ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๓๔๙.

     พหุเภรวนฺติ พหุเภรวารมฺมเณหิ สมนฺนาคตํ. รตนวรานนฺติ ๑- สตฺตนฺนํ
ปวรรตนานํ. อาลยนฺติ นิวาสฏฺฐานํ. ปุถู สวนฺตีติ พหุกา หุตฺวา สนฺทมานา.
เสสเมตฺถ อุตฺตานเมว.
                     ๒. ทุติยปุญฺญาภิสนฺทสุตฺตวณฺณนา
     [๕๒] ทุติเย อริยกนฺเตหีติ มคฺคผลสมฺปยุตฺเตหิ. ตานิ หิ อริยานํ กนฺตานิ
โหนฺติ ปิยานิ มนาปานิ. เสสํ สุตฺตนฺเต ตาว ยํ วตฺตพฺพํ สิยา, ตํ วิสุทฺธิมคฺเค
๒- วุตฺตเมว.
     คาถาสุ ปน สทฺธาติ โสตาปนฺนสฺส สทฺธา อธิปฺเปตา. สีลนฺติ โสตาปนฺนสฺส
สีลเมว. อุชุภูตญฺจ ทสฺสนนฺติ กายวงฺกาทีนํ อภาเวน ขีณาสวสฺส ทสฺสนํ
อุชุภูตทสฺสนนฺนาม. อาหูติ กถยนฺติ. ปสาทนฺติ พุทฺธธมฺมสํเฆสุ ปสาทํ.
ธมฺมทสฺสนนฺติ จตุสจฺจธมฺมทสฺสนํ.
                       ๓. ปฐมสํวาสสุตฺตวณฺณนา
     [๕๓] ตติเย สมฺพหุลาปิ โข คหปตี จ คหปตานิโย จาติ พหุกา คหปตโย
จ คหปตานิโย จ อาวาหวิวาหกรณตฺถาย คจฺฉนฺตา ตเมว มคฺคํ ปฏิปนฺนา
โหนฺติ. สํวาสาติ สหวาสา เอกโตวาสา. ฉโว ฉวายาติ คุณมรเณน มตตฺตา
ฉโว คุณมรเณเนว มตาย ฉวาย สทฺธึ. เทวิยา สทฺธินฺติ คุเณหิ เทวิภูตาย
สทฺธึ. ทุสฺสีโลติ นิสฺสีโล. ปาปธมฺโมติ ลามกธมฺโม. อกฺโกสกปริภาสโกติ ทสหิ
อกฺโกสวตฺถูหิ อกฺโกสโก ภยํ ทสฺเสตฺวา ตชฺชเนน ปริภาสโก. เอวํ สพฺพตฺถ
อตฺโถ เวทิตพฺโพ.
     กทริยาติ ถทฺธมจฺฉริโน. ชานิปตโยติ ชายปติกา. ๓- วทญฺญูติ ยาจกวจนสฺส
อตฺถํ ชานนฺตา. สญฺญตาติ สีลสญฺญเมน สมนฺนาคตา. ธมฺมชีวิโนติ ธมฺเม ฐตฺวา
@เชิงอรรถ:  สี.,ก. รตนคณานนฺติ        วิสุทฺธิ. ๑/๑๙๒         ฉ.ม. ชยมฺปติกา



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๓๔๙. http://84000.org/tipitaka/read/attha_page.php?book=15&page=349&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=8077&modeTY=2&pagebreak=1 http://84000.org/tipitaka/atthapali/th_line.php?B=15&A=8077&modeTY=2&pagebreak=1#p349


จบการแสดงผล หน้าที่ ๓๔๙.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]