อรรถกถาเล่มที่ ๒ ภาษาบาลี อักษรไทย
วินย.อ. (สมนฺต.๒)
หน้าที่ ๔๖๕-๔๖๖.

หน้าที่ ๔๖๕.
อิตฺถีรูปา ฯเปฯ อิตฺถีโผฏฺพฺพา เอวํ น วฏฺฏนฺติ เอเตปิ วฏฺฏนฺตีติ ฯ
เอวํ รเสน รสํ สํสนฺทิตฺวา สจฺฉนฺทราคปริโภคญฺจ นิจฺฉนฺทราคปริโภคญฺจ
เอกํ กตฺวา ถูลวาเกหิ สทฺธึ อติสุขุมสุตฺตํ ฆเฏนฺโต
วิย สาสเปน สทฺธึ สิเนรุํ อุปสํหรนฺโต วิย ปาปกํ ทิฏฺิคตํ
อุปฺปาเทตฺวา กึ ภควตา มหาสมุทฺทํ พนฺธนฺเตน วิย มหตา
อุสฺสาเหน ปมปาราชิกํ ปญฺตฺตํ นตฺถิ เอตฺถ โทโสติ
สพฺพญฺุตญฺาเน สทฺธึ ปฏิวิรุชฺฌนฺโต ภพฺพปุคฺคลานํ อาสํ ฉินฺทนฺโต
ชินสฺส อาณาจกฺเก ปหารมทาสิ ฯ เตนาห ตถาหํ ภควตา ธมฺมํ
เทสิตํ อาชานามีติอาทึ ฯ อฏฺิกงฺกลูปมาติอาทิมฺหิ อฏฺิกงฺกลูปมา
อปฺปสฺสาทฏฺเน ฯ มํสเปสูปมา พหุสาธารณฏฺเน ฯ
ติณุกฺกูปมา อนุทหนฏฺเน ฯ องฺคารกาสูปมา มหาภิตาปนฏฺเน ฯ
สุปินกูปมา อิตฺตรปจฺจุปฏฺานฏฺเน ฯ ยาจิตกูปมา ตาวกาลิกฏฺเน ฯ
รุกฺขผลูปมา สพฺพงฺคปจฺจงฺคปลิภญฺชนฏฺเน ฯ อสิสูนูปมา อธิกุฏฺฏนฏฺเน ฯ
สตฺติสูลูปมา วินิวิชฺฌนฏฺเน ฯ สปฺปสิรูปมา สาสงฺกสปฏิภยฏฺเนาติ ฯ
อยเมตฺถ สงฺเขโป ฯ วิตฺถาโร ปน ปปญฺจสูทนิยํ
มชฺฌิมฏฺกถายํ คเหตพฺโพ ฯ เอวํ พฺยา โขติ เอวํ วิย
โข ฯ เสสเมตฺถ ปุพฺเพ วุตฺตนยตฺตา อุตฺตานเมว ฯ
     สมนุภาสนสมุฏฺานํ กายวาจาจิตฺตโต สมุฏฺาติ อกิริยา สญฺาวิโมกฺขํ
สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ทุกฺขเวทนนฺติ ฯ
                   อริฏฺสิกฺขาปทํ อฏฺมํ ฯ
     {๔๒๔-๔๒๕} นวมสิกฺขาปเท ฯ อกฏานุธมฺเมนาติ อนุธมฺโม วุจฺจติ
---------------------------------------------------------------------------------------------
หน้าที่ ๔๖๖.
อาปตฺติยา อทสฺสเน วา อปฏิกมฺเม วา ปาปิกาย ทิฏฺิยา
อปฏินิสฺสคฺเค วา ธมฺเมน วินเยน สตฺถุสาสเนน อุกฺขิตฺตกสฺส
อนุโลมวตฺตํ ทิสฺวา กตา โอสารณา ฯ โส โอสารณสงฺขาโต
อนุธมฺโม ยสฺส น กโต อยํ อกฏานุธมฺโม นาม ฯ ตาทิเสน
สทฺธินฺติ อตฺโถ ฯ ฯ เตเนวสฺส ปทภาชเน อกฏานุธมฺโม นาม
อุกฺขิตฺโต อโนสาริโตติ วุตฺตํ ฯ เทติ วา ปฏิคฺคณฺหาติ วาติ
เอกปฺปโยเคน พหูปิ ททโต วา คณฺหโต วา เอกํ ปาจิตฺติยํ ฯ
วิจฺฉินฺทิตฺวา เทนฺตสฺส จ คณฺหนฺตสฺส จ ปโยคคณนาย ปาจิตฺติยานิ ฯ
เสสเมตฺถ อุตฺตานเมว ฯ ติสมุฏฺานํ กิริยา สญฺาวิโมกฺขํ
สจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ
                 อุกฺขิตฺตสํโภคสิกฺขาปทํ นวมํ ฯ
     {๔๒๘} ทสมสิกฺขาปเท ฯ ทิฏฺิคตํ อุปฺปนฺนนฺติ อริฏฺสฺส วิย
เอตสฺสาปิ อโยนิโส อุมฺมชฺชนฺตสฺส อุปฺปนฺนํ ทิฏฺิคตํ ฯ นาเสตูติ
เอตฺถ ติวิธา นาสนา สํวาสนาสนา ลิงฺคนาสนา ทณฺฑกมฺมนาสนาติ ฯ
ตตฺถ อาปตฺติยา อทสฺสนาทีสุ อุกฺเขปนา สํวาสนาสนา นาม ฯ
ทูสโก นาเสตพฺโพ เมตฺติยํ ภิกฺขุนึ นาเสถาติ อยํ ลิงฺคนาสนา
นาม ฯ อชฺชตคฺเค เต อาวุโส สมณุทฺเทส น เจว โส ภควา
สตฺถา อปทิสิตพฺโพติ อยํ ทณฺฑกมฺมนาสนา นาม ฯ อยํ อิธ
อธิปฺเปตา ฯ เตนาห เอวญฺจ ปน ภิกฺขเว นาเสตพฺโพ ฯเปฯ
จร ปิเร วินสฺสาติ ฯ ตตฺถ จราติ คจฺฉ ฯ ปิเรติ ปร อมามก ฯ
วินสฺสาติ นสฺส ยตฺถ น เต ปสฺสาม ตตฺถ คจฺฉาติ ฯ


เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๔๖๕-๔๖๖.
http://84000.org/tipitaka/read/attha_page.php?book=2&page=465&pages=2&pagebreak=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=2&A=9806&pagebreak=1
http://84000.org/tipitaka/atthapali/th_line.php?B=2&A=9806&pagebreak=1#p465