ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๒ ภาษาบาลี อักษรไทย วินย.อ. (สมนฺต.๒)

หน้าที่ ๕๕๐-๕๕๑.

หน้าที่ ๕๕๐.

ทุกฺขเวทนนฺติ ฯ ฉฏฺฐํ ฯ {๙๖๑} สตฺตมฏฺฐมนวเมสุ สพฺพํ อุตฺตานเมว ฯ สพฺพานิ เอฬกโลมสมุฏฺฐานานิ กิริยา โนสญฺญาวิโมกฺขานิ อจิตฺตกานิ ปณฺณตฺติวชฺชานิ กายกมฺมานิ ติจิตฺตานิ ติเวทนานีติ ฯ สตฺตมฏฺฐมนวมานิ ฯ {๙๗๓} ทสเม ฯ อาหุนฺทริกาติ สมฺพาธา ฯ {๙๗๕} ธุรํ นิกฺขิตฺตมตฺเตติ สเจปิ ธุรํ นิกฺขิปิตฺวา ปจฺฉา ปกฺกมติ อาปตฺติเยวาติ อตฺโถ ฯ ปวาเรตฺวา ปญฺจ โยชนานิ คจฺฉนฺติยาปิ อนาปตฺติ ฯ ฉสุ วตฺตพฺพเมว นตฺถิ ฯ สเจ ปน ตีณิ คนฺตฺวา เตเนว มคฺเคน ปจฺจาคจฺฉติ น วฏฺฏติ ฯ อญฺเญน มคฺเคน อาคนฺตุํ วฏฺฏติ ฯ {๙๗๖} อนฺตราเยติ ทสวิเธ อนฺตราเย ฯ คจฺฉิสฺสามีติ นิกฺขนฺตา นทีปูโร ปน อาคโต โจรา วา มคฺเค โหนฺติ เมโฆ วา อุฏฺฐาติ นิวตฺติตุํ วฏฺฏติ ฯ เสสํ อุตฺตานเมว ฯ ปฐมปาราชิกสมุฏฺฐานํ อกิริยา สญฺญาวิโมกฺขํ สจิตฺตกํ โลกวชฺชํ กายกมฺมํ อกุสลจิตฺตํ ทุกฺขเวทนนฺติ ฯ ทสมํ ฯ ตุวฏฺฏวคฺโค จตุตฺโถ ฯ {๙๗๘} จิตฺตาคารวคฺคสฺส ปฐมสิกฺขาปเท ฯ ราชาคารนฺติ รญฺโญ กีฬาคารํ ฯ จิตฺตาคารนฺติ กีฬนจิตฺตสาลํ ฯ อารามนฺติ กีฬนอุปวนํ ฯ อุยฺยานนฺติ กีฬนุยฺยานํ ฯ โปกฺขรินฺติ กีฬาโปกฺขรณึ ตสฺมาเยว ปทภาชเน ยตฺถ กตฺถจิ รญฺโญ กีฬิตุนฺติอาทิ วุตฺตํ ฯ ทสฺสนาย

--------------------------------------------------------------------------------------------- หน้าที่ ๕๕๑.

คจฺฉติ อาปตฺติ ทุกฺกฏสฺสาติ เอตฺถ ปทวารคณนาย ทุกฺกฏํ ฯ ยตฺถ ฐิตา ปสฺสตีติ เอตฺถ ปน สเจ เอกสฺมึเยว ฐาเน ฐิตา ปทํ อนุทฺธรมานา ปญฺจปิ ปสฺสติ เอกเมว ปาจิตฺติยํ ฯ ตํ ตํ ทิสาภาคํ โอโลเกตฺวา ปสฺสนฺติยา ปน ปาเฏกฺกา อาปตฺติโย ฯ ภิกฺขุสฺส ปน สพฺพตฺถ ทุกฺกฏํ ฯ {๙๘๑} อาราเม ฐิตาติ อชฺฌาราเม ราชาคาราทีนิ กโรนฺติ ตานิ ปสฺสนฺติยา อนาปตฺติ ฯ คจฺฉนฺตี วา อาคจฺฉนฺตี วาติ ปิณฺฑปาตาทีนํ อตฺถาย คจฺฉนฺติยา มคฺโค โหติ ๑- ตานิ ปสฺสติ อนาปตฺติ ฯ สติ กรณีเย คนฺตฺวาติ รญฺโญ สนฺติกํ เกนจิ กรณีเยน คนฺตฺวา ปสฺสติ อนาปตฺติ ฯ อาปทาสูติ เกนจิ อุปทฺทูตา ปวิสิตฺวา ปสฺสติ อนาปตฺติ ฯ เสสํ อุตฺตานเมว ฯ เอฬกโลมสมุฏฺฐานํ กิริยา โนสญฺญาวิโมกฺขํ อจิตฺตกํ โลกวชฺชํ กายกมฺมํ อกุสลจิตฺตํ ติเวทนนฺติ ฯ ปฐมํ ฯ {๙๘๒} ทุติเย ฯ อภินิสีทนาภินิปชฺชเนสุ ปโยคคณนาย อาปตฺติโย เวทิตพฺพา ฯ เสสํ อุตฺตานเมว ฯ เอฬกโลมสมุฏฺฐานํ กิริยา โนสญฺญาวิโมกฺขํ อจิตฺตกํ ปณฺณตฺติวชฺชํ กายกมฺมํ ติจิตฺตํ ติเวทนนฺติ ฯ ทุติยํ ฯ {๙๘๘} ตติเย ฯ อุชฺชวูชฺชเวติ ยตฺตกํ หตฺเถน อญฺฉิตํ โหติ ตตฺตกมฺหิ เวฐิเต เอกา อาปตฺติ ฯ กนฺตนโต ปน ปุพฺเพ กปฺปาสวิจินนํ @เชิงอรรถ: ๑.... คจฺฉนฺตี ยานิ มคฺเค โหนฺตีติ.


เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๕๕๐-๕๕๑. http://84000.org/tipitaka/read/attha_page.php?book=2&page=550&pages=2&modeTY=2&pagebreak=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=11574&modeTY=2&pagebreak=1 http://84000.org/tipitaka/atthapali/th_line.php?B=2&A=11574&modeTY=2&pagebreak=1#p550


จบการแสดงผล หน้าที่ ๕๕๐-๕๕๑.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]