อรรถกถาเล่มที่ ๒ ภาษาบาลี อักษรไทย
วินย.อ. (สมนฺต.๒)
หน้าที่ ๕๔๓-๕๔๔.

หน้าที่ ๕๔๓.
เสสํ อุตฺตานเมว ฯ กินสมุฏฺานํ ฯเปฯ ติเวทนนฺติ ฯ
                      ฉฏฺฺสิกฺขาปทํ ฯ
     {๘๖๔} สตฺตเมปิ สพฺพํ ฉฏฺเ วุตฺตนเยเนว เวทิตพฺพํ ฯ
                     สตฺตมสิกฺขาปทํ ฯ
     {๘๖๙} อฏฺเม สพฺพํ อุตฺตานเมว ฯ ติสมุฏฺานํ กิริยา สญฺาวิโมกฺขํ
สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ทุกฺขเวทนนฺติ ฯ
                     อฏฺมสิกฺขาปทํ ฯ
     {๘๗๕} นวเม ฯ อภิสเปยฺยาติ สปถํ กเรยฺย ฯ นิรเยน อภิสปติ
นาม นิรเย นิพฺพตฺตามิ อวีจิมฺหิ นิพฺพตฺตามิ นิรเย นิพฺพตฺตตุ
อวีจิมฺหิ นิพฺพตฺตตูติ เอวมาทินา นเยน อกฺโกสติ ปริภาสติ ฯ
พฺรหฺมจริเยน อภิสปติ นาม คิหินี โหมิ โอทาตวตฺถา โหมิ
ปริพฺพาชิกา โหมิ อิตรา วา เอทิสา โหตูติ เอวมาทินา นเยน
อกฺโกสติ ฯ วาจาย วาจาย ปาจิตฺติยํ ฯ เปตฺวา ปน นิรยญฺจ
พฺรหฺมจริยญฺจ สุนขี สูกรี กาณา กุณีติอาทินา นเยน อกฺโกสนฺติยา
วาจาย วาจาย ทุกฺกฏํ ฯ {๘๗๘} อตฺถปุเรกฺขารายาติ อฏฺกถํ
กเถนฺติยา ฯ ธมฺมปุเรกฺขารายาติ ปาลึ วาเจนฺติยา ฯ
อนุสาสนีปุเรกฺขารายาติ อิทานิปิ ตฺวํ เอทิสา สาธุ วิรมสฺสุ โน เจ
วิรมสิ อทฺธา ปุน เอวรูปานิ กมฺมานิ กตฺวา นิรเย อุปฺปชฺชิสฺสสิ
ติรจฺฉานโยนิยํ อุปฺปชฺชิสฺสสีติ เอวํ อนุสาสนิยํ ตฺวา วทนฺติยา
อนาปตฺติ ฯ เสสํ อุตฺตานเมว ฯ ติสมุฏฺานํ กิริยา สญฺาวิโมกฺขํ
---------------------------------------------------------------------------------------------
หน้าที่ ๕๔๔.
สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ทุกฺขเวทนนฺติ ฯ
                      นวมสิกฺขาปทํ ฯ
     {๘๗๙} ทสเม สพฺพํ อุตฺตานเมว ฯ ธุรนิกฺเขปสมุฏฺานํ กายวาจาจิตฺตโต
สมุฏฺาติ กิริยา สญฺาวิโมกฺขํ สจิตฺตกํ โลกวชฺชํ กายกมฺมํ
วจีกมฺมํ อกุสลจิตฺตํ ทุกฺขเวทนนฺติ ฯ
                       ทสมสิกฺขาปทํ
                   อนฺธการวคฺโค ทุติโย ฯ
     {๘๘๓-๘๘๖} นคฺควคฺคสฺส ปมสิกฺขาปเท ฯ พฺรหฺมจริยํ จิณฺเณนาติ
พฺรหฺมจริเยน จิณฺเณน ฯ อถวา พฺรหฺมจริยสฺส จรเณนาติ
เอวํ กรณตฺเถ วา สามิอตฺเถ วา อุปโยควจนํ เวทิตพฺพํ ฯ
อจฺฉินฺนจีวริกายาติ อิทํ อุทกสาฏิกํ สนฺธาย วุตฺตํ น อญฺ
จีวรํ ฯ ตสฺมา อุทกสาฏิกาย อจฺฉินฺนาย วา นฏฺาย วา นคฺคาย
นหายนฺติยา อนาปตฺติ ฯ สเจปิ อุทกสาฏิกจีวรํ มหคฺฆํ โหติ ฯ
น สกฺกา นิวาเสตฺวา พหิ คนฺตุํ เอวํปิ นคฺคา นหายิตุํ วฏฺฏติ ฯ
เสสเมตฺถ อุตฺตานเมว ฯ เอฬกโลมสมุฏฺานํ กิริยา โนสญฺาวิโมกฺขํ
อจตฺตกํ ปณฺณตฺติวชฺชํ กายกมฺมํ ติจิตฺตํ ติเวทนนฺติ ฯ
                      ปมสิกฺขาปทํ ฯ
     {๘๘๗} ทุติเย สพฺพํ อุตฺตานเมว ฯ ฉสฺสมุฏฺานํ กิริยา
โนสญฺาวิโมกฺขํ อจิตฺตกํ ปณฺณตฺติวชฺชํ กายกมฺมํ วจีกมฺมํ
ติจิตฺตํ ติเวทนนฺติ ฯ
                      ทุติยสิกฺขาปทํ ฯ


เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๕๔๓-๕๔๔.
http://84000.org/tipitaka/read/attha_page.php?book=2&page=543&pages=2&pagebreak=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=2&A=11428&pagebreak=1
http://84000.org/tipitaka/atthapali/th_line.php?B=2&A=11428&pagebreak=1#p543