บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๒ ภาษาบาลี อักษรไทย วินย.อ. (สมนฺต.๒) หน้าที่ ๕๔๐-๕๔๑.
{๘๓๕} ทสเม ฯ ยงฺกิญฺจิ นจฺจนฺติ นฏาทโย วา นจฺจนฺตุ โสณฺฑา วา อนฺตมโส โมรสุวมกฺกฏาทโยปิ สพฺพเมตํ นจฺจเมว ฯ ยงฺกิญฺจิ คีตนฺติ นฏาทีนํ วา คีตํ โหตุ อริยานํ ปรินิพฺพานกาเล รตนตฺตยคุโณปสํหิตํ สาธุกีฬิตคีตํ วา อสญฺตภิกฺขูนํ ธมฺมภาณกคีตํ วา สพฺพเมตํ คีตเมว ฯ ยงฺกิญฺจิ วาทิตนฺติ ตนฺติพทฺธาทิวาทนียภณฺฑํ วา โหตุ กูฏเภรีวาทิตํ วา อนฺตมโส อุทกเภรีวาทิตํปิ สพฺพเมตํ วาทิตเมว ฯ {๘๓๖} ทสฺสนาย คจฺฉติ อาปตฺติ ทุกฺกฏสฺสาติ ปทวารคณนาย อาปตฺติ ทุกฺกฏสฺส ฯ ยตฺถ ิตา ปสฺสติ วา สุณาติ วาติ เอกปฺปโยเคน โอโลเกนฺตี ปสฺสติ เตสํเยว คีตํ วาทิตํ สุณาติ เอกเมว ปาจิตฺติยํ ฯ สเจ ปน เอกํ ทิสํ โอโลเกตฺวา นจฺจํ ปสฺสติ ปุน อญฺโต โอโลเกตฺวา คายนฺเต ปสฺสติ อญฺโต วาเทนฺเต ปาเฏกฺกา อาปตฺติโย ฯ ภิกฺขุนี สยํปิ นจฺจิตุํ วา คายิตุํ วา วาทิตุํ วา น ลภติ ฯ อญฺเ นจฺจ คาย วาเทหีติ วุตฺตํปิ น ลภติ ฯ เจติยสฺส อุปหารํ เทถ อุปาสกาติ วตฺตุํปิ ตุมฺหากํ เจติยสฺส อุปฏฺานํ กโรมาติ วุตฺเต สาธูติ สมฺปฏิจฺฉิตุํปิ น ลภติ ฯ สพฺพตฺถ ปาจิตฺติยนฺติ สพฺพอฏฺกถาสุ วุตฺตํ ฯ ภิกฺขุโน ทุกฺกฏํ ฯ ตุมฺหากํ เจติยสฺส อุปฏฺานํ กโรมาติ วุตฺเต ปน อุปาสก อุปฏฺานกรณํ นาม สุนฺทรนฺติ วตฺตุํ วฏฺฏติ ฯ {๘๓๗} อาราเม ิตาติ อาราเม ิตา อนฺโตอาราเม วา พหิอาราเม วา นจฺจาทีนิ ปสฺสติ วา สุณาติ วา อนาปตฺติ ฯ สติ กรณีเยติ--------------------------------------------------------------------------------------------- หน้าที่ ๕๔๑.
สลากภตฺตาทีนํ วา อตฺถาย อญฺเน วา เกนจิ กรณีเยน คนฺตฺวา คตฏฺาเน ปสฺสติ วา สุณาติ วา อนาปตฺติ ฯ อาปทาสูติ ตาทิเสน อุปทฺทเวน อุปทฺทูตา สมชฺชฏฺานํ ปวิสติ เอวํ ปวิสิตฺวา ปสฺสนฺติยา วา สุณนฺติยา วา อนาปตฺติ ฯ เสสํ อุตฺตานเมว ฯ เอฬกโลมสมุฏฺานํ กิริยา โนสญฺาวิโมกฺขํ อจิตฺตกํ โลกวชฺชํ กายกมฺมํ อกุสลจิตฺตํ ติเวทนนฺติ ฯ ทสมสิกฺขาปทํ ฯ ลสุณวคฺโค ปโม ฯ {๘๓๙} อนฺธการวคฺคสฺส ปมสิกฺขาปเท ฯ อปฺปทีเปติ ปทีปจนฺทสุริยอคฺคีสุ เอเกนาปิ อโนภาสิเต ฯ เตเนวสฺส ปทภาชเน อนาโลเกติ วุตฺตํ ฯ สลฺลเปยฺย วาติ เคหสิตกถํ กเถยฺย ฯ {๘๔๑} อรหาเปกฺขา อญฺาวิหิตาติ นรหสฺสาทาเปกฺขา รโหอสฺสาทโต อญฺาวิหิตาว หุตฺวา าตึ วา ปุจฺฉติ ทาเน วา ปูชาย วา มนฺเตติ ฯ เสสํ อุตฺตานเมว ฯ เถยฺยสตฺถสมุฏฺานํ กายจิตฺตโต กายวาจาจิตฺตโต จ สมุฏฺาติ กิริยา สญฺาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ทฺวิเวทนนฺติ ฯ ปมสิกฺขาปทํ ฯ {๘๔๒} ทุติเย ฯ ปฏิจฺฉนฺเน โอกาเสติ อิทเมว นานํ ฯ เสสํ สพฺพํ ปุริมสทิสเมวาติ ฯ ทุติยสิกฺขาปทํ ฯ {๘๔๖} ตติเย ฯ อชฺโฌกาเสติ นานํ ฯ เสสํ สพฺพํ ตาทิสเมวาติ ฯ ตติยสิกฺขาปทํ ฯเนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๕๔๐-๕๔๑. http://84000.org/tipitaka/read/attha_page.php?book=2&page=540&pages=2&pagebreak=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=11364&pagebreak=1 http://84000.org/tipitaka/atthapali/th_line.php?B=2&A=11364&pagebreak=1#p540
จบการแสดงผล หน้าที่ ๕๔๐-๕๔๑.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]