ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๒ ภาษาบาลี อักษรไทย วินย.อ. (สมนฺต.๒)

หน้าที่ ๒-๓.

หน้าที่ ๒.

ยตฺตกํ กาลํ รตฺตึ วา ทิวา วา สุปิตุํ ตฺวํ อิจฺฉสิ ตตฺตกํ สุป มตฺติกาทีหิ กายํ อุพฺพฏเฏตฺวา จุณฺณาทีหิ ฆํสิตฺวา ยตฺตกํ นหานํ อิจฺฉสิ ตตฺตกํ นหาหิ อุทฺเทเสน วา ปริปุจฺฉาย วา วตฺตปฏิปตฺติยา วา กมฺมฏาเนน วา อตฺโถ นตฺถีติ ฯ ยทา เต อนภิรติ อุปฺปชฺชตีติ ยสฺมึ กาเล ตว กามราควเสน อุกฺกณฺตา วิกฺขิตฺตจิตฺตตา อุปฺปชฺชติ ฯ ราโค จิตฺตํ อนุทฺธํเสตีติ กามราโค จิตฺตํ ธํเสติ ปธํเสติ วิกฺขิปติ เจว มิลาเปติ จ ฯ ตทา หตฺเถน อุปกฺกมิตฺวา อสุจึ โมเจหีติ ตสฺมึ กาเล หตฺเถน วายมิตฺวา อสุจิโมจนํ กโรหิ เอวญฺหิ เต จิตฺเตกคฺคตา ภวิสฺสตีติ ฯ อิติ นํ อุปชฺฌาโย อนุสาสิ ยถา ตํ พาโล พาลํ มูโค มูคํ ฯ {๒๓๕} เตสํ มุฏฺสฺสตีนํ อสมฺปชานานํ นิทฺทํ โอกฺกมนฺตานนฺติ สติสมฺปชญฺ ปหาย นิทฺทํ โอตรนฺตานํ ฯ ตตฺถ กิญฺจาปิ นิทฺทํ โอกฺกมนฺตานํ อพฺยากโต ภวงฺควาโร ปวตฺตติ สติสมฺปชญฺวาโร คลติ ตถาปิ สยนกาเล มนสิกาโร กาตพฺโพ ฯ ทิวา สุปนฺเตน ยาว นหาตสฺส ภิกฺขุโน เกสา น สุกฺขนฺติ ๑- ตาว สุปิตฺวา วุฏฺหิสฺสามีติ สอุสฺสาเหน สุปิตพฺพํ ฯ รตฺตึ สุปนฺเตน เอตฺตกนฺนาม รตฺติภาคํ สุปิตฺวา จนฺเทน วา ตารกาย วา อิทนฺนาม านํ ปตฺตกาเล วุฏฺหิสฺสามีติ สอุสฺสาเหน สุปิตพฺพํ ฯ พุทฺธานุสฺสติอาทีสุ ทสสุ กมฺมฏฺาเนสุ เอกํ อญฺ วา จิตฺตรุจิยํ กมฺมฏฺานํ คเหตฺวา ว นิทฺทา โอกฺกมิตพฺพา ฯ เอวํ กโรนฺโต หิ สโต สมฺปชาโน @เชิงอรรถ: ๑. สุกฺขา โหนฺติ ฯ

--------------------------------------------------------------------------------------------- หน้าที่ ๓.

สติญฺจ สมฺปชญฺญฺจ อวิชหิตฺวาว นิทฺทํ โอกฺกมตีติ วุจฺจติ ฯ เต ปน ภิกฺขู พาลา โลลา ภนฺตมิคปฏิภาคา น เอวมกํสุ ฯ เตน วุตฺตํ เตสํ มุฏฺสฺสตีนํ อสมฺปชานานํ นิทฺทํ โอกฺกมนฺตานนฺติ ฯ อตฺถิ เจตฺถ เจตนา อุปลพฺภตีติ เอตฺถ จ สุปินนฺเต อสฺสาทนเจตนา อตฺถิ อุปลพฺภติ ฯ อตฺเถสา ภิกฺขเว เจตนา สา จ โข อพฺโพหาริกาติ ภิกฺขเว เอสา อสฺสาทนเจตนา อตฺถิ สา จ โข อวิสเย อุปฺปนฺนตฺตา อพฺโพหาริกา อาปตฺติยา องฺคํ น โหติ ฯ อิติ ภควา สุปินนฺตเจตนาย อพฺโพหาริกภาวํ ทสฺเสตฺวา เอวญฺจ ปน ภิกฺขเว อิมํ สิกฺขาปทํ อุทฺทิเสยฺยาถ สญฺเจตนิกา สุกฺกวิสฏฺิ อญฺตฺร สุปินนฺตา สงฺฆาทิเสโสติ สานุปฺปญฺตฺติกํ สิกฺขาปทํ ปญฺาเปสิ ฯ {๒๓๖-๒๓๗} ตตฺถ สํวิชฺชติ เจตนา อสฺสาติ สญฺเจตนา ฯ สญฺเจตนาว สญฺเจตนิกา ฯ สญฺเจตนา วา อสฺสา อตฺถีติ สญฺเจตนิกา ฯ ยสฺมา ปน ยสฺส สญฺเจตนิกา สุกฺกวิสฏฺิ โหติ โส ชานนฺโต สญฺชานนฺโต โหติ สา จสฺส สุกฺกวิสฏฺิ เจจฺจ อภิวิตริตฺวา วีติกฺกโม โหติ ตสฺมา พฺยญฺชเน อาทรํ อกตฺวา อตฺถเมว ทสฺเสตุํ ชานนฺโต สญฺชานนฺโต เจจฺจ อภิวิตริตฺวา วีติกฺกโมติ เอวมสฺส ปทภาชนํ วุตฺตํ ฯ ตตฺถ ชานนฺโตติ อุปกฺกมามีติ ชานนฺโต ฯ สญฺชานนฺโตติ สุกฺกํ โมเจมีติ สญฺชานนฺโต ฯ เตเนว อุปกฺกมชานนากาเรน สทฺธึ ชานนฺโตติ อตฺโถ ฯ เจจฺจาติ โมจนสฺ- สาทเจตนาวเสน เจเตตฺวา ปกปฺเปตฺวา ฯ อภิวิตริตฺวาติ อุปกฺกมวเสน


เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๒-๓. http://84000.org/tipitaka/read/attha_page.php?book=2&page=2&pages=2&pagebreak=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=19&pagebreak=1 http://84000.org/tipitaka/atthapali/th_line.php?B=2&A=19&pagebreak=1#p2


จบการแสดงผล หน้าที่ ๒-๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]