อรรถกถาเล่มที่ ๒ ภาษาบาลี อักษรไทย
วินย.อ. (สมนฺต.๒)
หน้าที่ ๕๕๓-๕๕๔.

หน้าที่ ๕๕๓.
     {๙๙๙} ฉฏฺเ สพฺพํ นคฺควคฺเค อาคาริกสิกฺขาปเท วุตฺตนเยเนว
เวทิตพฺพํ ฯ อยํ ปน วิเสโส ฯ ตํ ฉสฺสมุฏฺานํ อิทํ สหตฺถาติ
วุตฺตตฺตา เอฬกโลมสมุฏฺานํ กิริยา โนสญฺาวิโมกฺขํ อจิตฺตกํ
ปณฺณตฺติวชฺชํ กายกมฺมํ ติจิตฺตํ ติเวทนนฺติ ฯ
                         ฉฏฺ ฯ
     {๑๐๐๗} สตฺตเม ฯ ปุนปริยาเยติ ปุนวาเร ฯ อาปทาสูติ มหคฺฆํ
จีวรํ สรีรโต โมเจตฺวา สุปฏิสามิตํ โจรา หรนฺติ เอวรูปาสุ
อาปทาสุ อนิสฺสชฺชิตฺวา นิวาเสนฺติยา อนาปตฺติ ฯ เสสํ
อุตฺตานเมวาติ ฯ กินสมุฏฺานํ กายวาจโต กายวาจาจิตฺตโต จ
สมุฏฺาติ กิริยากิริยํ โนสญฺาวิโมกฺขํ อจิตฺตกํ ปณฺณตฺติวชฺชํ
กายกมฺมํ วจีกมฺมํ ติจิตฺตํ ติเวทนนฺติ ฯ
                        สตฺตมํ ฯ
     {๑๐๐๘} อฏฺเม ฯ อนิสฺสชฺชิตฺวาติ รกฺขณตฺถาย อทตฺวา อิมํ
ชคฺเคยฺยาสีติ เอวํ อนาปุจฺฉิตฺวาติ อตฺโถ ฯ {๑๐๑๒} ปริเยสิตฺวา น
ลภตีติ ปฏิชคฺคิกํ น ลภติ ฯ คิลานายาติ วจีเภทํ กาตุํ
อสมตฺถาย ฯ อาปทาสูติ รฏฺเ ภิชฺชนฺเต อาวาเส ฉฑฺเฑตฺวา
คจฺฉนฺติ เอวรูปาสุ อาปทาสุ อนาปตฺติ ฯ เสสํ อุตฺตานเมว ฯ
สมุฏฺานาทีนิ อนนฺตรสิกฺขาปทสทิสาเนวาติ ฯ
                        อฏฺมํ ฯ
     {๑๐๑๕-๑๐๑๖} นวเม ฯ พาหิรกํ อนตฺถสํหิตนฺติ หตฺถิอสฺสรถธนุถรุ-
สิปฺปอถพฺพนขีลนวสีกรณโสสาปนมนฺตาคทปฺปโยคาทิเภทํ ปรูปฆาตกรํ ฯ
---------------------------------------------------------------------------------------------
หน้าที่ ๕๕๔.
ปริตฺตนฺติ ยกฺขปริตฺตนาคมณฺฑลาทิเภทํ สพฺพํปิ วฏฺฏติ ฯ เสสํ
อุตฺตานเมว ฯ ปทโสธมฺมสมุฏฺานํ วาจโต วาจาจิตฺตโต จ สมุฏฺาติ
กิริยา โนสญฺาวิโมกฺขํ อจิตฺตกํ ปณฺณตฺติวชฺชํ วจีกมฺมํ ติจิตฺตํ
ติเวทนนฺติ ฯ
                         นวมํ ฯ
     {๑๐๑๘} ทสเม ฯ วาเจยฺยาติ ปทํ วิเสโส ฯ เสสํ นวเม วุตฺตนเยเนว
เวทิตพฺพํ สทฺธึ สมุฏฺานาทีหีติ ฯ
                         ทสมํ ฯ
                  จิตฺตาคารวคฺโค ปญฺจโม ฯ
     {๑๐๒๕} อารามวคฺคสฺส ปมสิกฺขาปเท ฯ ปริกฺเขปํ อติกฺกมนฺติยา
อุปจารํ โอกฺกมนฺติยาติ เอตฺถ ปมปาเท ทุกฺกฏํ ทุติยปาเท
ปาจิตฺติยํ ฯ {๑๐๒๗} สีสานุโลกิกาติ ปมํ ปวิสนฺตีนํ ภิกฺขุนีนํ สีสํ อนุโลเกนฺตี
ปวิสติ อนาปตฺติ ฯ ยตฺถ ภิกฺขุนิโย ปมตรํ ปวิสิตฺวา
สชฺฌายเจติยวนฺทนาทีนิ กโรนฺติ ตตฺถ ตาสํ สนฺติกํ คจฺฉามีติ
คนฺตุํ วฏฺฏติ ฯ อาปทาสูติ เกนจิ อุปทฺทูตา โหติ เอวรูปาสุ
อาปทาสุ ปวิสิตุํ วฏฺฏติ ฯ เสสํ อุตฺตานเมว ฯ ธุรนิกฺเขปสมุฏฺานํ
กิริยากิรยํ สญฺาวิโมกฺขํ สจิตฺตกํ ปณฺณตฺติวชฺชํ กายกมฺมํ
วจีกมฺมํ ติจิตฺตํ ติเวทนนฺติ ฯ
                         ปมํ ฯ
     {๑๐๒๘} ทุติเย ฯ อายสฺมา กปฺปิตโกติ อยํ ชฏิลสหสฺสสฺส อพฺภนฺตโร


เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๕๕๓-๕๕๔.
http://84000.org/tipitaka/read/attha_page.php?book=2&page=553&pages=2&pagebreak=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=2&A=11638&pagebreak=1
http://84000.org/tipitaka/atthapali/th_line.php?B=2&A=11638&pagebreak=1#p553