ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๑๑๘.

ทสฺสามี"ติ เขตฺตคฺคหณํ อาทึ กตฺวา จินฺเตนฺตสฺส ลพฺภติ. ททํ จิตฺตํ
ปสาเทตีติ เอวํ วุตฺตา มุญฺจนเจตนา ปน ทานกาเลเยว ลพฺภติ. ทตฺวา อตฺตมโน
โหตีติ อยํ ปน อปรเจตนา อปราปรํ อนุสฺสรนฺตสฺส ลพฺภติ. วีตราคาติ
วิคตราคา ขีณาสวา. ราควินยาย วา ปฏิปนฺนาติ ราควินยปฏิปทํ ปฏิปนฺนา.
อุกฺกฏฺฐเทสนา เจสา, น เกวลํ ปน ขีณาสวานํ, อนาคามิสกทาคามิ-
โสตาปนฺนานํปิ อนฺตมโส ตทหุปพฺพชิตสฺส ภณฺฑคฺคาหกสามเณรสฺสาปิ ทินฺนา
ทกฺขิณา ฉฬงฺคสมนฺนาคตาว โหติ. โสปิ หิ โสตาปตฺติมคฺคตฺถเมว ปพฺพชิโต.
     ยญฺญสฺส สมฺปทาติ ทานสฺส ปริปุณฺณตา. สญฺญตาติ สีลสญฺญเมน
สญฺญตา. สยํ อาจมยิตฺวานาติ ๑- อตฺตนาว หตฺถปาเท โธวิตฺวา มุขํ วิกฺขาเลตฺวา.
สเกหิ ๒- ปาณิภีติ อตฺตโน หตฺเถหิ. สเยหีติปิ ๓- ปาโฐ. สทฺโธติ รตนตฺตยคุเณ
สทฺทหนฺโต. มุตฺเตน เจตสาติ ลาภมจฺฉริยาทีหิ วิมุตฺเตน จิตฺเตน. อพฺยาปชฺฌํ
สุขํ โลกนฺติ นิทฺทุกฺขํ อุฬารสุขโสมนสฺสํ เทวโลกํ.
                        ๘. อตฺตการีสุตฺตวณฺณนา
     [๓๘] อฏฺฐเม อทฺทสํ วา อสฺโสสึ วาติ อกฺขีนิ อุมฺมิเลตฺวา มา อทฺทสํ,
อสุกสฺมึ นาม ฐาเน วสตีติ มา อสฺโสสึ, กเถนฺตสฺส วา วจนํ มา อสฺโสสึ.
กถํ หิ นามาติ เกน นาม การเณน. อารพฺภธาตูติ ๔- อารภนวเสน ปวตฺตวิริยํ.
นิกฺกมธาตูติ โกสชฺชโต นิกฺขมนสภาวํ วิริยํ. ปรกฺกมธาตูติ ปรกฺกมสภาโว.
ถามธาตูติ ถามสภาโว. ธิติธาตูติ ธิติสภาโว. ๕- อุปกฺกมธาตูติ อุปกฺกมสภาโว.
สพฺพํ เจตํ เตนากาเรน ๖- ปวตฺตสฺส วิริยสฺเสว นามํ.
                      ๙-๑๐. นิทานสุตฺตาทิวณฺณนา
     [๓๙-๔๐] นวเม กมฺมานนฺติ วฏฺฏคามิกมฺมานํ. สมุทยายาติ ปิณฺฑ-
กรณตฺถาย. นิทานนฺติ ปจฺจโย. โลภเชนาติ โลภโต ชาเตน. น ปญฺญายนฺตีติ
@เชิงอรรถ:  ก. อาจรยิตฺวานาติ   สี. เสหิ   สี. สเกหีติปิ, ม. สญฺเญหีติปิ
@ ฉ.ม. อารมฺภธาตูติ   ฉ.ม. ฐิติธาตูติ. ฐิติสภาโว   ฉ.ม. เตน เตนากาเรน



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๑๑๘. http://84000.org/tipitaka/read/attha_page.php?book=16&page=118&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=2645&modeTY=2&pagebreak=1 http://84000.org/tipitaka/atthapali/th_line.php?B=16&A=2645&modeTY=2&pagebreak=1#p118


จบการแสดงผล หน้าที่ ๑๑๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]