อรรถกถาเล่มที่ ๑๖ หน้าที่ ๔๐-๔๑.

หน้าที่ ๔๐.

๙. ตติยอนาคตภยสุตฺตวณฺณนา [๗๙] นวเม ธมฺมสนฺโทสา วินยสนฺโทโสติ ธมฺมสนฺโทเสน วินยสนฺโทโส โหติ. กถํ ปน ธมฺมสฺมึ ทุสฺสนฺเต วินโย ทุสฺสติ นาม? สมถวิปสฺสนาธมฺเมสุ คพฺภํ อคฺคณฺหนฺเตสุ ปญฺจวิโธ วินโย น โหติ, เอวํ ธมฺเม ทุสฺสนฺเต วินโย ทุสฺสติ. ทุสฺสีลสฺส ปน สํวรวินโย นาม น โหติ, ตสฺมึ อสติ สมถวิปสฺสนา คพฺภํ น คณฺหาติ. เอวํ วินยสนฺโทเสนปิ ธมฺมสนฺโทโส เวทิตพฺโพ. อภิธมฺมกถนฺติ สีลาทิอุตฺตมธมฺมกถํ. ^๑- เวทลฺลกถนฺติ เวทปฏิสํยุตฺตํ ญาณมิสฺสกกถํ. กณฺหํ ธมฺมํ โอกฺกมมานาติ รนฺธคเวสิตาย อุปารมฺภปริเยสนวเสน กาฬกํ กมฺมํ โอกฺกมมานา. อปิจ ทุฏฺฐจิตฺเตน ปุคฺคลํ ฆเฏนฺตาปิ ตํ กณฺหํ ธมฺมํ อตฺตโน ทหนฺตาปิ ลาภ- สกฺการตฺถํ กเถนฺตาปิ กณฺหํ ธมฺมํ โอกฺกมนฺติเยว. คมฺภีราติ ปาลิคมฺภีรา. คมฺภีรตฺถาติ อตฺถคมฺภีรา. โลกุตฺตราติ โลกุตฺตร- ธมฺมทีปกา. สุญฺญตาปฏิสํยุตฺตาติ ขนฺธธาตุอายตนปจฺจยาการปฏิสํยุตฺตา. น อญฺญา จิตฺตํ อุปฏฺฐเปสฺสนฺตีติ ชานนตฺถาย จิตฺตํ น ฐเปสฺสนฺติ. อุคฺคเหตพฺพํ ปริยาปุณิตพฺพนฺติ อุคฺคเหตพฺเพ จ วฬญฺเชตพฺเพ จ. กวิกตาติ ^๒- สิโลกาทิพนฺธนวเสน กวีหิ กตา. กาเวยฺยาติ ตสฺเสว เววจนํ. พาหิรกาติ สาสนโต พหิทฺธา ฐิตา. สาวกภาสิตาติ พาหิรสาวเกหิ ภาสิตา. เสสเมตฺถ เหฏฺฐา วุตฺตนยตฺตา จ สุวิญฺเญยฺยตฺตา จ อุตฺตานตฺถเมว. ๑๐. จตุตฺถอนาคตภยสุตฺตวณฺณนา [๘๐] ทสเม กลฺยาณกามาติ สุนฺทรกามา. รสคฺคานีติ อุตฺตมรสานิ. สํสฏฺฐา วิหริสฺสนฺตีติ ปญฺจวิเธน สํสคฺเคน สํสฏฺฐา วิหริสฺสนฺติ สนฺนิธิการปริโภคนฺติ สนฺนิธิกตสฺส ปริโภคํ. โอฬาริกํปิ นิมิตฺตนฺติ เอตฺถ ปฐวึ ขณนฺโตปิ ขณาหีติ อาณาเปนฺโตปิ ปฐวิยํ โอฬาริกํ นิมิตฺตํ กโรติ นาม. ติณกฏฺฐสาขาปลาสํ @เชิงอรรถ: ^๑ สี. อฺตฺตมธมฺมกถํ ^๒ ฉ.ม. กวิตาติ

--------------------------------------------------------------------------------------------- หน้าที่ ๔๑.

ฉินฺทนฺโตปิ ฉินฺทาติ อาณาเปนฺโตปิ หริตคฺเค โอฬาริกํ นิมิตฺตํ กโรติ นาม. อาชีวตฺถาย ปณฺณนิวาปอาทีนิ คาหาเปนฺเต ^๑- ผลานิ โอจินนฺเต วา โอจินาเปนฺเต วา ^๒- วตฺตพฺพเมว นตฺถิ. อิเมสุ จตูสุ สุตฺเตสุ สตฺถารา สาสเน วุฑฺฒิปริหานิ กถิตา. โยธาชีววคฺโค ตติโย. -------------------- ๙. ๔. เถรวคฺค ๑. รชนียสุตฺตวณฺณนา [๘๑] จตุตฺถสฺส ปฐเม รชนีเยสูติ ^๓- ราคสฺส ปจฺจเยสุ อารมฺมเณสุ. เสเสสุปิ เอเสว นโย. ๒. วีตราคสุตฺตวณฺณนา [๘๒] ทุติเย มกฺขีติ คุณมกฺขโก. ปฬาสีติ ยุคคฺคาหลกฺขเณน ปฬาเสน สมนฺนาคโต. ๓. กุหกสุตฺตวณฺณนา [๘๓] ตติเย กุหโกติ ตีหิ กุหนวตฺถูหิ สมนฺนาคโต. ลปโกติ ลาภสนฺนิสฺสิตาย ลปนาย สมนฺนาคโต. เนมิตฺติโกติ นิมิตฺตกิริยการโก. นิปฺเปสิโกติ นิปฺเปสนกตาย ^๔- สมนฺนาคโต. ลาเภน จ ลาภํ นิชิคึสิตาติ ลาเภน ลาภคเวสโก. สุกฺกปกฺโข วุตฺตวิปลฺลาสวเสน เวทิตพฺโพ. จตุตฺถํ อุตฺตานเมว. @เชิงอรรถ: ^๑ สี. ปน วาสิอาทีนิ คาหาเปนฺโต, ม. ปน วาสิอาทีหิ คาหาเปนฺโต @^๒ สี.,ม. โอจินนฺโต วา โอจินาเปนฺโต วา ^๓ ปาลิ. รชนีเย ^๔ ก. นิปฺเปสนกถาย

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๔๐-๔๑. http://84000.org/tipitaka/read/attha_page.php?book=16&page=40&pages=2&modeTY=2&pagebreak=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=901&modeTY=2&pagebreak=1 http://84000.org/tipitaka/atthapali/th_line.php?B=16&A=901&modeTY=2&pagebreak=1#p40