อรรถกถาเล่มที่ ๑๕ หน้าที่ ๓๗๐-๓๗๑.

หน้าที่ ๓๗๐.

๘. พลีพทฺธสุตฺตวณฺณนา [๑๐๘] อฏฺฐเม โย อตฺตโน โคคณํ มทฺทติ, น ปรโคคณํ, อยํ สควจณฺโฑ โน ปรควจณฺโฑติ เอวํ สพฺพปทานิ เวทิตพฺพานิ. อุพฺเพเชตา โหตีติ ฆฏฺเฏตฺวา วิชฺฌิตฺวา อุพฺเพคปฺปตฺตํ ^๑- กโรติ. ๙. รุกฺขสุตฺตวณฺณนา [๑๐๙] นวเม เผคฺคุ เผคฺคุปริวาโรติ นิสฺสาโร เผคฺคุรุกฺโข เผคฺคุรุกฺเขเหว ปริวุโต. สารปริวาโรติ ขทิราทีหิ สารรุกฺเขเหว ปริวุโต. เอส นโย สพฺพตฺถ. ๑๐. อาสีวิสสุตฺตวณฺณนา [๑๑๐] ทสเม อาคตวิโส น โฆรวิโสติ ยสฺส วิสํ อาคจฺฉติ, โฆรํ ปน น โหติ, จิรกาลํ น ปีเฬติ. เสสปเทสุปิ เอเสว นโย. ^๒- วลาหกวคฺโค ปฐโม. ----------- ๑๒. ๒. เกสิวคฺค ๑. เกสิสุตฺตวณฺณนา [๑๑๑] ทุติยสฺส ปฐเม เกสีติ ตสฺส นามํ. อสฺสทมฺเม สาเรติ ทเมตีติ อสฺสทมฺมสารถี. ^๓- สเณฺหนปิ ทเมตีติอาทีสุ ^๔- ตสฺส อนุจฺฉวิกํ สกฺการํ กตฺวา สุโภชนํ โภเชตฺวา มธุรปานํ ปาเยตฺวา มุทุวจเนน สมุทาจริตฺวา ทเมนฺโต สเณฺหน ทเมติ นาม, ชานุพนฺธนมุขพนฺธนาทีหิ เจว ปโตทวิชฺฌนกสาภิฆาตผรุสวจเนหิ จ @เชิงอรรถ: ^๑ ม. อุพฺเพคตํ, ฉ. อุพฺเพคปตฺตํ ^๒ ฉ.ม. นโยติ @^๓ ฉ.ม. สาเรตีติ อสฺสทมฺมสารถิ ^๔ ฉ.ม. สเณฺหนปิ วิเนมีติ

--------------------------------------------------------------------------------------------- หน้าที่ ๓๗๑.

ทเมนฺโต ผรุเสน ทเมติ นาม, กาเลน กาลํ ตทุภยํ กโรนฺโต สณฺหผรุเสน ทเมติ นาม. ๒. ชวสุตฺตวณฺณนา [๑๑๒] ทุติเย อาชฺชเวนาติ อุชุกภาเวน. ชเวนาติ ปทเวเคน. ขนฺติยาติ อธิวาสนกฺขนฺติยา. โสรจฺเจนาติ สุจิภาวสีเลน. ปุคฺคลคุณงฺเคสุ ชเวนาติ ญาณชเวน. เสสเมตฺถ อุตฺตานตฺถเมว. ๓. ปโตทสุตฺตวณฺณนา [๑๑๓] ตติเย ปโตทจฺฉายนฺติ วิชฺฌนตฺถํ อุกฺขิตฺตสฺส ปโตทสฺส ฉายํ. สํวิชฺชตีติ "ชโว เม คเหตพฺโพ"ติ สลฺลกฺขณวเสน สํวิชฺชติ. สํเวคํ อาปชฺชตีติ สํเวคํ ^๑- ปฏิวิชฺฌติ. ^๒- โลมเวธวิทฺโธติ โลมกูเป ปโตทเวเธน วิทฺธมตฺโต. ธมฺมเวธวิทฺโธติ ฉวิจมฺมํ ฉินฺทนฺเตน ปโตทเวเธน วิทฺโธ. อฏฺฐิเวธวิทฺโธติ อฏฺฐึ ภินฺทนฺเตน เวเธน วิทฺโธ. กาเยนาติ นามกาเยน. ปรมสจฺจนฺติ นิพฺพานํ. สจฺฉิกโรตีติ ผุสติ. ^๓- ปญฺญายาติ สห วิปสฺสนาย มคฺคปญฺญาย. ๔. นาคสุตฺตวณฺณนา [๑๑๔] จตุตฺเถ อฏฺฐิกตฺวาติ อฏฺฐิโก หุตฺวา. ติณวนินฺนาทสทฺทานนฺติ เอตฺถ ติณโวติ เฑณฺฑิโม, ^๔- นินฺนาทสทฺโทติ สพฺเพสมฺปิ เอกโต มิสฺสิโต มหาสทฺโท. ฑํสาทีสุ ฑํสาติ ปิงฺคลมกฺขิกา, มกสาติ มกสาว. ขิปฺปญฺเญว คนฺตา โหตีติ สีลสมาธิปญฺญาวิมุตฺติวิมุตฺติญาณทสฺสนานิ ปูเรตฺวา ขิปฺปเมว คนฺตา โหติ. @เชิงอรรถ: ^๑ สี.,อิ. เวคํ ^๒ ฉ.ม. ปฏิปชฺชติ @^๓ ฉ.ม. ปสฺสติ ^๔ ฉ.ม. ฑิณฺฑิโม

เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๓๗๐-๓๗๑. http://84000.org/tipitaka/read/attha_page.php?book=15&page=370&pages=2&modeTY=2&pagebreak=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=8535&modeTY=2&pagebreak=1 http://84000.org/tipitaka/atthapali/th_line.php?B=15&A=8535&modeTY=2&pagebreak=1#p370