ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๓๖๙.

                          ๓. ตติยปณฺณาสก
                         ๑๑. ๑. วลาหกวคฺค
                      ๑-๒. วลาหกสุตฺตทฺวยวณฺณนา
     [๑๐๑-๒] ตติยปณฺณาสกสฺส ปฐเม วลาหกาติ เมฆา. ภาสิตา โหติ โน
กตฺตาติ "อิทญฺจิทญฺจ กริสฺสามี"ติ เกวลํ ภาสติเยว, น กโรติ. กตฺตา โหติ
โน ภาสิตาติ อกเถตฺวาว "อิทญฺจิทญฺจ มยาว กาตุํ วฏฺฏตี"ติ  กตฺตา โหติ. เอวํ
สพฺพตฺถ อตฺโถ เวทิตพฺโพ. ทุติยํ อุตฺตานตฺถเมว.
                         ๓. กุมฺภสุตฺตวณฺณนา
     [๑๐๓] ตติเย กุมฺภาติ ฆฏา. ตุจฺโฉ ปิหิโตติ ริตฺตโก ปิหิตมุโข. ปูโร
วิวโฏติ อุทกปุณฺโณ อปารุตมุโข. เสสปททฺวเยปิ เอเสว นโย.
                        ๔. อุทกรหทสุตฺตวณฺณนา
     [๑๐๔] จตุตฺเถ อุตฺตาโน คมฺภีโรภาโสติอาทีสุ ปุราณปณฺณรสสมฺภินฺนวณฺโณ
กาฬอุทโก คมฺภีโรภาโส นาม, อจฺฉวิปฺปสนฺนมณิวณฺณอุทโก อุตฺตาโนภาโส นาม.
                         ๕. อมฺพสุตฺตวณฺณนา
     [๑๐๕] ปญฺจเม อามํ ปกฺกวณฺณีติ อามกํ หุตฺวา โอโลเกนฺตานํ ปกฺกสทิสํ
ขายติ. เอวํ สพฺพปทานิ ทฏฺฐพฺพานิ. ฉฏฺฐํ อุตฺตานเมว.
                         ๗. มูสิกสุตฺตวณฺณนา
     [๑๐๗] สตฺตเม โย อาวาฏํ ขณติ, น จ ตตฺถ วสติ, โส คาธํ กตฺตา
โน วสิตาติ วุจฺจติ. ขนฺตาติปิ ปาโฐ. อิมินา นเยน สพฺพปทานิ เวทิตพฺพานิ.



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๓๖๙. http://84000.org/tipitaka/read/attha_page.php?book=15&page=369&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=8516&modeTY=2&pagebreak=1 http://84000.org/tipitaka/atthapali/th_line.php?B=15&A=8516&modeTY=2&pagebreak=1#p369


จบการแสดงผล หน้าที่ ๓๖๙.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]