อรรถกถาเล่มที่ ๒๑ ภาษาบาลี อักษรไทย
ธ.อ.๔ ปณฺฑิต-สหสฺสวคฺค
หน้าที่ ๔๔.

เทสนาธมฺมานิ. อิทํ วุตฺตํ โหติ "ยถา โส รหโท อนากุลตาย
วิปฺปสนฺโน อจลตาย อนาวิโล; เอวํ มม เทสนาธมฺมํ สุตฺวา
โสตาปตฺติมคฺคาทิวเสน นิรุปกฺกิเลสจิตฺตตํ อาปชฺชนฺตา วิปฺปสีทนฺติ
ปณฺฑิตา, อรหตฺตปฺปตฺตา ปน เอกนฺตวิปฺปสนฺนาว โหนฺตีติ.
          เทสนาวสาเน พหู โสตาปตฺติผลาทีนิ ปาปุณึสูติ.
                      กาณมาตาวตฺถุ.
                       ---------
                 ๘. ปญฺจสตภิกฺขุวตฺถุ. (๖๗)
      "สพฺพตฺถ เว สปฺปุริสา วชนฺตีติ อิมํ ธมฺมเทสนํ สตฺถา
เชตวเน วิหรนฺโต ปญฺจสเต ภิกฺขู อารพฺภ กเถสิ.
      เทสนา เวรญฺชายํ สมุฏฺฐิตา. ปฐมโพธิยํ หิ ภควา
เวรญฺชํ คนฺตฺวา เวรญฺเชน พฺราหฺมเณน นิมนฺติโต    ปญฺจหิ
ภิกฺขุสเตหิ สทฺธึ วสฺสํ อุปคจฺฉิ. เวรญฺโช พฺราหฺมโณ มาราวฏฺฏเนน
อาวฏฺโฏ เอกทิวสํปิ สตฺถารํ อารพฺภ สตึ น  อุปฺปาเทสิ. เวรญฺชาปิ
ทุพฺภิกฺขา อโหสิ. ภิกฺขู สนฺตรพาหิรํ เวรญฺชํ ปิณฺฑาย จริตฺวา
ปิณฺฑปาตํ อลภนฺตา กิลมึสุ. เตสํ อสฺสวาณิชกา ปตฺถปตฺถปูลกํ
ภิกฺขํ ปญฺญาเปสุํ. เต กิลมนฺเต ทิสฺวา มหาโมคฺคลฺลานตฺเถโร
ปฐโวชํ โภเชตุกาโม อุตฺตรกุรุํ จ ปิณฺฑาย ปเวเสตุกาโม อโหสิ.
สตฺถา ตํ ปฏิกฺขิปิ. ภิกฺขูนํ เอกทิวสํปิ ปิณฺฑปาตํ อารพฺภ ปริตฺตาโส
นาโหสิ.  อิจฺฉาจารํ วชฺเชตฺวาว วิหรึสุ. สตฺถา ตตฺถ เตมาสํ


เนื้อความอรรถกถาฉบับภาษาบาลี อักษรไทย เล่มที่ ๒๑ หน้าที่ ๔๔.
http://84000.org/tipitaka/read/attha_page.php?book=21&page=44&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=21&A=900&modeTY=2&pagebreak=1
http://84000.org/tipitaka/atthapali/th_line.php?B=21&A=900&modeTY=2&pagebreak=1#p44