อรรถกถาเล่มที่ ๑๖ ภาษาบาลี อักษรไทย
องฺ.อ. (มโนรถ.๓)
หน้าที่ ๓๙.

วินิวิชฺฌนฏฺเฐน. สปฺปสิรูปมา สาสงฺกสปฺปฏิภยฏฺเฐน. อุสฺสหิสฺสามีติ อุสฺสาหํ
กริสฺสามิ. ธารยิสฺสามีติ สมณภาวํ ธาเรสฺสามิ. ๑- อภิรมิสฺสามีติ อภิรตึ
อุปฺปาเทสฺสามิ น อุกฺกณฺฐิสฺสามิ. เสสเมตฺถ อุตฺตานเมว. อิมสฺมึ สุตฺเต
วฏฺฏวิวฏฺฏํ กถิตนฺติ.
                      ๗. ปฐมอนาคตภยสุตฺตวณฺณนา
     [๗๗] สตฺตเม อารญฺญเกนาติ อรญฺญวาสินา. อปฺปตฺตสฺสาติ อสมฺปตฺตสฺส
ฌานวิปสฺสนามคฺคผลปฺปเภทสฺส วิเสสสฺส ปตฺติยา. เสสปเทสุปิ เอเสว นโย. โส
มมสฺส อนฺตราโยติ โส มม ชีวิตนฺตราโย จ พฺรหฺมจริยนฺตราโย จ, ปุถุชฺชน-
กาลกิริยํ กโรนฺตสฺส สคฺคนฺตราโย จ มคฺคนฺตราโย จ ภเวยฺย. หนฺทาติ
ววสฺสคฺคตฺเถ ๒- นิปาโต. วิริยํ อารภามีติ ทุวิธํปิ วิริยํ กโรมิ. สตฺถกาติ สตฺถํ
วิย สนฺธิพนฺธนจฺเฉทกา วาตา. วาเฬหีติ กกฺขเฬหิ. มาณเวหีติ โจเรหิ.
กตกมฺเมหิ วา อกตกมฺเมหิ วาติ เอตฺถ โจริกํ กตฺวา นิกฺขนฺตา กตกมฺมา นาม,
โจริกํ กาตุํ คจฺฉนฺตา อกตกมฺมา นาม. ตตฺถ กตกมฺมา กมฺมสฺส นิปฺผนฺนตฺตา
สตฺตานํ คลโลหิตํ คเหตฺวา เทวตานํ พลึ กโรนฺติ, อกตกมฺมา "เอวํ โน กมฺมํ
นิปฺผชฺชิสฺสตี"ติ ปฐมตรํ กโรนฺติ. อิทํ สนฺธาย เต มํ ชีวิตา โวโรเปยฺยุนฺติ
วุตฺตํ. วาฬา อมนุสฺสาติ กกฺขฬา ทุฏฺฐา ยกฺขาทโย อมนุสฺสา.
                      ๘. ทุติยอนาคตภยสุตฺตวณฺณนา
     [๗๘] อฏฺฐเม ปุรา มํ โส ธมฺโม อาคจฺฉตีติ ยาว โส ธมฺโม มํ น
อุปคจฺฉติ, ตาว อหํ ปุเรตรเมว วิริยํ อารภามีติ อตฺโถ. ขีโรทกีภูตาติ ขีโรทกํ
วิย ภูตา เอกีภาวํ อุปคตา. ปิยจกฺขูหีติ เมตฺตจกฺขูหิ.
@เชิงอรรถ: ๑ ฉ.ม. ธารยิสฺสามิ  ๒ ม. วจนสามตฺเถ


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๓๙.
http://84000.org/tipitaka/read/attha_page.php?book=16&page=39&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=16&A=880&modeTY=2&pagebreak=1
http://84000.org/tipitaka/atthapali/th_line.php?B=16&A=880&modeTY=2&pagebreak=1#p39