ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๖๔.

                         ๖. นิโรธสุตฺตวณฺณนา
     [๑๖๖] ฉฏฺเ อตฺเถตํ านนฺติ อตฺถิ เอตํ การณํ. โน เจ ทิฏฺเ
ธมฺเม อญฺ อาราเธยฺยาติ โน เจ อิมสฺมึเยว อตฺตภาเว อรหตฺตํ ปาปุเณยฺย.
กวฬิงฺการาหารภกฺขานํ ๑- เทวานนฺติ กามาวจรเทวานํ. อญฺตรํ มโนมยํ กายนฺติ
ฌานมเนน นิพฺพตฺตํ อญฺตรํ สุทฺธาวาสพฺรหฺมกายํ. อุทายีติ โลฬุทายี. ๒- โส หิ
"มโนมยนฺ"ติ สุตฺวา "อารุปฺเป น ภวิตพฺพนฺ"ติ ปฏิพาหิ. เถโร "สาริปุตฺโต
กึ ชานาติ, ยสฺส สมฺมุขา เอวํ ภิกฺขู วจนํ ปฏิกฺโกสนฺตี"ติ เอวํ พาลานํ
ลทฺธิอุปฺปตฺติปฏิพาหนตฺถํ ตํ วจนํ อนธิวาเสตฺวา เยน ภควา เตนุปสงฺกมิ.
     อตฺถิ นามาติ อปทิสฺสนตฺเถ ๓- นิปาโต. เตเนว เจตฺถ "อชฺฌุเปกฺขิสฺสถา"ติ
อนาคตวจนํ กตํ. อยํ เหตฺถ อตฺโถ:- อานนฺท ตุเมฺห เถรํ ภิกฺขุํ วิเหิยมานํ
อชฺฌุเปกฺขถ, น โว เอวํ ปริสหามิ ๔- น สหามิ นาธิวาเสมีติ. กสฺมา ปน ภควา
อานนฺทตฺเถรํเยว เอวมาหาติ?  ธมฺมภณฺฑาคาริกตฺตา. ธมฺมภณฺฑาคาริกสฺส หิ เอวํ
วทนฺโตเยว ๕- ปฏิพาหิตุํ ภาโร. อปิเจส สาริปุตฺตตฺเถรสฺส ปิยสหาโย, เตนาปิสฺส
เอส ภาโร. ตตฺถ กิญฺจาปิ ภควา อานนฺทตฺเถรํ ครหนฺโต เอวมาห, น ปเนสา
ตสฺเสว ครหา, สมฺมุขีภูตานํ สพฺเพสํเยว ครหาติ เวทิตพฺพา. วิหารนฺติ คนฺธกุฏึ.
     อนจฺฉริยนฺติ น อจฺฉริยํ. ยถาติ การณวจนํ. อายสฺมนฺตญฺเเวตฺถ อุปวานํ
ปฏิภาเสยฺยาติ เอตฺถ ภควตา จ เอวํ เอตเทว การณํ อารพฺภ อุทาหเฏ
อายสฺมโตเยว อุปวานสฺส ปฏิวจนํ ปฏิภาตุ อุปฏฺาตูติ ทีเปติ. สารชฺชํ
โอกฺกนฺตนฺติ โทมนสฺสํ อนุปวิฏฺ. สีลวาติอาทีหิ ขีณาสวสีลาทีนิเยว กถิตานิ.
ขณฺฑิจฺเจนาติอาทีนิ สกฺการาทีนํ การณปุจฺฉาวเสน วุตฺตานิ. ขณฺฑิจฺจาทีหิ
การเณหิ สพฺรหฺมจารึ ๖- สกฺกเรยฺยุนฺติ อยญฺเจตฺถ อธิปฺปาโย.
@เชิงอรรถ:  ฉ.ม. กพฬีการาหารภกฺขานํ   ฉ.ม. ลาฬุทายี   ฉ.ม. อมริสนตฺเถ
@ สี.,ม. เอวํ มริสามิ, ฉ. เอตํ มริสยามิ   ฉ.ม. วทนฺโต   ฉ.ม. กึ
@ขณฺฑิจฺจาทีหิ การเณหิ ตํ ตํ สพฺรหฺมจารึ



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๖๔. http://84000.org/tipitaka/read/attha_page.php?book=16&page=64&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=1421&pagebreak=1 http://84000.org/tipitaka/atthapali/th_line.php?B=16&A=1421&pagebreak=1#p64


จบการแสดงผล หน้าที่ ๖๔.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]