ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๑๒๘.

                        ๔. มหาจุนฺทสุตฺตวณฺณนา
     [๔๖] จตุตฺเถ เจตีสูติ เจติรฏฺเฐ. สญฺชาติยนฺติ ๑- เอวํนามเก นิคเม.
มหาจุนฺโทติ ธมฺมเสนาปติสฺส กนิฏฺฐภาติโก. ธมฺเม โยโค อนุโยโค เอเตสนฺติ
ธมฺมโยคา. ธมฺมกถิกานํ เอตํ นามํ. ฌายนฺตีติ ฌายี. อปสาเทนฺตีติ ฆฏฺเฏนฺติ
ขิปนฺติ. ๒- ฌายนฺตีติ  จินฺเตนฺติ. ปชฺฌายนฺตีติอาทีนิ อุปสคฺควเสน วฑฺฒิตานิ.
กิญฺหิเม ฌายนฺตีติ กินฺนาม อิเม ฌายนฺติ. กินฺติเม ๓- ฌายนฺตีติ กิมตฺถํ อิเม
ฌายนฺติ. กถญฺหิเม ฌายนฺตีติ เกน การเณน อิเม ฌายนฺติ. อมตํ ธาตุํ กาเยน ผุสิตฺวา
วิหรนฺตีติ มรณวิรหิตํ นิพฺพานธาตุํ สนฺธาย กมฺมฏฺฐานํ คเหตฺวา วิหรนฺตา
อนุกฺกเมน ตํ นามกาเยน ผุสิตฺวา วิหรนฺติ. คมฺภีรอตฺถปทนฺติ คุฬฺหํ ปฏิจฺฉนฺนํ
ขนฺธธาตุอายตนาทิอตฺถํ. ปญฺญาย อติวิชฺฌ ปสฺสนฺตีติ สห วิปสฺสนาย มคฺคปญฺญาย
อติวิชฺฌิตฺวา ๔- ปสฺสนฺติ. อิมสฺมึ ปน อตฺเถ สมฺมสนปฏิเวธปญฺญาปิ
อุคฺคหปริปุจฺฉาปญฺญาปิ วฏฺฏติเยวาติ.
                     ๕-๖. สนฺทิฏฺฐิกสุตฺตทฺวยวณฺณนา
     [๔๗-๔๘] ปญฺจเม สนฺตํ วา อชฺฌตฺตนฺติ นิยกชฺฌตฺเต วิชฺชมานํ.
โลโภติอาทีหิ ตีณิ อกุสลมูลานิ ทสฺสิตานิ. โลภธมฺมาติอาทีหิ ตํสมฺปยุตฺตกธมฺมา.
ฉฏฺเฐ กายสนฺโทสนฺติ กายทฺวารสฺส ทุสฺสนการณํ. ๕- เสสปททฺวเยปิ เอเสว นโย.
อิเมสุ ทฺวีสุ สุตฺเตสุ ปจฺจเวกฺขณาว กถิตา.
                         ๗. เขมสุตฺตวณฺณนา
     [๔๙] สตฺตเม วุสิตวาติ วุฏฺฐพฺรหฺมจริยวาโส. กตกรณีโยติ จตูหิ มคฺเคหิ
กตฺตพฺพํ กตฺวา ฐิโต. โอหิตภาโรติ ขนฺธภารํ กิเลสภารํ อภิสงฺขารภารญฺจ
โอตาเรตฺวา ฐิโต. อนุปฺปตฺตสทตฺโถติ สทตฺโถ วุจฺจติ อรหตฺตํ, ตํ ปตฺโตติ อตฺโถ.
@เชิงอรรถ:  ฉ.ม. สยํชาติยนฺติ   ฉ.ม. หึสนฺติ   ฉ.ม. กิมิเม   ฉ.ม. ปฏิวิชฺฌิตฺวา
@ ฉ.ม. ทุสฺสนาการํ



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๑๒๘. http://84000.org/tipitaka/read/attha_page.php?book=16&page=128&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=2885&modeTY=2&pagebreak=1 http://84000.org/tipitaka/atthapali/th_line.php?B=16&A=2885&modeTY=2&pagebreak=1#p128


จบการแสดงผล หน้าที่ ๑๒๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]