ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๒๕๖-๒๕๗.

หน้าที่ ๒๕๖.

กามคุเณสุ อธิมุตฺตํ. ๑- อุตฺตรึ อภาวิตนฺติ ตโต อุปริมคฺคผลตฺถาย อภาวิตํ. ตตฺถูปปตฺติยา ๒- สํวตฺตตีติ ยํ ฐานํ ปตฺเถตฺวา กุสลํ กตํ, ตตฺถ นิพฺพตฺตนตฺถาย สํวตฺตติ. วีตราคสฺสาติ มคฺเคน วา สมุจฺฉินฺนราคสฺส สมาปตฺติยา วา วิกฺขมฺภิตราคสฺส. ทานมตฺเตเนว หิ พฺรหฺมโลเก นิพฺพตฺติตุํ น สกฺกา, ทานํ ปน สมาธิวิปสฺสนาจิตฺตสฺส อลงฺการปริวารํ โหติ. ตโต ทาเนน มุทุจิตฺโต พฺรหฺมวิหาเร ภาเวตฺวา พฺรหฺมโลเก นิพฺพตฺตติ. เตน วุตฺตํ "วีตราคสฺส โน สราคสฺสา"ติ. ๖. ปุญฺญกิริยาวตฺถุสุตฺตวณฺณนา [๓๖] ฉฏฺเฐ ปุญฺญกิริยา จ สา ๓- เตสํ เตสํ อานิสํสานํ วตฺถุ จาติ ปุญฺญ- กิริยาวตฺถุ. ๔- ทานาทีนญฺหิ ลกฺขเณ จิตฺตํ ฐเปตฺวา "เอวรูปํ นาม อเมฺหหิ ทานํ ทาตพฺพํ, สีลํ รกฺขิตพฺพํ, ภาวนา ภาเวตพฺพา"ติ สตฺตา ปุญฺญานิ กโรนฺติ. ทานเมว ทานมยํ, ทานเจตนาสุ วา ปุริมเจตนาโต นิปฺผนฺนา สนฺนิฏฺฐาปกเจตนา ทานมยํ สีลาทีหิ สีลมยาทีนิ วิย. เสสทฺวเยสุปิ เอเสว นโย. ปริตฺตํ กตํ โหตีติ โถกํ มนฺทํ กตํ โหติ. นาภิสมฺโภตีติ น นิปฺผชฺชติ. อกตํ โหตีติ ๕- ภาวนาย โยโคเยว ๖- อนารทฺโธ โหตีติ อตฺโถ. มนุสฺสโทภคฺยนฺติ มนุสฺเสสุ สมฺปตติรหิตํ ปญฺจวิธํ นีจกุลํ. อุปปชฺชตีติ ปฏิสนฺธิวเสน อุปคจฺฉติ, ตตฺถ นิพฺพตฺตตีติ อตฺโถ. มตฺตโส กตนฺติ ปมาเณน กตํ, โถกํ น พหุํ. มนุสฺสโสภคฺยนฺติ มนุสฺเสสุ สุภคภาวํ ติวิธกุลสมฺปตฺตึ. ๗- อธิมตฺตนฺติ อธิกปฺปมาณํ พลํ วา. อธิคณฺหนฺตีติ อธิภวิตฺวา คณฺหนฺติ, วิสิฏฺฐตรา เชฏฺฐกา โหนฺตีติ อตฺโถ. ๗. สปฺปุริสทานสุตฺตวณฺณนา [๓๗] สตฺตเม สุจินฺติ สุทฺธํ ๘- วณฺณสมฺปนฺนํ เทติ. ปณีตนฺติ รสูปปนฺนํ. ๙- @เชิงอรรถ: ฉ.ม. วิมุตฺตํ ฉ.ม. ตตฺรูปปตฺติยา @ ม. ปุญฺญกิริยาโย, ฉ. ปุญฺญกิริยานิ จ ตานิ ฉ.ม. วตฺถูนิ จาติ @ปุญฺญกิริยาวตฺถูนิ อิทํ สํวณฺเณตพฺพปทํ ปาลิยํ น ทิสฺสติ @ สี.,ม. ภาวนานยโยเคเยว สี. ติวิธกุลสมฺปตฺติสหิตํ ฉ.ม. ปริสุทฺธํ @ ก. สุสมฺปนฺนํ

--------------------------------------------------------------------------------------------- หน้าที่ ๒๕๗.

กาเลนาติ ยุตฺตปฺปยุตฺตกาเลน. ๑- กปฺปิยนฺติ ยํ กปฺปิยํ, ตํ เทติ. วิเจยฺย เทตีติ "อิมสฺส ทินฺนํ มหปฺผลํ ภวิสฺสติ, อิมสฺส น มหปฺผลนฺ"ติ เอวํ ปฏิคฺคาหกํ ปริเยสน- วเสน ปณิธายวเสน ทานํ วา วิจินิตฺวา เทติ. ๘. สปฺปุริสสุตฺตวณฺณนา [๓๘] อฏฺฐเม อตฺถายาติ อตฺถตฺถาย. หิตาย สุขายาติ หิตตฺถาย สุขตฺถาย. ปุพฺพเปตานนฺติ ปรโลกคตานํ ญาตีนํ. อิมสฺมึ สุตฺเต อนุปฺปนฺเน พุทฺเธ จกฺกวตฺติ ราชาโน โพธิสตฺตา ปจฺเจกพุทฺธา ลพฺภนฺติ, พุทฺธกาเล พุทฺธา เจว พุทฺธ- สาวกา จ. ยถาวุตฺตานญฺหิ เอเตสํ อตฺถาย หิตาย สุขาย สํวตฺตนฺติ. พหุนฺนํ วต อตฺถาย, สปฺปญฺโญ ฆรมาวสนฺติ สปฺปญฺโญ ฆเร วสนฺโต พหุนฺนํ วต อตฺถาย โหติ. ปุพฺเพติ ปฐเมว. ปุพฺเพกตมนุสฺสรนฺติ มาตาปิตูนํ ปุพฺพการคุเณ อนุสฺสรนฺโต. สหธมฺเมนาติ สการเณน ปจฺจยปูชเนน ปูเชติ. อปาเป พฺรหฺมจาริโนติ อปจายติ, ๒- นีจวุตฺติตํ เนสํ อาปชฺชติ. เปสโลติ ปิยสีโล. ๙. อภิสนฺทสุตฺตวณฺณนา [๓๙] นวเม ทานานีติ เจตนาทานานิ. อคฺคญฺญานีติอาทีนํ ปทานํ ๓- อตฺโถ เหฏฺฐา วุตฺโตเยว. ๑๐. ทุจฺจริตวิปากสุตฺตวณฺณนา [๔๐] ทสเม ปาณาติปาโตติ ปาณาติปาตเจตนา. สพฺพลหุโสติ สพฺพลหุโก. อปฺปายุกสํวตฺตนิโกติ ๔- เตน ปริตฺตเกน กมฺมวิปาเกน อปฺปายุโก โหติ, ทินฺนมตฺตาย วา ปฏิสนฺธิยา วิลียติ มาตุกุจฺฉิโต นิกฺขนฺตมตฺโต วา. ๕- เอวรูโป หิ น อญฺญสฺส กสฺสจิ นิสฺสนฺโท, ปาณาติปาตสฺเสว คตมคฺโค เอโสติ. โภคพฺยสนสํวตฺตนิโกติ @เชิงอรรถ: ฉ.ม. ยุตฺตปตฺตกาเลน ฉ.ม. อปเจ พฺรหฺมจารโยติ พฺรหฺมจาริโน อปจยติ @ ฉ.ม. อยํ ปาโฐ น ทิสฺสติ สี.,ม. สพฺพลหุโส อปฺปายุกสํวตฺตนิโกติ @ ฉ.ม. นิกฺขนฺตมตฺเต วา


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๕๖-๒๕๗. http://84000.org/tipitaka/read/attha_page.php?book=16&page=256&pages=2&modeTY=2&pagebreak=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=5745&modeTY=2&pagebreak=1 http://84000.org/tipitaka/atthapali/th_line.php?B=16&A=5745&modeTY=2&pagebreak=1#p256


จบการแสดงผล หน้าที่ ๒๕๖-๒๕๗.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]