธมฺมิกตฺเถรวตฺถุ. (๖๘) "น อตฺตเหตูติ อิมํ ธมฺมเทสนํ สตฺถา เชตวเน วิหรนฺโต ธมฺมิกตฺเถรํ อารพฺภ กเถสิ. สาวตฺถิยํ กิร เอโก อุปาสโก ธมฺเมน อคารํ อชฺฌาวสติ. โส ปพฺพชิตุกาโม หุตฺวา เอกทิวสํ ภริยาย สทฺธึ นิสีทิตฺวา สุขกถํ กเถนฺโต อาห "ภทฺเท อิจฺฉามหํ ปพฺพชิตุนฺติ. "เตนหิ สามิ อาคเมหิ ตาว, ยาวาหํ กุจฺฉิคตํ ทารกํ วิชายามีติ. โส อาคเมตฺวา ทารกสฺส ปทสา คมนกาเล ปุน ตํ อาปุจฺฉิตฺวา, "อาคเมหิ ตาว สามิ, ยาว อยํ วยปฺปตฺโต โหตีติ วุตฺเต, "กึ @เชิงอรรถ: ^๑. นิมนฺตาเปนฺตา [?]

เนื้อความอรรถกถาฉบับภาษาบาลี อักษรไทย เล่มที่ ๒๑ หน้าที่ ๔๗. http://84000.org/tipitaka/read/attha_page.php?book=21&page=47&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=21&A=962&modeTY=2&pagebreak=1 http://84000.org/tipitaka/atthapali/th_line.php?B=21&A=962&modeTY=2&pagebreak=1#p47