อรรถกถาเล่มที่ ๒ ภาษาบาลี อักษรไทย
วินย.อ. (สมนฺต.๒)
หน้าที่ ๔๕๕-๔๕๖.

หน้าที่ ๔๕๕.
ตตฺถ สมาทหนฺตสฺสาปิ อนาปตฺติ ฯ เสสํ อุตฺตานเมว ฯ
ฉสฺสมุฏฺานํ กิริยา โนสญฺาวิโมกฺขํ อจิตฺตกํ ปณฺณตฺติวชฺชํ
กายกมฺมํ วจีกมฺมํ ติจิตฺตํ ติเวทนนฺติ ฯ
                 โชติสมาทหนสิกฺขาปทํ ฉฏฺ ฯ
     {๓๖๔} สตฺตมสิกฺขาปเท ฯ จุณฺเณน วา มตฺติกาย วาติ เอตฺถ
จุณฺณมตฺติกานํ อภิสงฺขรณกาลโต ปฏฺาย สพฺพปโยเคสุ ทุกฺกฏํ ฯ
     {๓๖๖} ปารํ คจฺฉนฺโต นหายตีติ เอตฺถ สุกฺขาย นทิยา วาลุกํ อุกฺกีริตฺวา
กตอาวาเฏสุปิ นหายิตุํ วฏฺฏติ ฯ อาปทาสูติ ภมราทีทิ อนุพทฺธสฺส
อุทเก นิมุชฺชิตุํ วฏฺฏตีติ ฯ เสสเมตฺถ อุตฺตานเมวาติ ฯ
เอฬกโลมสมุฏฺานํ กิริยา โนสญฺาวิโมกฺขํ อจิตฺตกํ
ปณฺณตฺติวชฺชํ กายกมฺมํ ติจิตฺตํ ติเวทนนฺติ ฯ
                   นหานสิกฺขาปทํ สตฺตมํ ฯ
     {๓๖๘-๓๖๙} อฏฺมสิกฺขาปเท ฯ นวํ ปน ภิกฺขุนา จีวรลาเภนาติ เอตฺถ
อลภีติ ลโภ ลโภเอว ลาโภ ฯ กึ อลภิ ฯ จีวรํ ฯ กีทิสํ ฯ นวํ ฯ
อิติ นวจีวรลาเภนาติ วตฺตพฺเพ อนุนาสิกโลปํ อกตฺวา นวํ
จีวรลาเภนาติ วุตฺตํ ฯ ปฏิลทฺธนวจีวเรนาติ อตฺโถ ฯ มชฺเฌ
ิตปททฺวเย ปนาติ นิปาโต ฯ ภิกฺขุนาติ เยน ลทฺธํ ตสฺส นิทสฺสนํ ฯ
ปทภาชเน ปน พฺยญฺชนํ อนาทิยิตฺวา ยํ ลทฺธํ ตํ ทสฺเสตุํ จีวรํ
นาม ฉนฺนํ จีวรานนฺติอาทิ วุตฺตํ ฯ จีวรนฺติ เจตฺถ ยํ นิวาเสตุํ
วา ปารุปิตุํ วา สกฺกา โหติ ตเทว เวทิตพฺพํ ฯ เตเนว
วิกปฺปนูปคํ ปจฺฉิมนฺติ น วุตฺตํ ฯ กํสนีลนฺติ จมฺมการนีลํ ฯ
---------------------------------------------------------------------------------------------
หน้าที่ ๔๕๖.
มหาปจฺจริยํ ปน อยมลํ โลหมลํ เอตํ กํสนีลํ นามาติ วุตฺตํ ฯ
ปลาสนีลนฺติ โย โกจิ นีลวณฺโณ ปณฺณกรโส ฯ ทุพฺพณฺณกรณํ
อาทาตพฺพนฺติ เอตํ กปฺปพินฺทุํ สนฺธาย วุตฺตํ ฯ น นีลาทีหิ
สกลจีวรสฺส ทุพฺพณฺณกรณํ ฯ ตญฺจ ปน กปฺปํ อาทิยนฺเตน จีวรํ
รชิตฺวา จตูสุ วา โกเณสุ ตีสุ วา ทฺวีสุ วา เอกสฺมึ วา โกเณ
โมรสฺส อกฺขิมณฺฑลมตฺตํ วา มงฺกุณปิฏฺิมตฺตํ วา อาทาตพฺพํ ฯ
มหาปจฺจริยํ ปเฏ วา คณฺิยํ วา น วฏฺฏตีติ วุตฺตํ ฯ
มหาอฏฺกถายํ ปน วฏฺฏติเยวาติ วุตฺตํ ฯ ปาลิกปฺปกณฺณิกกปฺปาทโย
ปน สพฺพตฺถ ปฏิสิทฺธา ตสฺมา เปตฺวา เอกํ วฏฺฏพินฺทุํ
อญฺเน เกนจิปิ วิกาเรน กปฺโป น กาตพฺโพ ฯ {๓๗๑} อคฺคเฬติ
อาทีสุ เอตานิ อคฺคฬาทีนิ กปฺปกตจีวเร ปจฺฉา อาโรเปตฺวา
กปฺปกรณกิจฺจํ นตฺถิ ฯ เสสํ อุตฺตานเมว ฯ เอฬกโลมสมุฏฺานํ
กิริยากิริยํ โนสญฺาวิโมกฺขํ อจิตฺตกํ ปณฺณตฺติวชฺชํ กายกมฺมํ
ติจิตฺตํ ติเวทนนฺติ ฯ
                 ทุพฺพณฺณกรณสิกฺขาปทํ อฏฺมํ ฯ
     {๓๗๔} นวมสิกฺขาปเท ฯ ตสฺส วา อทินฺนนฺติ จีวรสฺสามิกสฺส
ปริภุญฺชาหิ วา วิสฺสชฺเชหิ วา ยถาปจฺจยํ วา กโรหีติ เอวํ วตฺวา
อทินฺนํ ฯ ตสฺส วา อวิสฺสาเสนฺโตติ เยน ๑- วินยกมฺมํ กตํ ตสฺส
อวิสฺสาเสน วา ฯ เตน ปน ทินฺเนน ๒- วา ตสฺส วิสฺสาเสน วา
ปริภุญฺชนฺตสฺส อนาปตฺติ ฯ เสสเมตฺถ ตึสกกณฺฑวณฺณนายํ
@เชิงอรรถ: ๑. กรณวจนํ ทฏฺพฺพํ. สมฺปทานวจนํ สุฏฺุ ปากฏํ โหติ. ๒. ทินฺนํ.


เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๔๕๕-๔๕๖.
http://84000.org/tipitaka/read/attha_page.php?book=2&page=455&pages=2&pagebreak=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=2&A=9595&pagebreak=1
http://84000.org/tipitaka/atthapali/th_line.php?B=2&A=9595&pagebreak=1#p455