ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๔๖.

                          ๓. ตติยปณฺณาสก
                        ๑๑. ๑. ผาสุวิหารวคฺค
                        ๑. สารชฺชสุตฺตวณฺณนา
     [๑๐๑] ตติยสฺส ปฐเม เวสารชฺชกรณาติ วิสารทภาวาวหา. ๑- สารชฺชํ โหตีติ
โทมนสฺสํ โหติ.
                        ๒. อุสฺสงฺกิตสุตฺตวณฺณนา
     [๑๐๒] ทุติเย อุสฺสงฺกิตปริสงฺกิโตติ อุสฺสงฺกิโต จ ปริสงฺกิโต จ. อปิ
อกุปฺปธมฺโมปีติ อปิ อกุปฺปธมฺโม ขีณาสโว สมาโนปิ ปเรหิ ปาปภิกฺขูหิ อุสฺสงฺกิต-
ปริสงฺกิโต โหตีติ อตฺโถ. เวสิยาโคจโรติอาทีสุ เวสิยา วุจฺจนฺติ รูปูปชีวินิโย,
ตา โคจโร อสฺสาติ เวสิยาโคจโร, ตาสํ เคหํ อภิณฺหคมโนติ อตฺโถ. เสสปเทสุ
เอเสว นโย. ตตฺถ ปน วิธวาติ มตปติกา. ถุลฺลกุมารีติ มหลฺลิกกุมาริโย.
                        ๓. มหาโจรสุตฺตวณฺณนา
     [๑๐๓] ตติเย อิโต โภเคน ปฏิสนฺถริสฺสามีติ อิโต มม สาปเตยฺยโต โภคํ
คเหตฺวา เตน ปฏิสนฺถารํ กริสฺสามิ, ตสฺส จ มม จ อนฺตรํ ปิทหิสฺสามีติ
อตฺโถ. คหณานีติ ปรสนฺตกานํ ภณฺฑานํ คหณานิ. คุยฺหมนฺตาติ คุหิตพฺพมนฺตา.
อนฺตคฺคาหิกายาติ สสฺสตํ วา อุจฺเฉทํ วา คเหตฺวา ฐิตาย. เสสเมตฺถ อุตฺตานตฺถเมว.
จตุตฺเถ สพฺพํ เหฏฺฐา วุตฺตนยเมว.
                       ๕. ผาสุวิหารสุตฺตวณฺณนา
     [๑๐๕] ปญฺจเม เมตฺตํ กายกมฺมนฺติ เมตฺตจิตฺเตน ปวตฺติตํ กายกมฺมํ.
อาวิ เจว รโห จาติ สมฺมุเข เจว ปรมฺมุเข จ. อิตเรสุปิ เอเสว นโย.
@เชิงอรรถ:  สี. ญาณโสมนสฺสกรณา วิสารทภาวาวหา



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๔๖. http://84000.org/tipitaka/read/attha_page.php?book=16&page=46&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=1030&modeTY=2&pagebreak=1 http://84000.org/tipitaka/atthapali/th_line.php?B=16&A=1030&modeTY=2&pagebreak=1#p46


จบการแสดงผล หน้าที่ ๔๖.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]