อรรถกถาเล่มที่ ๑๖ หน้าที่ ๑๙.

วิชฺชุลตาย สมนฺนาคโต. สตกฺกถูติ สตกูโฏ, อิโต จิโต จ อุฏฺฐเตน วลาหกกูฏสเตน สมนฺนาคโตติ อตฺโถ. ทสฺสนสมฺปนฺโนติ โสตาปนฺโน. โภคปริพฺยูโฬฺหติ อุทโกเฆน วิย ทานวเสน ทียมาเนหิ โภเคหิ ปริพฺยูโฬฺห, เทวโลกสมฺปาปิโตติ อตฺโถ. เปจฺจาติ ปรโลเก. สคฺเค ปโมทตีติ ^๑- ยสฺมึ สคฺเค อุปฺปชฺชติ, ตตฺเถว โมทติ ปโมทตีติ. ๒. จุนฺทีสุตฺตวณฺณนา [๓๒] ทุติเย ปญฺจหิ รถสเตหีติ ภุตฺตปาตราสา ปิตุ สนฺติกํ เปเสตฺวา ปญฺจ รถสตานิ โยชาเปตฺวา เตหิ ปริวุตาติ อตฺโถ. อุปสงฺกมีติ ภาตรา สทฺธึ ปวตฺติตปญฺหาสากจฺฉํ ปุจฺฉิสฺสามีติ คนฺธมาลาจุณฺณาทีนิ อาทาย อุปสงฺกมิ. ยเทว โส โหตีติ ยทาเอว โส โหติ. อถวา โยเอว โส โหติ. อริยกนฺตานิ สีลานีติ มคฺคผลสมฺปยุตฺตานิ สีลานิ. ตานิ หิ อริยานํ กนฺตานิ โหนฺตีติ, ภวนฺตเรปิ น ปริจฺจชนฺติ. ^๒- เสสํ จตุกฺกนิปาเต อคฺคปฺปสาทสุตฺเต ^๓- วุตฺตนเยเนว เวทิตพฺพํ. ๓. อุคฺคหสุตฺตวณฺณนา [๓๓] ตติเย ภทฺทิเยติ ภทฺทิยนคเร. ชาติยาวเนติ สยํ ชาเต อโรปิเต ^๔- หิมวนฺเตน สทฺธึ เอกาพทฺเธ วนสณฺเฑ, ตํ นครํ อุปนิสฺสาย ตสฺมึ วเน วิหรตีติ อตฺโถ. อตฺตจตุตฺโถติ อตฺตนา จตุตฺโถ. กสฺมา ปเนส ภควนฺตํ อตฺตจตุตฺถํเยว นิมนฺเตสิ? เคเห กิรสฺส มหนฺตํ มงฺคลํ, ตตฺถ มหนฺเตน สํวิธาเนน ^๕- พหู มนุสฺสา สนฺนิปติสฺสนฺติ. เต ภิกฺขุสํฆํ ปริวิสนฺเตน ทุสฺสงฺคหา ภวิสฺสนฺตีติ อตฺตจตุตฺถํเยว นิมนฺเตสิ. อปิจสฺส เอวํปิ อโหสิ "ทหรกุมาริกาโย มหาภิกฺขุสํฆ- มชฺเฌ สตฺถริ โอวทนฺเต โอโลกยมานา ^๖- โอวาทํ คเหตุํ น สกฺกุเณยฺยุนฺ"ติ. @เชิงอรรถ: ^๑ สี. สคฺเค จ โมทตีติ ^๒ สี. อปริจฺจชิยานิ @^๓ องฺ. จตุกฺก. ๒๑/๓๔/๓๙ อคฺคปฺปสาทสุตฺต ^๔ สี. อโรปิเม @^๕ สี. สํวิธาเนน ภวิตพฺพํ, ม. ปริวาเรน ^๖ ฉ.ม. โอลีนมนา

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๑๙. http://84000.org/tipitaka/read/attha_page.php?book=16&page=19&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=419&modeTY=2&pagebreak=1 http://84000.org/tipitaka/atthapali/th_line.php?B=16&A=419&modeTY=2&pagebreak=1#p19