ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๒๔.

ปวตฺเตสฺสติ, เอวํปิ โน กุลวํโส จิรํ ฐสฺสติ. ทายชฺชํ ปฏิปชฺชตีติ ๑-
กุลวํสานุรูปาย ปฏิปตฺติยา อตฺตานํ ทายชฺชารหํ กโรนฺโต อมฺหากํ สนฺตกํ ทายชฺชํ
ปฏิปชฺชิสฺสติ. ทกฺขิณํ อนุปฺปทสฺสตีติ ปตฺติทานํ กตฺวา ตติยทิวสโต ปฏฺฐาย ทานํ
อนุปฺปทสฺสติ.
      สนฺโต สปฺปริสาติ อิมสฺมึ ฐาเน มาตาปิตูสุ สมฺมา ปฏิปตฺติยา สนฺโต
สปฺปุริสาติ เวทิตพฺพา. ปุพฺเพ กตมนุสฺสรนฺติ มาตาปิตูหิ ปฐมตรํ กตคุณํ
อนุสฺสรนฺตา. โอวาทการีติ มาตาปิตูหิ ทินฺนสฺส โอวาทสฺส กตฺตา. ภตโปสีติ
เยหิ ภโต, เตสํ โปสโก. ปสํสิโยติ ทิฏฺเฐว ธมฺเม มหาชเนน ปสํสิตพฺโพ โหติ.
                      ๑๐. มหาสาลปุตฺตสุตฺตวณฺณนา
     [๔๐] ทสเม มหาสาลาติ มหารุกฺขา. สาขาปตฺตปลาเสน วฑฺฒนฺตีติ
ขุทฺทกสาขาหิ จ ปตฺตสงฺขาเตน จ ปลาเสน วฑฺฒนฺติ. อรญฺญสฺมินฺติ อคามเก
ปเทเส. พฺรหาวเนติ มหาวเน อฏวิยํ ๒- เสสํ สพฺพตฺถ อุตฺตานเมวาติ.
                         สุมนวคฺโค จตุตฺโถ.
                           -----------
                          ๕. มุณฺฑราชวคฺค
                         ๑. อาทิยสุตฺตวณฺณนา
     [๔๑] ปญฺจมสฺส ปฐเม โภคานํ อาทิยาติ โภคานํ อาทาตพฺพการณานิ.
อุฏฺฐานวิริยาธิคเตหีติ อุฏฺฐานสงฺขาเตน วิริเยน อธิคเตหิ. พาหาพลปริจิเตหีติ
พาหุพเลน สญฺจิเตหิ. เสทาวกฺขิตฺเตหีติ เสเท ๓- อวกฺขิเปตฺวา ๔- อุปฺปาทิเตหิ.
ธมฺมิเกหีติ ธมฺมยุตฺเตหิ. ธมฺมลทฺเธหีติ ทสกุสลธมฺมํ อโกเปตฺวา ธมฺเมน ๕-
ลทฺเธหิ. ปีเณตีติ ปีณํ ๖- ถูลํ กโรติ. เสสเมตฺถ จตุกฺกนิปาเต วุตฺตนเยเนว
เวทิตพฺพํ. ทุติยํ อุตฺตานตฺถเมว.
@เชิงอรรถ:  ฉ.ม. ปฏิปชฺชิสฺสตีติ   สี. พฺรหาติ มหา, วเนติ อฏวิยํ, ม. พฺรหาวเนติ อฏวิยํ
@ ฉ.ม. เสทํ   สี. อวกฺขิตฺวา   ฉ. อยํ ปาโฐ น ทิสฺสติ   ฉ.ม. ปีณิตํ



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๔. http://84000.org/tipitaka/read/attha_page.php?book=16&page=24&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=535&modeTY=2&pagebreak=1 http://84000.org/tipitaka/atthapali/th_line.php?B=16&A=535&modeTY=2&pagebreak=1#p24


จบการแสดงผล หน้าที่ ๒๔.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]