ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๒ ภาษาบาลี อักษรไทย วินย.อ. (สมนฺต.๒)

หน้าที่ ๓๒๔-๓๒๗.

หน้าที่ ๓๒๔.

สญฺจิจฺจ อคฺคึ กโรนฺโต สยํ วา ปจติ อญฺเน วา ปจาเปตีติ สพฺพํ ปวีขนนสิกฺขาปเท วุตฺตนเยเนว เวทิตพฺพํ ฯ อนิยาเมตฺวา ปน มุคฺเค ปจ มาเส ปจาติอาทึ วตฺตุํ วฏฺฏติ ฯ อิเม มุคฺเค ปจ อิเม มาเส ปจาติ เอวํ วตฺตุํ น วฏฺฏติ ฯ อนาปตฺติ อิมํ ชานาติ อาทีสุ อิมํ มูลเภสชฺชํ ชาน อิมํ มูลํ วา ปณฺณํ วา เทหิ อิมํ รุกฺขํ วา ลตํ วา อาหร อิมินา ปุปฺเผน วา ผเลน วา ปณฺเณน วา อตฺโถ อิมํ รุกฺขํ วา ลตํ วา ผลํ วา กปฺปิยํ กโรหีติ เอวมตฺโถ ทฏฺพฺโพ ฯ เอตฺตาวตา ภูตคามปริโมจนํ กตํ โหติ ฯ ปริภุญฺชนฺเตน ปน พีชคามปริโมจนตฺถํ ปุนปิ กปฺปิยํ กาเรตพฺพํ ฯ กปฺปิยกรณญฺเจตฺถ อิมินา สุตฺตานุสาเรน เวทิตพฺพํ อนุชานามิ ภิกฺขเว ปญฺจหิ สมณกปฺเปหิ ผลํ ปริภุญฺชิตุํ อคฺคิปริจิตํ สตฺถปริจิตํ นขปริจิตํ อพีชํ นิพฺพฏฺฏพีชเมว ปญฺจมนฺติ ๑- ฯ ตตฺถ อคฺคิปริจิตนฺติ อคฺคินา ปริจิตํ อภิภูตํ ทฑฺฒํ ผุฏฺนฺติ อตฺโถ ฯ สตฺถปริจิตนฺติ สตฺเถน ปริจิตํ อภิภูตํ ฉินฺนํ วิทฺธํ วาติ อตฺโถ ฯ เอเสว นโย นขปริจิเต ฯ อพีชนิพฺพฏฺฏพีชานิ สยเมว กปฺปิยานิ ฯ อคฺคินา กปฺปิยํ กโรนฺเตน กฏฺคฺคิโคมยคฺคิอาทีสุ เยนเกนจิ อนฺตมโส โลหขณฺเฑนปิ อาทิตฺเตน กปฺปิยํ กาตพฺพํ ฯ ตญฺจโข เอกเทสํ ผุสนฺเตน กปฺปิยนฺติ วตฺวาว กาตพฺพํ ฯ สตฺเถน กโรนฺเตน ยสฺส กสฺสจิ โลหมยสตฺถสฺส อนฺตมโส สูจินขจฺเฉทนาทีนํปิ ตุณฺเฑน วา ธาราย วา เฉทํ วา เภทํ วา ทสฺเสนฺเตน @เชิงอรรถ: ๑. วิ. จุลฺลวคฺค. ๗/๑๑

--------------------------------------------------------------------------------------------- หน้าที่ ๓๒๕.

กปฺปิยนฺติ วตฺวาว กาตพฺพํ ฯ นเขน กปฺปิยํ กโรนฺเตน ปูตินเขน น กาตพฺพํ ฯ มนุสฺสานํ ปน สีหพฺยคฺฆทีปิมกฺกฏาทีนํ สกุณานญฺจ นขา ติกฺขิณา โหนฺติ เตหิ กาตพฺพํ ฯ อสฺสมหิสสูกรมิคโครูปาทีนํ ขุรา อติกฺขิณา เตหิ น กาตพฺพํ ฯ กตํปิ อกตํ โหติ ฯ หตฺถินขา ปน ขุรา น โหนฺติ เตหิ วฏฺฏติ ฯ เยหิ ปน กาตุํ วฏฺฏติ เตหิ ตตฺถ ชาตเกหิปิ อุทฺธริตฺวา คหิตเกหิปิ เฉทนํ วา เภทนํ วา ทสฺเสนฺเตน กปฺปิยนฺติ วตฺวา กาตพฺพํ ฯ ตตฺถ สเจปิ พีชานํ ปพฺพตมตฺโต ราสิ รุกฺขสหสฺสํ วา ฉินฺทิตฺวา เอกาพทฺธํ กตฺวา อุจฺฉูนํ วา มหาภาโร พนฺธิตฺวา ปิโต โหติ เอกสฺมึ พีเช วา รุกฺขสาขาย วา อุจฺฉุมฺหิ วา กปฺปิเย กเต สพฺพํ กตํ โหติ ฯ อุจฺฉูนิ จ ทารูนิ จ เอกโต พทฺธานิ โหนฺติ ฯ อุจฺฉุํ กปฺปิยํ กริสฺสามีติ ทารุํ วิชฺฌติ วฏฺฏติเยว ฯ สเจ ปน ยาย รชฺชุยา วา วลฺลิยา วา พทฺธานิ โหนฺติ ตํ วิชฺฌติ น วฏฺฏติ ฯ อุจฺฉุขณฺฑานํ ปจฺฉึ ปูเรตฺวา อาหรนฺติ ฯ เอกสฺมึ ขณฺเฑ กปฺปิเย กเต สพฺพํ กตเมว โหติ ฯ สเจ ปน มริจิปกฺกาทีหิ มิสฺสิตฺวา ภตฺตํ อาหรนฺติ กปฺปิยํ กโรหีติ วุตฺเต สเจปิ ๑- ภตฺตสิตฺเถ วิชฺฌติ วฏฺฏติเยว ฯ ติลตณฺฑุลาทีสุปิ เอเสว นโย ฯ ยาคุยา ปกฺขิตฺตานิ ปน เอกาพทฺธานิ หุตฺวา น สนฺติฏฺนฺติ ฯ ตตฺถ เอกเมกํ วิชฺฌิตฺวา กปฺปิยํ กาตพฺพเมว ฯ กปิฏฺผลาทีนํ อนฺโต มิญฺชํ กฏาหํ มุญฺจิตฺวา สญฺจรติ ฯ ภินฺทาเปตฺวา กปฺปิยํ @เชิงอรรถ: ๑. อิทํ ปทํ นิรตฺกกํ โหติ ปุริมปริกปฺเปน สิทฺธตฺตา.

--------------------------------------------------------------------------------------------- หน้าที่ ๓๒๖.

การาเปตพฺพํ ฯ เอกาพทฺธํ โหติ ฯ กฏาหํปิ กาตุํ วฏฺฏติ ฯ อสญฺจิจฺจาติ ปาสาณรุกฺขาทีนิ วา ปวฏฺเฏนฺตสฺส สาขา วา กฑฺฒนฺตสฺส กตฺตรทณฺเฑน วา ภูมึ ปหริตฺวา คจฺฉนฺตสฺส ติณาทีนิ ฉิชฺชนฺติ ฯ ตานิ เตน ฉินฺทิสฺสามีติ เอวํ สญฺจิจฺจ อจฺฉินฺนตฺตา อสญฺจิจฺจ ฉินฺนานิ นาม โหนฺติ ฯ อิติ อสญฺจิจฺจ ฉินฺทนฺตสฺส อนาปตฺติ ฯ อสติยาติ อญฺาวิหิโต เกนจิ สทฺธึ กิญฺจิ กเถนฺโต ปาทงฺคุฏฺเน วา หตฺเถน วา ติณํ วา ลตํ วา ฉินฺทนฺโต ติฏฺติ ฯ เอวํ อสติยา ฉินฺทนฺตสฺส อนาปตฺติ ฯ อชานนฺตสฺสาติ เอตฺถ อพฺภนฺตเร พีชคาโมติ วา ภูตคาโมติ วา น ชานาติ ฉินฺทามีติปิ น ชานาติ เกวลํ วติยา วา ปลาสปุญฺเช วา นิขาทนํ วา ขนิตฺตึ วา กุทฺทาลํ วา สงฺโคปนตฺถาย เปติ ทยฺหมานหตฺโถ วา อคฺคึ ปาเตติ ฯ ตตฺร เจ ติณาทีนิ ฉิชฺชนฺติ วา ทยฺหนฺติ วา อนาปตฺติ ฯ มนุสฺสวิคฺคหปาราชิกวณฺณนายํ ปน สพฺพอฏฺกถาสุ สเจ ภิกฺขุ รุกฺเขน วา อชฺโฌตฺถริโต โหติ โอปาเต วา ปติโต สกฺกา จ โหติ รุกฺขํ ฉินฺทิตฺวา ตํ รุกฺขํ ปวฏฺเฏตฺวา ภูมึ วา ขนิตฺวา นิกฺขมิตุํ ชีวิตเหตุปิ อตฺตนา น กาตพฺพํ อญฺเน ปน ภิกฺขุนา ภูมึ วา ขนิตฺวา รุกฺขํ วา ฉินฺทิตฺวา อลฺลรุกฺขโต วา ทณฺฑกํ ฉินฺทิตฺวา ตํ รุกฺขํ ปวฏฺเฏตฺวา นิกฺขาเมตุํ วฏฺฏติ อนาปตฺตีติ วุตฺตํ ฯ ตตฺถ การณํ น ทิสฺสติ อนุชานามิ ภิกฺขเว ทวทาเห ทยฺหมาเน ปฏคฺคึ ทาตุํ ปริตฺตํ กาตุนฺติ ๑- อิทํ ปน เอกเมว สุตฺตํ ทิสฺสติ ฯ สเจ เอตสฺส อนุโลมํ @เชิงอรรถ: ๑. วิ. จุลฺลวคฺค. ๗/๖๙.

--------------------------------------------------------------------------------------------- หน้าที่ ๓๒๗.

อตฺตโน น วฏฺฏติ อญฺสฺส วฏฺฏตีติ อิทํ นานากรณํ น สกฺกา ลทฺธุํ ฯ เอตฺถ อตฺตโน อตฺถาย กโรนฺโต อตฺตสิเนเหน อกุสลจิตฺเตเนว กโรติ ปโร ปน การุญฺเน ตสฺมา อนาปตฺตีติ เจ ฯ เอตํปิ อการณํ ฯ กุสลจิตฺเตนาปิ หิ อิมํ อาปตฺตึ อาปชฺชติ ฯ สพฺพอฏฺกถาสุ ปน วุตฺตตฺตา น สกฺกา ปฏิเสเธตุํ คเวสิตพฺพา เอตฺถ ยุตฺติ อฏฺกถาจริยานํ วา สทฺธาย คนฺตพฺพนฺติ ฯ เสสํ อุตฺตานเมว ฯ ติสมุฏฺานํ กายจิตฺตโต วาจาจิตฺตโต กายวาจาจิตฺตโต จ สมุฏฺาติ กิริยา สญฺาวิโมกฺขํ สจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ ภูตคามสิกฺขาปทํ ปมํ ฯ {๙๔} ทุติยสิกฺขาปเท ฯ อนาจารํ อาจริตฺวาติ อกาตพฺพํ กตฺวา ฯ กายวจีทฺวาเรสุ อาปตฺตึ อาปชฺชิตฺวาติ วุตฺตํ โหติ ฯ อญฺเนญฺ ปฏิจรตีติ อญฺเน วจเนน อญฺ วจนํ ปฏิจรติ ปฏิจฺฉาเทติ อชฺโฌตฺถรติ ฯ อิทานิ ตํ ปฏิจรณวิธึ ทสฺเสนฺโต โก อาปนฺโนติ อาทิมาห ฯ ตตฺรายํ วจนสมฺพนฺโธ ฯ โส กิร กิญฺจิ วีติกฺกมํ ทิสฺวา อาวุโส ตฺวํ อาปตฺตึ อาปนฺโนสีติ สงฺฆมชฺเฌ อาปตฺติยา อนุยุญฺชิยมาโน โก อาปนฺโนติ วทติ ฯ ตโต ตฺวนฺติ วุตฺเต อหํ กึ อาปนฺโนติ วทติ ฯ อถ ปาจิตฺติยํ วา ทุกฺกฏํ วาติ วุตฺเต วตฺถุํ ปุจฺฉนฺโต อหํ กิสฺมึ อาปนฺโนติ วทติ ฯ ตโต อสุกสฺมินฺติ วุตฺเต อหํ กถํ อาปนฺโน กึ กโรนฺโต จ อาปนฺโนมฺหีติ ปุจฺฉติ ฯ อถ อิทํ นาม


เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๓๒๔-๓๒๗. http://84000.org/tipitaka/read/attha_page.php?book=2&page=324&pages=4&pagebreak=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=6821&pagebreak=1 http://84000.org/tipitaka/atthapali/th_line.php?B=2&A=6821&pagebreak=1#p324


จบการแสดงผล หน้าที่ ๓๒๔-๓๒๗.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]