อรรถกถาเล่มที่ ๑๙ ภาษาบาลี อักษรไทย
ธ.อ.๒ อปฺปมาท-จิตฺตวคฺค
หน้าที่ ๑๑๘.

โอกโมกโตติ เอตฺถ โอกโมกโต อุทกสงฺขาตา อาลยาติ อยมตฺโถ.
อุพฺภโตติ: อุทฺธโต. ปริผนฺทติทํ จิตฺตนฺติ: ยถา โส อุทกาลยโต
อุพฺภโต ถเล ขิตฺโต มจฺโฉ อุทกํ อลภนฺโต ปริผนฺทติ; เอวมิทํ
ปญฺจกามคุณาลยาภิรตํ จิตฺตํ ตโต อุทฺธริตฺวา มารเธยฺยสงฺขาตํ
วฏฺฏํ ปหาตุํ วิปสฺสนากมฺมฏฺาเน ขิตฺตํ กายิกเจตสิกวิริเยน
สนฺตาปิยมานํ ปริผนฺทติ ตตฺถ สณฺาตุํ น สกฺโกติ; เอวํ สนฺเตปิ,
ธุรํ อนิกฺขิปิตฺวา เมธาวี ปุคฺคโล ตํ วุตฺตนเยเนว อุชุํ กมฺมนียํ
กโรตีติ อตฺโถ.
     อปโร นโย. อิทํ มารเธยฺยํ กิเลสวฏฺฏํ อวิชหิตฺวา ิตํ
จิตฺตํ โส วาริโช วิย ปริผนฺทติ; ตสฺมา มารเธยฺยํ ปหาตเว, เยน
กิเลสวฏฺฏสงฺขาเตน มารเธยฺเยเนตํ ปริผนฺทติ, ตํ ปหาตพฺพนฺติ.
     คาถาปริโยสาเน เมฆิยตฺเถโร โสตาปตฺติผเล ปติฏฺิโต.
อญฺเปิ พหู โสตาปนฺนาทโย ชาตาติ.
                     เมฆิยตฺเถรวตฺถุ.
                     -------------
                 ๒. อญฺตรภิกฺขุวตฺถุ. (๒๕)
     "ทุนฺนิคฺคหสฺส ลหุโนติ อิมํ ธมฺมเทสนํ สตฺถา เชตวเน
วิหรนฺโต อญฺตรํ ภิกฺขุํ อารพฺภ กเถสิ.
     โกสลรญฺโ กิร วิชิเต ปพฺพตปาเท มาติกคาโม นาเมโก
ฆนวาโส คาโม อโหสิ.  อเถกทิวสํ สฏฺิมตฺตา ภิกฺขู สตฺถุ สนฺติเก


เนื้อความอรรถกถาฉบับภาษาบาลี อักษรไทย เล่มที่ ๑๙ หน้าที่ ๑๑๘.
http://84000.org/tipitaka/read/attha_page.php?book=19&page=118&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=19&A=2441&pagebreak=1
http://84000.org/tipitaka/atthapali/th_line.php?B=19&A=2441&pagebreak=1#p118