ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๑๕๓.

                           ๘. อรหตฺตวคฺค
                         ๑. ทุกฺขสุตฺตวณฺณนา
     [๗๕] อฏฺฐมสฺส ปฐเม สวิฆาตนฺติ สอุปฆาตํ โสปทฺทวํ. สปริฬาหนฺติ
กายิกเจตสิเกน ปริฬาเหน สปริฬาหํ. ปาฏิกงฺขาติ อิจฺฉิตพฺพา อวสฺสภาวินี. ๑-
                        ๒. อรหตฺตสุตฺตวณฺณนา
     [๗๖] ทุติเย มานนฺติ ชาติอาทีหิ มญฺญนํ. โอมานนฺติ หีโนหมสฺมีติ มานํ.
อติมานนฺติ อติกฺกมิตฺวา ปวตฺตํ อจฺจุณฺณติมานํ. อธิมานนฺติ อธิคตมานํ. ถมฺภนฺติ
โกธมาเนหิ ถทฺธภาวํ. อตินิปาตนฺติ หีนสฺส หีโนหมสฺมีติ มานํ.
                     ๓. อุตฺตริมนุสฺสธมฺมสุตฺตวณฺณนา
     [๗๗] ตติเย อุตฺตริมนุสฺสธมฺมาติ มนุสฺสธมฺมโต อุตฺตรึ. อลมริยญาณ-
ทสฺสนวิเสสนฺติ อริยภาวํ กาตุํ สมตฺถํ ญาณทสฺสนวิเสสํ, จตฺตาโร มคฺเค จตฺตาริ
จ ผลานีติ อตฺโถ. กุหนนฺติ ติวิธํ กุหนวตฺถุํ. ลปนนฺติ ลาภตฺถิกตาย อุกฺขิปิตฺวา
อวกฺขิปิตฺวา วา ลปนํ.
                       ๔. สุขโสมนสฺสสุตฺตวณฺณนา
     [๗๘] จตุตฺเถ โยนิ จสฺส อารทฺโธ โหตีติ การณํ จสฺส ปริปุณฺณํ
ปคฺคหิตํ โหติ. ธมฺมาราโมติ ธมฺเม รตึ วินฺทติ. ภาวนาย รมติ, ภาเวนฺโต วา
รมตีติ ภาวนาราโม. ปหาเน รมติ, ปชหนฺโต วา รมตีติ ปหานาราโม. ติวิเธ
ปวิเวเก  รมตีติ ปวิเวการาโม. อพฺยาปชฺเฌ นิทฺทุกฺขภาเว รมตีติ อพฺยาปชฺฌาราโม.
นิปฺปปญฺจสงฺขาเต นิพฺพาเน รมตีติ นิปฺปปญฺจาราโม.
@เชิงอรรถ:  ฉ.ม. อวสฺสํภาวินี



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๑๕๓. http://84000.org/tipitaka/read/attha_page.php?book=16&page=153&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=3444&modeTY=2&pagebreak=1 http://84000.org/tipitaka/atthapali/th_line.php?B=16&A=3444&modeTY=2&pagebreak=1#p153


จบการแสดงผล หน้าที่ ๑๕๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]