อรรถกถาเล่มที่ ๑๙ หน้าที่ ๑๕๗.

เอกตฺตุปคโต อตฺตภาเว ขยวยํ ปฏฺเปตฺวา สห ปฏิสมฺภิทาหิ อรหตฺตํ ปาปุณิ. อถ นํ อาคตาคตา ปุจฺฉนฺติ "ภนฺเต เอวํ กิร นามาโหสีติ. "อาม อาวุโสติ. "กตเรสุ โว สิเนโห พลวาติ. "มยฺหํ กตฺถจิ สิเนโห นาม นตฺถีติ. ภิกฺขู "อยํ อภูตํ กเถติ, ปุริมทิวเสสุ `กุจฺฉิยํ วุตฺถปุตฺเตสุ สิเนโห พลวาติ วตฺวา อิทานิ `มยฺหํ กตฺถจิ สิเนโห นตฺถีติ วทติ, อญฺ พฺยากโรติ ภนฺเตติ สตฺถารํ อาหํสุ. สตฺถา "น ภิกฺขเว มยฺหํ ปุตฺโต อญฺ พฺยากโรติ, มม ปุตฺตสฺส สมฺมาปณิหิเตน จิตฺเตน มคฺคทสฺสนํ ^๑- ทิฏฺกาลโต ปฏฺาย น กตฺถจิ สิเนโห ชาโต; ยํ สมฺปตฺตึ เนว มาตา น ปิตา กาตุํ สกฺโกติ, ตํ อิเมสํ สตฺตานํ อพฺภนฺตเร ปวตฺตํ จิตฺตเมว เทตีติ วตฺวา อิมํ คาถมาห "น ตํ มาตา ปิตา กยิรา อญฺเ วาปิจ าตกา, สมฺมาปณิหิตํ จิตฺตํ เสยฺยโส นํ ตโต กเรติ. ตตฺถ น ตนฺติ: ตํ การณํ เนว มาตา กเรยฺย น ปิตา น อญฺเ าตกา. สมฺมาปณิหิตนฺติ: ทสสุ กุสลกมฺมปเถสุ สมฺมาปิตตฺตา สมฺมาปณิหิตํ. เสยฺยโส นํ ตโต กเรติ. ตโต การณโต เสยฺยโส นํ วรตรํ อุตฺตริตรํ กเรยฺย กโรตีติ อตฺโถ. มาตาปิตโร หิ ปุตฺตานํ ธนํ ททมานา เอกสฺมึเยว อตฺตภาเว กมฺมํ อกตฺวา สุเขน ชีวิตปวตฺตนกํ ธนํ ทาตุํ สกฺโกนฺติ, วิสาขาย มาตาปิตโรปิ ตาวมหทฺธนา มหาโภคา ตสฺสา เอกสฺมึเยว อตฺตภาเว @เชิงอรรถ: ^๑. ม. มคฺคสฺส.

เนื้อความอรรถกถาฉบับภาษาบาลี อักษรไทย เล่มที่ ๑๙ หน้าที่ ๑๕๗. http://84000.org/tipitaka/read/attha_page.php?book=19&page=157&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=19&A=3250&pagebreak=1 http://84000.org/tipitaka/atthapali/th_line.php?B=19&A=3250&pagebreak=1#p157