อรรถกถาเล่มที่ ๑๖ ภาษาบาลี อักษรไทย
องฺ.อ. (มโนรถ.๓)
หน้าที่ ๙๕-๙๖.

หน้าที่ ๙๕.
                          ฉกฺกนิปาตวณฺณนา
                          ๑. ปมปณฺณาสก
                          ๑. อาหุเนยฺยวคฺค
                      ๑. ปมอาหุเนยฺยสุตฺตวณฺณนา
     [๑] ฉกฺกนิปาตสฺส ปเม อิธ ภิกฺขเว ภิกฺขูติ ภิกฺขเว อิมสฺมึ สาสเน
ภิกฺขุ. เนว สุมโน โหติ น ทุมฺมโนติ อิฏฺารมฺมเณ ราคสหคเตน โสมนสฺเสน
น สุมโน วา อนิฏฺารมฺมเณ โทสสหคเตน โทมนสฺเสน น ทุมฺมโน วา
โหติ. อุเปกฺขโก วิหรติ สโต สมฺปชาโนติ มชฺฌตฺตารมฺมเณ อสมเวกฺขเณน ๑-
อญฺานุเปกฺขาย อุเปกฺขกภาวํ อนาปชฺชิตฺวา สโต สมฺปชาโน หุตฺวา อารมฺมเณ
มชฺฌตฺโต วิหรติ. อิมสฺมึ สุตฺเต ขีณาสวสฺส สตตวิหาโร กถิโต.
                      ๒. ทุติยอาหุเนยฺยสุตฺตวณฺณนา
     [๒-๔] ทุติเย อเนกวิหิตํ อิทฺธิวิธนฺติอาทีนิ วิสุทฺธิมคฺเค วุตฺตาเนว.
อาสวานํ ขยา อนาสวนฺติ อาสวานํ ขเยน อนาสวํ, น จกฺขุวิญฺาณาทีนํ
วิย อภาเวนาติ. อิมสฺมึ สุตฺเต ขีณาสวสฺส อภิญฺา ปฏิปาฏิยา ๒- กถิตา.
ตติยจตุตฺเถสุ ขีณาสโว กถิโต.
                     ๕-๗. อาชานียสุตฺตตฺตยวณฺณนา
     [๕-๗] ปญฺจเม องฺเคหีติ คุณงฺเคหิ. ขโมติ อธิวาสโก. รูปานนฺติ
รูปารมฺมณานํ. วณฺณสมฺปนฺโนติ สรีรวณฺเณน สมฺปนฺโน. ฉฏฺเ พลสมฺปนฺโนติ
กายพเลน สมฺปนฺโน. สตฺตเม ชวสมฺปนฺโนติ ปทชเวน สมฺปนฺโน.
                     ๘-๙.  อนุตฺตริยสุตฺตาทิวณฺณนา
     [๘-๙] อฏฺเม อนุตฺตริยานีติ อญฺเน อุตฺตริตเรน รหิตานิ นิรุตฺตรานิ.
@เชิงอรรถ: ๑ ฉ.ม. อสมเปกฺขเนน  ๒ ม. อภิญฺาปฏิปาฏิ
---------------------------------------------------------------------------------------------
หน้าที่ ๙๖.
ทสฺสนานุตฺตริยนฺติ รูปทสฺสเนสุ อนุตฺตรํ. เอส นโย สพฺพปเทสุ.
หตฺถิรตนาทีนญฺหิ ทสฺสนํ น ทสฺสนานุตฺตริยํ, นิวิฏฺสทฺธสฺส ปน นิวิฏฺเปมวเสน
ทสพลสฺส วา ภิกฺขุสํฆสฺส วา กสิณอสุภนิมิตฺตาทีนํ วา อญฺตรสฺส ทสฺสนํ
ทสฺสนานุตฺตริยํ นาม. ขตฺติยาทีนํ คุณกถาสวนํ น สวนานุตฺตริยํ, นิวิฏฺสทฺธสฺส
ปน นิวิฏฺเปมวเสน ติณฺณํ วา รตนานํ คุณกถาย สวนํ เตปิฏกพุทฺธวจนสวนํ วา
สวนานุตฺตริยํ นาม. มณิรตนาทีนํ ลาโภ น ลาภานุตฺตริยํ, สตฺตวิธอริยธนลาโภ
ปน ลาภานุตฺตริยํ นาม. หตฺถิสิปฺปาทิสิกฺขนํ น สิกฺขานุตฺตริยํ, สิกฺขาตฺตยปูรณํ
ปน สิกฺขานุตฺตริยํ นาม. ขตฺติยาทีนํ ปาริจริยา น ปาริจริยานุตฺตริยํ,
ติณฺณํ ปน รตนานํ ปาริจริยา ปาริจริยานุตฺตริยํ นาม. ขตฺติยาทีนํ
คุณานุสฺสรณํ น อนุสฺสตานุตฺตริยํ. ติณฺณํ ปน รตนานํ คุณานุสฺสรณํ
อนุสฺสตานุตฺตริยํ นาม. อิติ อิมานิ ฉ อนุตฺตริยานิ โลกิยโลกุตฺตรานิ กถิตานิ.
นวเม พุทฺธานุสฺสตีติ พุทฺธคุณารมฺมณานุสฺสติ. ๑- เสสปเทสุปิ เอเสว นโย.
                       ๑๐. มหานามสุตฺตวณฺณนา
     [๑๐] ทสเม มหานาโมติ ทสพลสฺส จูฬปิตุปุตฺโต เอโก สกฺยราชา. เยน
ภควา เตนุปสงฺกมีติ ภุตฺตปาตราโส หุตฺวา ทาสปริชนปริวุโต คนฺธมาลาทีนิ
คาหาเปตฺวา ยตฺถ สตฺถา, ตตฺถ อคมาสิ. อริยผลํ อสฺส อาคตนฺติ อาคตผโล.
สิกฺขาตฺตยสาสนํ เอเตน วิญฺาตนฺติ วิญฺาตสาสโน. อิติ อยํ ราชา
"โสตาปนฺนสฺส นิสฺสยวิหารํ ปุจฺฉามี"ติ ปุจฺฉนฺโต เอวมาห.
     เนวสฺส ราคปริยุฏฺิตนฺติ น อุปฺปชฺชมาเนน ราเคน อุฏฺหิตฺวา คหิตํ.
อุชุคตนฺติ พุทฺธานุสฺสติกมฺมฏฺาเน อุชุกเมว คตํ. ตถาคตํ อารพฺภาติ ตถาคตคุเณ
อารพฺภ. อตฺถเวทนฺติ อฏฺกถํ นิสฺสาย อุปฺปนฺนํ ปีติปาโมชฺชํ. ธมฺมเวทนฺติ ปาลึ
นิสฺสาย อุปฺปนฺนํ ปีติปาโมชฺชํ. ธมฺมูปสญฺหิตนฺติ ปาลิญฺจ อฏฺกถญฺจ
@เชิงอรรถ: ๑ ฉ.ม. พุทฺธคุณารมฺมณา สติ


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๙๕-๙๖.
http://84000.org/tipitaka/read/attha_page.php?book=16&page=95&pages=2&pagebreak=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=16&A=2108&pagebreak=1
http://84000.org/tipitaka/atthapali/th_line.php?B=16&A=2108&pagebreak=1#p95