อรรถกถาเล่มที่ ๑๖ หน้าที่ ๑๗๘.

โหติ:- ยาว สีลปาริสุทฺธิชฺฌานวิปสฺสนา โสตาปนฺนภาวาทีนํ อญฺตรมตฺตเกน โวสานํ นาปชฺชิสฺสนฺติ, ตาว วุฑฺฒิเยว ภิกฺขูนํ ปาฏิกงฺขา, โน ปริหานีติ. ๗. สญฺาสุตฺตวณฺณนา [๒๗] สตฺตเม อนิจฺจสญฺาทโย อนิจฺจานุปสฺสนาทีหิ สหคตา สญฺา. ๘. ปมปริหานิสุตฺตวณฺณนา [๒๘] อฏฺเม อุปฺปนฺนานํ สํฆกิจฺจานํ นิตฺถรเณน ภารํ วหนฺตีติ ภารวาหิโน. เต เตน ปญฺายิสฺสนฺตีติ เต เถรา ^๑- เตน อตฺตโน เถรภาวานุรูเปน กิจฺเจน ปญฺายิสฺสนฺติ. โว โยคํ อาปชฺชตีติ ปโยคํ อาปชฺชติ, สยํ ตานิ กิจฺจานิ กาตุํ อารภตีติ. ๙. ทุติยปริหานิสุตฺตวณฺณนา [๒๙] นวเม ภิกฺขุทสฺสนํ หาเปตีติ ภิกฺขุสํฆสฺส ทสฺสนตฺถาย คมนํ หาเปติ. อธิสีเลติ ปญฺจสีลทสสีลสงฺขาเต อุตฺตมสีเล. อิโต พหิทฺธาติ อิมมฺหา สาสนา พหิทฺธา. ทกฺขิเณยฺยํ คเวสตีติ เทยฺยธมฺมปฏิคฺคาหเก ปริเยสติ. ตตฺถ จ ปุพฺพการํ กโรตีติ เตสํ พาหิรานํ ติตฺถิยานํ ทตฺวา ปจฺฉา ภิกฺขูนํ เทติ. เสสํ สพฺพตฺถ อุตฺตานเมวาติ. วชฺชิวคฺโค ตติโย. --------------- @เชิงอรรถ: ^๑ ฉ.ม. เตสุ โยคํ อาปชฺชตีติ

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๑๗๘. http://84000.org/tipitaka/read/attha_page.php?book=16&page=178&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=3967&pagebreak=1 http://84000.org/tipitaka/atthapali/th_line.php?B=16&A=3967&pagebreak=1#p178