ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๖๘.

ปสาทํ ชเนติ. ปสาทนีเย ฐาเน อปฺปสาทนฺติ สุปฏิปทาย สมฺมาปฏิปทาย
"อยํ ทุปฺปฏิปทา มิจฺฉาปฏิปทา"ติ อปฺปสาทํ ชเนตีติ. เสสเมตฺถ อุตฺตานเมว.
      [๑๓๗] สตฺตเม ทฺวีสูติ ทฺวีสุ โอกาเสสุ ทฺวีสุ การเณสุ. มิจฺฉาปฏิ-
ปชฺชมาโนติ มิจฺฉาปฏิปตฺตึ อาปชฺชมาโน. ๑- มาตริ จ ปิตริ จาติ มิตฺตวินฺทุโก
วิย มาตริ, อชาตสตฺตุ วิย ปิตริ. สุกฺกปกฺโข วุตฺตนเยเนว เวทิตพฺโพ.
      [๑๓๘] อฏฺฐเม ตถาคเต จ ตถาคตสาวเก จาติ เทวทตฺโต วิย ตถาคเต,
โกกาลิโก วิย จ ตถาคตสาวเก. สุกฺกปกฺเข อานนฺทตฺเถโร วิย ตถาคเต,
นนฺทโคปาลกเสฏฺฐิปุตฺโต ๒- วิย จ ตถาคตสาวเก.
      [๑๓๙] นวเม สจิตฺตโวทานนฺติ สกจิตฺตสฺส โวทานํ, อฏฺฐนฺนํ สมาปตฺตีนํ
เอตํ นามํ. น จ กิญฺจิ โลเก อุปาทิยตีติ โลเก จ รูปาทีสุ ธมฺเมสุ กิญฺจิ
เอกํ ธมฺมํปิ น คณฺหาติ ๓- น ปรามสติ. เอวเมตฺถ อนุปาทานนฺนาม ทุติโย ธมฺโม
โหติ. ทสมเอกาทสมํ อุตฺตานเมวาติ. ๔-
                        อายาจนวคฺโค ทุติโย.
                         -------------
                       ๑๓. ๓. ทานวคฺควณฺณนา
      [๑๔๒] ตติยสฺส ปฐเม ทานานีติ ทานาทีนํ ๕- ทิยฺยนกวเสน ทานานิ,
เทยฺยธมฺมสฺเสตํ นามํ. สวตฺถุกา วา เจตนา ทานํ, สมฺปตฺติปริจฺจาคสฺเสตํ นามํ.
อามิสทานนฺติ จตฺตาโร ปจฺจยา ทิยฺยนกวเสน อามิสทานํ นาม. ธมฺมทานฺติ
อิเธกจฺโจ อมตุปฺปตฺติปฏิปทํ ๖- กเถตฺวา เทติ, อิทํ ธมฺมทานํ นาม.
@เชิงอรรถ:  ฉ.ม.,อิ. ปฏิปชฺชมาโน   สี.,อิ. ภูตวาลิกเสฏฺฐิปุตฺโต   ม. นปฺปฏิคฺคณฺหาติ
@ ฉ.ม.,อิ. ทสเมกาทสมานิ อุตฺตานตฺถาเนวาติ   ฉ.ม. อยํ ปาโฐ น ทิสฺสติ
@ ฉ.ม. อมตปตฺติปฏิปทํ



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๖๘. http://84000.org/tipitaka/read/attha_page.php?book=15&page=68&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=1509&modeTY=2&pagebreak=1 http://84000.org/tipitaka/atthapali/th_line.php?B=15&A=1509&modeTY=2&pagebreak=1#p68


จบการแสดงผล หน้าที่ ๖๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]