ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๒ ภาษาบาลี อักษรไทย วินย.อ. (สมนฺต.๒)

หน้าที่ ๔๘๕.

กิริยากิริยํ โนสญฺาวิโมกฺขํ อจิตฺตกํ ปณฺณตฺติวชฺชํ กายกมฺมํ
วจีกมฺมํ ติจิตฺตํ ติเวทนนฺติ ฯ
              วิกาเล คามปฺปเวสนสิกฺขาปทํ ตติยํ ฯ
     {๕๑๗-๕๒๐} จตุตฺถสิกฺขาปเท ฯ เภทนเมว เภทนกํ ฯ ตํ อสฺส
อตฺถีติ เภทนกเมว ฯ อรณิเกติ อรณิธนุเก ฯ วีเถติ วีถเก ฯ
เสสเมตฺถ อุตฺตานเมว ฯ ฉสฺสมุฏฺานํ กิริยา โนสญฺาวิโมกฺขํ
อจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ
                   สูจิฆรสิกฺขาปทํ จตุตฺถํ ฯ
     {๕๒๒} ปญฺจมสิกฺขาปเท ฯ เฉทนกํ วุตฺตนยเมว ฯ {๕๒๕} ฉินฺทิตฺวา
ปริภุญฺชตีติ เอตฺถ สเจ น ฉินฺทิตุกาโม โหติ ภูมิยํ นิขนิตฺวา
ปมาณํ อุปริ ทสฺเสติ อุตฺตานํ วา กตฺวา ปริภุญฺชติ อุกฺขิปิตฺวา
วา ตุลาสงฺฆาเฏ เปตฺวา อฏฺฏํ กตฺวา ปริภุญฺชติ สพฺพํ
วฏฺฏติ ฯ เสสเมตฺถ อุตฺตานเมว ฯ ฉสฺสมุฏฺานํ ฯ
                   มญฺจสิกฺขาปทํ ปญฺจมํ ฯ
     {๕๒๖} ฉฏฺสิกฺขาปเท ฯ ตูลํ โอนทฺธํ เอตฺถาติ ตูโลนทฺธํ ฯ ตูลํ
ปกฺขิปิตฺวา อุปริ จิมิลิกาย โอนทฺธนฺติ วุตฺตํ โหติ ฯ เสสเมตฺถ
อุตฺตานเมว ฯ ฉสฺสมุฏฺานํ ฯ
                  ตูโลนทฺธสิกฺขาปทํ ฉฏฺ ฯ
     {๕๓๑-๕๓๔} สตฺตมสิกฺขาปเท ฯ นิสีทนํ อนุญฺาตํ โหตีติ กตฺถ อนุญฺาตํ ฯ
จีวรกฺขนฺธเก ปณีตโภชนวตฺถุสฺมึ ฯ วุตฺตํ หิ ตตฺถ อนุชานามิ
ภิกฺขเว กายคุตฺติยา จีวรคุตฺติยา เสนาสนคุตฺติยา นิสีทนนฺติ ๑-@เชิงอรรถ: ๑. วิ. มหาวคฺค. ๕/๒๑๖.



เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๔๘๕. http://84000.org/tipitaka/read/attha_page.php?book=2&page=485&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=10231&pagebreak=1 http://84000.org/tipitaka/atthapali/th_line.php?B=2&A=10231&pagebreak=1#p485


จบการแสดงผล หน้าที่ ๔๘๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]